Monday, May 27, 2013

ከሰማያዊ ፓርቲ የተሰጠ መግለጫ፣ ሰላማዊ ትግላችን ይቀጥላል!

ሰላማዊ ትግላችን ይቀጥላል!!!
ሰማያዊ ፓርቲ በመንግስት የሚፈፀሙ ህገ ወጥ ድርጊቶች፣ የሰብአዊና ዲሞክራሲያዊ መብት ጥሰቶች እንዲቆሙና የማሻሻያ እርምጃዎች እንዲወሰድባቸው ለመንግስት አካላት በተለያዩ ጊዚያት ጥሪ ቢያቀርብም ምላሽ ሊያገኝ ባለመቻሉ ጥሪውን ከፍ ባለ የሰላማዊ ትግል እንቅስቃሴ ለማሰማት በወሰነው መሰረት ከግንቦት 15 እስከ 17 ቀን 2005 ዓ.ም ጥቁር ልብስ በመልበስ እንዲሁም ግንቦት 17 ቀን 2005 ዓ.ም ደግሞ በአፍሪካ ሕብረት ዋና ጽ/ቤት ፊት ለፊት ሰላማዊ ሰልፍ በማድረግ ተቃውሞውን ለመግለጽ ጥሪ ማስተላለፉ ይታወሳል፡፡Addis Ababa, Ethiopia a call for demonstration
በዚሁም መሰረት ዜጎች በሐገር ውስጥና ከሐገር ውጭ ከግንቦት 15 እስከ 17 ቀን 2005 ዓ.ም ድረስ ጥቁር ልብስ በመልበስ መንግስት በሚፈፅማቸው ሕገ ወጥ ድርጊቶች ላይ ያላቸውን ተቃውሞ አሳይተዋል፡፡ በዚህም ምክንያት በአንዳንድ አባላቶቻችን ላይ ወከባና እስር ደርሶባቸዋል፡፡ እንዲህ ዓይነቱን የዜጎችን ሃሳብን በነፃነት የመግለፅ መብት በመጋፋት የተፈፀሙ ድርጊቶችን እንቃወማለን፤ የታሰሩትም በአስቸኳይ እንዲፈቱ እንጠይቃለን፡፡
ግንቦት 17 ቀን ቀን 2005 ዓ.ም በአፍሪካ ሕብረት ዋና ጽ/ቤት ፊት ለፊት ሊደረግ የታቀደውን የተቃውሞ ሰልፍ በተመለከተ ግንቦት 14 ቀን 2005 ዓ.ም ለሰላማዊ ሰልፍና ሕዝባዊ ስብሰባ ማሳወቂያ ቢሮ ሰልፉ የሚደረግ መሆኑን የማሳወቂያ ደብዳቤ ፓርቲው ቢያደርስም የቢሮው ኃላፊና ሌሎችም የሚመለከታቸው አካላት ደብዳቤአችንን አንቀበልም ብለዋል፡፡ ሰማያዊ ፓርቲ እንደዚህ አይነቱን ሕገ ወጥ አሰራር በማውገዝ ሰልፉን ከማድረግ የማይመለስ መሆኑን በመግለጫ ለሕዝብና ለሚመለከታቸው አካላት አሳውቋል፡፡ በመጨረሻም የሰላማዊ ሰልፍና ሕዝባዊ ስብሰባ ማሳወቂያ ቢሮ በአዋጁ መሰረት የሰላማዊ ሰልፉ የሚደረግበትን ቀንና ቦታ እንዲለወጥ በደብዳቤ በጠየቀው መሰረት ሁለታችንም አካላት ባደረግነው ድርድር ሰልፉ ግንቦት 25 ቀን 2005 ዓ.ም እንዲሆንና የሰልፉ መነሻ ቦታ የፓርቲው ፅ/ቤት መድረሻ ቦታ ኢትዮ-ኩባ አደባባይ ወይም ጥቁር አንበሳ ዋናው ፖስታ ቤት ፊለፊት እንዲሆን ተወስኗል፡፡
በዚሁም መሰረት፡-
1ኛ. ሰማያዊ ፓርቲ ሚያዚያ 29 ቀን 2005 ዓ. በሰጠው ጋዜጣዊ መግለጫ የተጠቀሱት ጥያቄዎች እንደተጠበቁ መሆናቸውንና የግንቦት 25 ቀን 2005 ዓ.ም ሰላማዊ ሰልፍም ዋና ዋና ጥያቄዎች መሆናቸውን፣
2ኛ. ለረጅም ጊዜ ያለ ህግ ተነፍገን የቆየነውን ሃሳባችንን በሰላማዊ ሰልፍ የመግለፅ መብት በትግላችን ያረጋገጥን በመሆኑ ህዝብ በንቃት እንዲሳተፍበትና በሰልፉ ላይ የሚቀርቡ ጥያቄዎች በሚመለከታቸው አካላት ሁሉ ተገቢውን ምላሽ እንዲያገኙ ማሳሰብ ይቻል ዘንድ ሁላችንም የዜግነት ድርሻችንን እንድንወጣና ለሰልፉ መሳካት በምንችለው አቅም ሁሉ አስተዋፅኦ እንድናደርግ ጥሪ የምናቀርብ መሆኑ፣
3ኛ. ሰማያዊ ፓርቲ ላቀረበው ሰላማዊ ታቃውሞ የፖለቲካ ፓርቲዎች፣ የሲቪክ ማህበራትና ዜጎች ላደረጋችሁልን ድጋፍ ፓርቲው ምስጋናውን ማቅረብ የሚፈልግ መሆኑንና የፓርቲያችንን ጥሪ ለህዝቡና ለሚመለከታቸው አካላት ሁሉ እንዲዳረስ መገናኛ ብዙሃን እና የማህበራዊ ድረ-ገፅ ተጠቃሚዎች ያደረጉት አስተዋፅዖ እጅግ የሚያስደንቅና የሚያስመሰግን መሆኑን ፣
እየገለፅን አሁንም ፓርቲው ያነሳቸው ጥያቄዎች መመለስ አላባቸው ብሎ የሚያምን የፖለቲካ ፓርቲ፣ የሲቪክ ማህበርና ዜጎች በሰልፉ እንዲሳተፉ ፓርቲያችን ጥሪውን ያቀርባል፡፡
ግንቦት 19 ቀን 2005 ዓ.ም
አዲስ አበባ
Photo: ከሰማያዊ ፓርቲ የተሰጠ መግለጫ<br /> ሰላማዊ ትግላችን ይቀጥላል!!!<br /> ሰማያዊ ፓርቲ በመንግስት የሚፈፀሙ ህገ ወጥ ድርጊቶች፣ የሰብአዊና ዲሞክራሲያዊ መብት ጥሰቶች እንዲቆሙና የማሻሻያ እርምጃዎች እንዲወሰድባቸው ለመንግስት አካላት በተለያዩ ጊዚያት ጥሪ ቢያቀርብም ምላሽ ሊያገኝ ባለመቻሉ ጥሪውን ከፍ ባለ የሰላማዊ ትግል እንቅስቃሴ ለማሰማት በወሰነው መሰረት ከግንቦት 15 እስከ 17 ቀን 2005 ዓ.ም ጥቁር ልብስ በመልበስ እንዲሁም ግንቦት 17 ቀን 2005 ዓ.ም ደግሞ በአፍሪካ ሕብረት ዋና ጽ/ቤት ፊት ለፊት ሰላማዊ ሰልፍ በማድረግ ተቃውሞውን ለመግለጽ ጥሪ ማስተላለፉ ይታወሳል፡፡<br /> በዚሁም መሰረት ዜጎች በሐገር ውስጥና ከሐገር ውጭ ከግንቦት 15 እስከ 17 ቀን 2005 ዓ.ም ድረስ ጥቁር ልብስ በመልበስ መንግስት በሚፈፅማቸው ሕገ ወጥ ድርጊቶች ላይ ያላቸውን ተቃውሞ አሳይተዋል፡፡ በዚህም ምክንያት በአንዳንድ አባላቶቻችን ላይ ወከባና እስር ደርሶባቸዋል፡፡ እንዲህ ዓይነቱን የዜጎችን ሃሳብን በነፃነት የመግለፅ መብት በመጋፋት የተፈፀሙ ድርጊቶችን እንቃወማለን፤ የታሰሩትም በአስቸኳይ እንዲፈቱ እንጠይቃለን፡፡<br /> ግንቦት 17 ቀን ቀን 2005 ዓ.ም በአፍሪካ ሕብረት ዋና ጽ/ቤት ፊት ለፊት ሊደረግ የታቀደውን የተቃውሞ ሰልፍ በተመለከተ ግንቦት 14 ቀን 2005 ዓ.ም ለሰላማዊ ሰልፍና ሕዝባዊ ስብሰባ ማሳወቂያ ቢሮ ሰልፉ የሚደረግ መሆኑን የማሳወቂያ ደብዳቤ ፓርቲው ቢያደርስም የቢሮው ኃላፊና ሌሎችም የሚመለከታቸው አካላት ደብዳቤአችንን አንቀበልም ብለዋል፡፡ ሰማያዊ ፓርቲ እንደዚህ አይነቱን ሕገ ወጥ አሰራር በማውገዝ ሰልፉን ከማድረግ የማይመለስ መሆኑን በመግለጫ ለሕዝብና ለሚመለከታቸው አካላት አሳውቋል፡፡ በመጨረሻም የሰላማዊ ሰልፍና ሕዝባዊ ስብሰባ ማሳወቂያ ቢሮ በአዋጁ መሰረት የሰላማዊ ሰልፉ የሚደረግበትን ቀንና ቦታ እንዲለወጥ በደብዳቤ በጠየቀው መሰረት ሁለታችንም አካላት ባደረግነው ድርድር ሰልፉ ግንቦት 25 ቀን 2005 ዓ.ም እንዲሆንና የሰልፉ መነሻ ቦታ የፓርቲው ፅ/ቤት መድረሻ ቦታ ኢትዮ-ኩባ አደባባይ ወይም ጥቁር አንበሳ ዋናው ፖስታ ቤት ፊለፊት እንዲሆን ተወስኗል፡፡ በዚሁም መሰረት፡-<br /> 1ኛ. ሰማያዊ ፓርቲ ሚያዚያ 29 ቀን 2005 ዓ. በሰጠው ጋዜጣዊ መግለጫ የተጠቀሱት ጥያቄዎች እንደተጠበቁ መሆናቸውንና የግንቦት 25 ቀን 2005 ዓ.ም ሰላማዊ ሰልፍም ዋና ዋና ጥያቄዎች መሆናቸውን፣<br /> 2ኛ. ለረጅም ጊዜ ያለ ህግ ተነፍገን የቆየነውን ሃሳባችንን በሰላማዊ ሰልፍ የመግለፅ መብት በትግላችን ያረጋገጥን በመሆኑ ህዝብ በንቃት እንዲሳተፍበትና በሰልፉ ላይ የሚቀርቡ ጥያቄዎች በሚመለከታቸው አካላት ሁሉ ተገቢውን ምላሽ እንዲያገኙ ማሳሰብ ይቻል ዘንድ ሁላችንም የዜግነት ድርሻችንን እንድንወጣና ለሰልፉ መሳካት በምንችለው አቅም ሁሉ አስተዋፅኦ እንድናደርግ ጥሪ የምናቀርብ መሆኑ፣<br /> 3ኛ. ሰማያዊ ፓርቲ ላቀረበው ሰላማዊ ታቃውሞ የፖለቲካ ፓርቲዎች፣ የሲቪክ ማህበራትና ዜጎች ላደረጋችሁልን ድጋፍ ፓርቲው ምስጋናውን ማቅረብ የሚፈልግ መሆኑንና የፓርቲያችንን ጥሪ ለህዝቡና ለሚመለከታቸው አካላት ሁሉ እንዲዳረስ መገናኛ ብዙሃን እና የማህበራዊ ድረ-ገፅ ተጠቃሚዎች ያደረጉት አስተዋፅዖ እጅግ የሚያስደንቅና የሚያስመሰግን መሆኑን ፣<br /> እየገለፅን አሁንም ፓርቲው ያነሳቸው ጥያቄዎች መመለስ አላባቸው ብሎ የሚያምን የፖለቲካ ፓርቲ፣ የሲቪክ ማህበርና ዜጎች በሰልፉ እንዲሳተፉ ፓርቲያችን ጥሪውን ያቀርባል፡፡<br /> ግንቦት 19 ቀን 2005 ዓ.ም<br /> አዲስ አበባ


Saturday, May 25, 2013

ኢህአዴግ ግንቦት 20ን የአባይን ወንዝ አቅጣጫ በማስቀየር ሊያከብር ነው

ኢሳት ዜና:- ኢህአዴግ አዲስአበባን የተቆጣጠረበትን 22ኛ ዓመት ክብረበአል የአባይን ግድብ አቅጣጫ በማስቀየር ለማክበር በዝግጅት ላይ መሆኑን የኢህአዴግ ምንጮች ለኢሳት ገልጸዋል።
ስነስርዓቱ በቤንሻንጉል ጉምዝ ክልል በጉባ ከተማ ከፍተኛ የመንግስት ባለስልጣናት በሚገኙበት እንደሚካሄድ ታውቋል። ኢህአዴግ የወንዙን አቅጣጫ በማስቀየር የኢትዮጵያን ህዝብ በእለቱ ለማስደመም ማቀዱን ለማወቅ ተችሎአል።
የወንዙን አቅጣጫ የማስቀየር ሥራ ክንውን አስመልክቶም የፊታችን ሰኞ ግንቦት 19/2005 ዓ.ም ከ10:30 ጀምሮ በብሔራዊ ቲአትር የሙዚቃዊ ድራማ ዝግጅት መዘጋጀቱም ታውቋል፡፡
የወንዙን አቅጣጫ የማስቀየሩ ስራ የፊታችን ማክሰኞ ቢካሄድም መንግስት አጠቃላይ ግንባታው በተያዘለት እቅድ መሰረት ለመከናወን እንደማይችል ፍንጭ ሰጥቷል።
ከአማራ ክልል መንግስት የተገኘው መረጃ እንደሚያመለክተው የመንግስት ሰራተኞች ለአባይ ግድብ መዋጮ አንዲከፍሉ የተጠየቁትን ገንዘብ ከ90 በመቶ በላይ የከፈሉ ሲሆን ፣ የክልሉ ነጋዴዎች ደግሞ 1 ቢሊዮን ብር እንዲከፍሉ እቅድ ተይዞ የነበረ ቢሆንም እስካሁን ለመሰብሰብ የተቻለው 16 ሚሊዮን ብር ብቻ ነው። መንግስት ገንዘቡን በሚቀጥሉት አስር አመታት ለመሰብሰብ ማቀዱንም ለኢሳት የደረሰው መረጃ ያመለክታል።
ከተጀመረ ሁለተኛ ዓመቱን የያዘውና የግንባታው ስራ ከ11 በመቶ በላይ ተጠናቋል የተባለው የዚህ ግድብ መገንባት በሌሎች የተፋሰሱ አባል አገራት በተለይም ስምምነታቸውን በይፋ ባልገለጹት ግብጽና ሱዳን ላይ ተጽዕኖ ማምጣት አለማምጣቱን ከአንድ ዓመት በላይ ሲመረምር የቆየው ዓለምአቀፍ የኤክስፐርቶች ቡድን ሪፖርቱን በዚህ ወር ያቀርባል
ተብሎ በሚጠበቅበት በዚህ ወቅት የግድቡ ሥራ ትልቁ አካል የሆነው የአባይን ወንዝ አቅጣጫ የማስቀየር ሥራ መገባቱ አነጋጋሪ መሆኑ አልቀረም፡፡
በቀድሞ ጠ/ሚኒስትር አቶ መለስ ዜናዊ በጎ ፈቃድ የተመሰረተው ዓለም አቀፍ የኤክስፐርቶቹ ቡድን የሚያቀርበው ሪፖርት ለኢትዮጽያ የማይጠቅም ከሆነ በግብጽና ሱዳን ብቻም ሳይሆን በተፋሰሰ አባል አገራት ጭምር የታየው ትብብር መሰረቱን ሊያናጋው እንደሚችል ለጉዳዩ ቅርበት ያላቸው ባለሙያዎች ሥጋታቸውን በተደጋጋሚ መግለጻቸው የሚታወስ ነው፡፡ ኢትዮጽያ በበኩሏ ጥናቱ ሌሎች አገራት እንደማይጎዳ ማረጋገጫ አገኝበታለሁ በማለት ተስፋ የጣለች ሲሆን ይህ ባይሆንም ግን ከግንባታው የሚያግደኝ አይኖርም ስትል በተደጋጋሚ መናገሯ የጥናቱን ውጤት የምትቀበለው አስከጠቀማት ብቻ መሆኑ ግን ሌላ ዙር ቀውስ ውስጥ እንዳይከታት ተሰግቷል፡፡
97 በመቶው የግብርና ምርቱን በአባይ ውሃ ላይ ጥገኛ ያደረገችው ግብፅ ከግድቡ መገንባት ጋር በተያያዘ በታችኞቹ ተፋሰስ ሀገራት ላይ አሉታዊ የሆነ ተፅዕኖን ሊፈጥር ይችላል በሚል ሥጋቷን በተለያየ መንገድ ስትገልፅ ቆይታለች።
ኢትዮጵያ በአንፃሩ በአባይ ወንዝ ላይ የሚገነባው የኤሌክትሪክ ኃይል ማመንጫ ግድብ የታችኞቹን ተፋሰስ ሀገራት ከመጉዳት ይልቅ እንዲውም ከፍተኛ ጠቀሜታ ያለው መሆኑን በተደጋጋሚ ስትገልፅ ቆይታለች። በኢትዮጵያ በኩል ግድቡ የታችኞቹ ተፋሰስ ሀገራት ባልተጠበቀ ጐርፍ እንዳይጥለቀለቁ፣ ግድቦቻቸው በደለል እንደይሞላና የወሃ ትነቱንም
ለመቀነስ ከፍተኛ ጠቀሜታ እንዳለው  ሲገለፅ ቆይቷል። ከዚህም ባለፈ ኢትዮጵያ በተለይ ግብፅና ሱዳን በግድቡ ግንባታ ላይ ሥጋት ካላቸው አጠቃላይ የግድቡን ሁኔታ የሚመረምር የኤክስፐርቶች ቡድን ተቋቁሞ የራሱን ሞያዊ ሪፖርት እንዲያቀርብ ፈቃደኝነቷን ገልፃለች።
በዚህም መሠረት International Panel of Experts በሚል አንድ ቡድን ተቋቁሞ በህዳሴው የግንባታ ቦታ በመገኘት የራሱን ጥናት ሲያደርግ ቆይቷል። ቡድኑ ስድስት አባላትን ያቀፈና ከኢትዮጵያ፣ ከግብፅና ከሱዳን ሁለት ሁለት ኤክስፐርቶችን አካቷል፡፡ ከዚህ ውጪም አራት ገለልተኛ ዓለም አቀፍ ኤክስፐርቶችን እንዲይዝ የተደረገ ነው። የኤክሰፐርት ቡድኑ ባለፈው ኣመት ግንቦት ወር ላይ የመጀመሪያውን ጉብኝት በግድቡ አካባቢ በመገኘት ያደረገ
ሲሆን፤ የመጀመሪያ ስብሰባውንም በሰኔ ወር 2004 ላይ አድርጓል። ቡድኑ በያዝነው ግንቦት ወር 2005 ዓ.ም የመጨረሻ የግድቡን የአንድምታ ተፅዕኖ ጥናቱን ውጤት ለሦስቱም መንግሰታት የሚያቀርብ መሆኑን ገልጿል።

ወያኔ ኢትዮጵያን እጅግ በሚጎዳ መልኩ ከሱዳን ጋር የድንበር ስምምነት ተፈራርሟል

- አቶ አገኘሁ መኮንን

የኢሕአዴግ ምንግሥት በትረ ስልጣኑን ከጨበጠበት ቀን ጀምሮ እንደ መንግሥት ለሚመራት
ሀገር ጥቅምና ሉዐላዊነት ከመቆም ይልቅ በተቃራኒው በመቆም ኢትዮጵያን የጎዳባቸው ድርጊቶች
ብዙ ናቸው። ከነዚህ ውስጥ አንዱ ከኢትዮጵያ ሕዝብ ደብቆና ሕገወጥ በሆነ ሁኔታ ለሱዳን
የሰጠው ከፍተኛ መሬት ነው።
ኢሕአዴግ ራሱ የቀረፀውና እመራበታለሁ የሚለው ሕገመንግሥት አንቀፅ 86 ቁጥር 3፦
“የሀገሪቱ የውጭ ግንኙነት ፖሊሲ በጋራ ጥቅምና በዕኩልነት ላይ የተመሠረተ መሆኑን
እንዲሁም በዓለም አቀፍ ደረጃ የሚደረጉ ስምምነቶች የኢትዮጵያን ጥቅም የሚያስከብሩ
መሆናቸውን ማረጋገጥ።” ቢልም፣ ወያኔ ግን የሚሠራው ከዚህ ፍፁም ተቃራኒውን ነው። የሌለ
ስምምነትን ዋቢ በማድረግ የኢትዮጵያን ጥቅም እጅግ በሚጎዳ መልኩ ከሱዳን ጋር ስምምነት
ተፈራርሟል።
ወያኔ ዋቢ የሚያደርገው ስምምነት አፄ ምኒልክ በ1902 ከእንግሊዝ ጋር ያደረጉትን ስምምነት እና
እርሱን ተከትሎ ሻለቃ ጉዊን የተባለ የእንግሊዝ ሞኮንን በ1903 ያደረገውን ክለላ ነው። ይህ
ሻለቃ ጉዊን ያደረገው ክለላ ግን እርሱ ራሱ በሪፖርቱ “ከተሰጠኝ ስልጣን በላይ ሄጀ የስምምነቱን
መሥመር አዛብቻለሁ” ብሎ መሥክሯል። ስምምነትን ጥሶ የተደረገ ክለላን ደግሞ ኢትዮጵያ እንድትቀበል የሚያስገድዳት ምንም
ዓይነት ዓለማቀፋዊ ሕግ የለም። በዚህም ምክንያት አፄ ምኒልክ ጉዊን እርሳቸው ከተስማሙበት የድንበር ወሰን እያለፈና
ኢትዮጵያን በጎዳ ሁኔታ በመከለሉ ክለላውን አልቀበልም ብለው ከክለላው በኋላ የተሠራው ካርታ ላይ እንግሊዞች ፊርማቸውን
አስቀምጠው አፄ ምኒልክም ማህተማቸውን እንዲያሳርፉበት ሲጠይቋቸው ፈቃደኛ ሳይሆኑ በመቅረታቸው የእርሳቸው ማህተም
ሊደረግበት የነበረው ቦታ እስከአሁን ድረስ ክፍት ሆኖ ይታያል። በዚህ ሁኔታ በአፄ ምኒልክ ውድቅ የተደረገውን የጉዊን የክለላ
ነው ወያኔ አፄ ምኒክ የጉዊንን ክለላ ተቀብሏል እያለ ሕዝብን የሚያወናብደው።
ወያኔ ቀጥሎ የሚጠቅሰው ስምምነት ደግሞ በ1972 (እ.አ.አ.) በአፄ ኃይለሥላሴ ዘመነ መንግሥት ጊዜ ከሱዳን መንግሥት ጋር
ተደረገ የተባለን የደብዳቤ ልውውጥ ነው። በዚህ የደብዳቤ ልውውጥም ቢሆን የኢትዮጵያ መንግሥት የጉዊንን የወሰን መሥመር
በፍፁም አልተቀበለም። የአፄ ኃይለ ሥለሴን መንግሥት የተካው የደርግ መንግሥትም ቢሆን ይህንን ከስምምነት ውጭ የተከለለ
የጉዊን መሥመር የተቀበለበት አንድም መረጃ የለም። ሟቹ አቶ መለስ ዜናዊ ግን የኢትዮጵያ ጠቅላይ ሚኒስትር ሳይሆን የሱዳን
ጠበቃ በሚያስመስልባቸው የፓርላማ ንግግር የአፄ ኃይለ ሥላሴ መንግሥት “የጉዊንን መሥመር ተቀብሏል” እያሉ በሃሰት
ተናግረዋል። ኢትዮጵያን እመራለሁ የሚሉት አቶ መለስ ዜናዊ በዚያን ቀን ንግግራቸው እንኳን የደብዳቤ ልውውጡን ይዘት
ተረድቶ በትክክል ሊያቀርቡ ይቅርና ስለየትኛው ስምምነት እንኳን እንደሚያወሩ አያውቁትም ነበር። በተደጋጋሚ የሚናገሩት
“በ1907 እንደተፈረመው፣ በ1909 እንደተከለለው” እያሉ የሌለ ፊርማና ክለላ ነበር የሚያወሩት። በአድናቂዎቻቸው ሊቅ ይባሉ
የነበሩት አቶ መለስ ቀደም ብሎ ለቀረበላቸው ጥያቄ ፓርላማ ይዘውት የቀረቡት መልስ የሌለ ስምምነትና ክለላ ነበር። ኢትዮጵያ
ከሱዳን ጋር በ1907 ምንም ዓይነት ውል አልተፈራረመችም፤ በ1909ኝም ምንም ዓይነት የድንበር ክለላ አላካሄደችም። ውሉ
የተፈረመው በ1902 ሲሆን ክለላውም ምንም እንኳን (ከላይ እንደጠቀስኩት) በአፄ ምኒልክ ባይፀድቅም በ1903 ነው። የራሱን
ሕገመንግሥት ጥሶ የጉዊንን የወሰን መሥመር የተቀበለው አንዱና ብቸኛው መንግሥት የኢሕአዴግ መንግሥት ብቻ ነው። ይህም
በእኛ በኢትዮጵያውያን ሳይሆን በወዳጁ በሱዳን መንግሥትም ኖቬምበር 19 2007 በሱዳን ትሪቡን በወጣ ጽሑፍ እንደሚከተለው
ተረጋግጧል፦ “The relations between Sudan and Ethiopia were empoisoned by the issues of border
demarcations in the past. The government of the ruling EPRDF is the first Ethiopian government to be willing
to talk with Sudan on the border issue.”
ከወያኔ መንግሥት በፊት የነበሩትን መንግሥታት የሱዳን መንግሥት የሚገልፃቸው በዚህ መልኩ ነበር። ምክንያቱም የኢትዮጵያን
ጥቅም አሳልፈው የሚሰጡ መንግሥታት ስላልነበሩ! የወያኔ መንግሥት የፈፀመው ግን የሀገር ክህደት ወንጀል በመሆኑ የዚህ
ወንጀል ፈፃሚዎች መቸም ይሁን መቸ አንድ ቀን ለፍርድ ይቀርባሉ።
የታሪክ ተመራማሪው አገኘሁ መኮንን የሚኖሩት በእንግሊዝ ሀገር ነው።
ኢትዮሚድያ - Ethiomedia.com
May 24, 2013
 አቶ አገኘሁ መኮንን - የታሪክ
ተመራማሪ
http://www.ethiomedia.com/abc_text/meles_ceded_land_to_sudan.pdf

ወያኔ ኢትዮጵያን እጅግ በሚጎዳ መልኩ ከሱዳን ጋር የድንበር ስምምነት ተፈራርሟል

አቶ አገኘሁ መኮንን – የታሪክ
ተመራማሪ
የኢሕአዴግ ምንግሥት በትረ ስልጣኑን ከጨበጠበት ቀን ጀምሮ እንደ መንግሥት ለሚመራት ሀገር ጥቅምና ሉዐላዊነት ከመቆም ይልቅ በተቃራኒው በመቆም ኢትዮጵያን የጎዳባቸው ድርጊቶች ብዙ ናቸው። ከነዚህ ውስጥ አንዱ ከኢትዮጵያ ሕዝብ ደብቆና ሕገወጥ በሆነ ሁኔታ ለሱዳን የሰጠው ከፍተኛ መሬት ነው።
ኢትዮሚድያ – Ethiomedia.com

አንድነት ፓርቲ የሰኔ አንድ ሰማዕታትን በህዝባዊ ንቅናቄ ሊዘክር መሆኑን ምንጮች ጠቆሙ

UDJ
ፍኖተ ነፃነት
አንድነት ለዴሞክራሲና ለፍትህ ፓርቲ (አንድነት) የግንቦት 97ን ምርጫ ተከትሎ ሰኔ 1 ቀን 1997 ዓ.ም በመንግስት ሀይሎች በግፍ የተጨፈጨፉትን ኢትዮጵያውያን ለመዘከር የተለያዩ ዝግጅቶች እየተደረጉ መሆኑን ለፍኖተ ነፃነት የደረሰው መረጃ አመላክቷል፡፡
ፓርቲው በአዲስ አበባ መዋቅሩ ጭፍጨፋው የተፈፀመበትን እለት በህዝባዊ ንቅናቄ ለመዘከር ከፍተኛ ዝግጅት እያደረገ መሆኑን የፓርቲው ምንጮች ለፍኖተ ነፃነት ገልፀዋል፡፡ ምንጮቹ የህዝባዊ ንቅናቄው ዝርዝር አፈጻፀም በቅርቡ ለህዝብ ይፋ እንደሚሆን በመግለፅ ተጨማሪ መረጃ ከመስጠት ተቆጥበዋል፡፡
አንድነት ለዴሞክራሲና ለፍትህ ፓርቲ (አንድነት) የግንቦት 97ን ምርጫ ተከትሎ ሰኔ 1 ቀን 1997 ዓ.ም በመንግስት ሀይሎች በግፍ የተጨፈጨፉትን ኢትዮጵያውያን ለመዘከር የተለያዩ ዝግጅቶች እየተደረጉ መሆኑን ለፍኖተ ነፃነት የደረሰው መረጃ አመላክቷል፡፡
ፓርቲው በአዲስ አበባ መዋቅሩ ጭፍጨፋው የተፈፀመበትን እለት በህዝባዊ ንቅናቄ ለመዘከር ከፍተኛ ዝግጅት እያደረገ መሆኑን የፓርቲው ምንጮች ለፍኖተ ነፃነት ገልፀዋል፡፡ ምንጮቹ የህዝባዊ ንቅናቄው ዝርዝር አፈጻፀም በቅርቡ ለህዝብ ይፋ እንደሚሆን በመግለፅ ተጨማሪ መረጃ ከመስጠት ተቆጥበዋል፡፡
zehabesha.com

Friday, May 24, 2013

የናዝሬትና የሚሌ ጉምሩክ ሥራ አስኪያጆች ተካተውበታል




- ተጠርጣሪዎች በድብደባና በግዳጅ ቃል እንዲሰጡ መደረጋቸውን ተናገሩ
ከሕገወጥ ነጋዴዎች፣ አስፈጻሚዎችና ከትራንዚት ድርጅቶች ጋር በመመሳጠር በሕገወጥ መንገድ ከናዝሬት ወደ አዲስ አበባ የሚገቡ የኮንትሮባንድ ዕቃዎች ሳይፈተሹ እንዲያልፉ በማድረግ፣ ሕገወጥ ጥቅም በማግኘትና ሀብት በማከማቸት የተጠረጠሩ የኢትዮጵያ ገቢዎችና ጉምሩክ ባለሥልጣን የአዳማና የሚሌ ቅርንጫፍ ጽሕፈት ቤት ሥራ አስኪያጆችን ጨምሮ በጠቅላላው 54 ተጠርጣሪዎች በቁጥጥር ሥር ውለዋል፡፡
ግንቦት 5፣ 6 እና 9 ቀን 2005 ዓ.ም. ከቀረቡት ተጠርጣሪዎች በተጨማሪ ግንቦት 12 እና 13 ቀን 2005 ዓ.ም. በአዲስ የምርመራ መዝገብ በፌዴራል ከፍተኛ ፍርድ ቤት ልደታ ምድብ ሁለተኛ የወንጀል ችሎት ለመጀመሪያ ጊዜ የቀረቡ 15 ተጠርጣሪዎች ተካተዋል፡፡

የፌዴራል የሥነ ምግባርና የፀረ ሙስና ኮሚሽን መርማሪ ቡድን ግንቦት 12 ቀን 2005 ዓ.ም. ከሰዓት በኋላ ፍርድ ቤት ያቀረባቸው የባለሥልጣኑ አዳማ ቅርንጫፍ ሥራ አስኪያጅ አቶ ያዴሳ ሚደቅሳ፣ የሚሌ ቅርንጫፍ ሥራ አስኪያጅ አቶ ተክለአብ ዘርዓብሩክ፣ የከፍተኛ ግብር ከፋዮች ቅርንጫፍ ጽሕፈት ቤት የሕግ ማስከበር ኃላፊ አቶ አምባውሰገድ አብርሃ፣ የሚሌ ቅርንጫፍ ሕግ ማስከበር ኃላፊ አቶ እሸቱ ግረፍ፣ የአዳማ ቅርንጫፍ የደንበኞች አገልግሎት ኃላፊ አቶ ጌታሁን ቱጂ፣ የሞጆ ደረቅ ወደብ ትራንዚት ኢንስፔክተር አቶ መላኩ ግርማ፣ የድሬዳዋ ቅርንጫፍ የላጋር ጉምሩክ መቅረጥ አስተባባሪ አቶ አስፋው ሥዩም፣ የአቃቂ ቃሊቲ የመጋዘን ቡድን ሠራተኛ አቶ ጌታነህ ግደይ፣ የቅርንጫፍ ሠራተኛ አቶ ዮሴፍ አዳዊ፣ የአልቲሜት ፕላን የግል ድርጅት ከፍተኛ ባለድርሻና አርክቴክት አቶ በእግዚአብሔር አለበል፣ አቶ ዘለቀ ልየው የበምጫ ትራንዚት ባለቤት ናቸው፡፡
የኮሚሽኑ መርማሪ ቡድን ማክሰኞ ዕለት ፍርድ ቤት ያቀረባቸው ተጠርጣሪዎች ደግሞ አራት ሲሆኑ፣ አቶ መልካሙ እንድርያስ የባለሥልጣኑ የናዝሬት ቅርንጫፍ ሠራተኛ፣ ወ/ሮ አልማዝ ከበደ የዋው ትራንዚት ድርጅት ሥራ አስኪያጅ፣ በድለላ ሥራ የተሰማሩ አቶ ዳዊት መኮንንና አቶ ደጉ ኮቢቶ የሚባሉ ግለሰቦች መሆናቸው ታውቋል፡፡ ተጠርጣሪዎቹ ከሕገወጥ ነጋዴዎች፣ ጉዳይ አስፈጻሚዎችና ከትራንዚት ድርጅቶች ጋር በመመሳጠር፣ በሕገወጥ መንገድ በናዝሬት በኩል የሚያልፉ የኮንትሮባንድ ዕቃዎች እንዳይፈተሹ በማድረግና በሕገወጥ መገድ ሀብት በማከማቸት ወንጀል የተጠረጠሩ መሆኑን፣ መርማሪ ቡድኑ ለተጠርጣሪዎቹና ለፍርድ ቤቱ ያቀረበው ያልተጠናቀቀ ሪፖርት ያስረዳል፡፡
መርማሪ ቡድኑ በአራቱ ተጠርጣሪዎች ላይ የ14 ቀናት ተጨማሪ የምርመራ ጊዜ ቢጠይቅም፣ ፍርድ ቤቱ የ10 ቀናት ጊዜ በመፍቀድ ግንቦት 23 ቀን 2005 ዓ.ም. እንዲቀርቡ አዟል፡፡
በእነ አምባውሰገድ አብርሃ የምርመራ መዝገብ ግንቦት 12 ቀን 2005 ዓ.ም. ፍርድ ቤት የቀረቡት የአዳማና የሚሌ ቅርንጫፍ ሥራ አስኪያጆችን ጨምሮ 11 ተጠርጣሪዎች፣ ኃላፊነታቸውን ወደ ጐን በመተው ከሕገወጦች ጋር በመመሳጠር በናዝሬት በኩል ወደ አዲስ አበባ የሚገቡ የኮንትሮባንድ ዕቃዎች የጉምሩክ ሥርዓት ሳይፈጸምባቸው እንዲያልፉ በማድረግ፣ የተከሰሱ ሰዎችን ክስ በማቋረጥና በሕገወጥ መንገድ የተገኘ ሀብት በማከማቸት ወንጀል መጠርጠራቸውን የኮሚሽኑ መርማሪ ቡድን ለፍርድ ቤቱ አስረድቷል፡፡
የተጠርጣሪዎችን የተወሰነ ቃል መቀበሉንና የሰነድ ማስረጃዎችን ለማሰባሰብ መቻሉን ያስረዳው መርማሪ ቡድኑ ያልተሰበሰቡ የሰነድ ማስረጃዎች፣ የተጠርጣሪዎችን ቃልና የምስክሮችን ቃል መቀበል እንደሚቀረው በመግለጽ ፍርድ ቤቱ ተጨማሪ 14 ቀናት እንዲፈቅድለት ጠይቋል፡፡
ተጠርጣሪዎቹ ከታሰሩ ጀምሮ ቤተሰብም ሆነ የሕግ አማካሪ ለማግኘት አለመቻላቸውን ለፍርድ ቤቱ አመልክተው፣ አማክረው እንዲመጡ እንዲፈቀድላቸው ሲጠይቁ መርማሪ ቡድኑም እንደማይቃወም በመግለጹ፣ ለግንቦት 15 ቀን 2005 ዓ.ም. አማክረውና ተዘጋጅተው እንዲቀርቡ ፍርድ ቤቱ ትዕዛዝ ሰጥቷል፡፡
ከሌሎቹ ተጠርጣሪዎች ጋር ተመሳሳይ በሆነ የሙስና ወንጀል ተጠርጥረው ፍርድ ቤት የቀረቡት የአቃቂ ቃሊቲ ጉምሩክ የሕግ ማስከበር ቡድን ኃላፊ አቶ ተመስገን ሥዩም፣ በዋና መሥሪያ ቤቱ የቅርንጫፍ ጣቢያ አስተባባሪ አቶ ጌታቸው ተመስገን፣ የሞጆ ደረቅ ወደብ የዋጋ ትመና ኦፊሰር አቶ ቢኒያም ለማ፣ የሞጆ ደረቅ ወደብ ፍተሻ ሠራተኛ አቶ ስንሻው ዓለምነው፣ የሞጆ ደረቅ ወደብ የደንበኞች አጠቃላይ ቅሬታ ሰሚ አቶ ደረጀ መርጋ፣ አቶ ሥዩም ለይኩንና አቶ ኃይለ ማርያም አሰፋ የተባሉ የትራንዚት ሠራተኞች፣ ከመርማሪ ቡድኑ ጋር ክርክር አድርገው መርማሪው የጠየቀው 14 ቀናት ተጨማሪ ጊዜ በመፈቀዱ ለግንቦት 19 ቀን 2005 ዓ.ም. ተቀጥረዋል፡፡
በተጠረጠሩበት ወንጀል ግንቦት 9 ቀን 2005 ዓ.ም. ፍርድ ቤት የቀረቡ ቢሆንም፣ ተሟልተው ባለመቅረባቸውና የምርመራ መዝገቡ የወንጀል መዝገብ መሆኑን በመጥቀስ ፍርድ ቤቱ ለግንቦት 12 ቀን 2005 ዓ.ም. ተሟልተው እንዲቀርቡ ታዘው የነበሩት እነ ዳዊት ኢትዮጵያ ሰባት ተጠርጣሪዎች ነበሩ፡፡
ግንቦት 12 ቀን 2005 ዓ.ም. ከሰዓት በኋላ የተሰየመው ችሎት ረዘም ያለ ጊዜ የወሰደው አቶ ዳዊት ኢትዮጵያ፣ አቶ ማሞ አብዲና አቶ አሸብር ተሰማ በባለሥልጣኑ በተለያዩ ኃላፊነት ላይ ያሉ ሠራተኞች፣ አቶ ፍፁም ገብረ መድኅን፣ አቶ ማሞ ኪሮስ፣ አቶ አበበልኝ ተስፋዬና አቶ ኮነ ምሕረቱ ደግሞ በተለያዩ ሥራዎችና የትራንዚት ድርጅቶች ላይ የሚሠሩ ተጠርጣሪዎች ክርክር ነበር፡፡
ከአቶ አበበልኝ ተስፋዬ በስተቀር ስድስቱ ተጠርጣሪዎች ከቤተሰቦቻቸውንም ሆነ ከሕግ አማካሪዎች ጋር አለመገናኘታቸውን በማስረዳት፣ በፍርድ ቤቱ ካገኟቸው የሕግ አማካሪዎች ጋር እንዲመካከሩ ፍርድ ቤቱ አምስት ደቂቃ እንዲፈቀድላቸው ጠይቀው ፍርድ ቤቱ ፈቅዶላቸዋል፡፡ ተመካክረውም ምላሽ ሰጥተዋል፡፡
የተጠረጠሩበት ወንጀል ከሌሎቹ ተጠርጣሪዎች ጋር ተመሳሳይ መሆኑን ያዳመጡት እነ አቶ ዳዊት ኢትዮጵያ በጠበቆቻቸው አማካይነት በሰጡት ምላሽ፣ በቁጥጥር ሥር ከዋሉ በኋላ በቢሮና በቤታቸው ብርበራ ተካሂዶ የተገኘው ማስረጃ በሙሉ መወሰዱን ተናግረዋል፡፡
ወንጀሉ የተፈጸመው መቼ እንደሆነ እንዳልተገለጸላቸውና ተፈላጊው ነገር ሰነድ መሆኑን፣ እሱም በመርማሪው እጅ እንደሚገኝ በመጠቆም የዋስትና መብታቸው ተከብሮ እንዲለቀቁ ጠይቀዋል፡፡ የተወሰኑት ተጠርጣሪዎች ተራ ሠራተኛ መሆናቸውን በማስረዳት፣ ሌሎች ከተጠረጠሩበት የወንጀል ድርጊት ጋር የሚያገናኛቸው ጉዳይ እንደሌለ በመግለጽ በዋስ እንዲፈቱ አመልክተዋል፡፡ የኮልፌ ቀራኒዮ ክፍለ ከተማ ምክር ቤት አባል መሆናቸውንና ያለመከሰስ መብት እንዳላቸው ያመለከቱ ተጠርጣሪም ነበሩ፡፡
የኮሚሽኑ መርማሪ ቡድን ተጠርጣሪዎቹ ባቀረቡት የዋስትና ጥያቄ ላይ በሰጠው ምላሽ ተጠርጣሪዎቹ በዋስ ቢፈቱ ያልሰበሰቡትን ማስረጃ ሊያጠፉባቸው የሚችሉ መሆናቸውን፣ ቃል ያልተቀበሏቸውን ምስክሮች በማባበልና በማስፈራራት ሊያጠፉባቸው እንደሚችሉ በማስረዳት፣ የዋስትና ጥያቄውን ተቃውመዋል፡፡ ያለመከሰስ መብት እንዳላቸው ያመለከቱት ተጠርጣሪን በሚመለከትም፣ የአዲስ አበባ ከተማ ማቋቋሚያ ቻርተር ያለመከሰስ መብት የሚፈቅደው ለማዕከል ተመራጮች በመሆኑ ጥያቄያቸው ተቀባይነት እንደሌለው አስረድተዋል፡፡
እነ አቶ ገብረዋህድ ወልደ ጊዮርጊስ ግንቦት 5 ቀን 2005 ዓ.ም. ሲቀርቡ እነሱም ቀርበው ጊዜው በመምሸቱ በአዳር ለግንቦት 6 ቀን 2005 ዓ.ም. የተቀጠሩ ቢሆንም፣ ከቤተሰብም ሆነ ከሕግ አማካሪ ጋር አለመገናኘታቸውን ለፍርድ ቤት በማስረዳታቸው፣ ለግንቦት 9 ቀን 2005 ዓ.ም. ከሕግ አማካሪዎች ጋር ተመካክረው እንዲመጡ ፍርድ ቤቱ ትዕዛዝ የሰጠው በእነ አቶ መሐመድ ኢሳ መዝገብ ለቀረቡ ስድስት ተጠርጣሪዎች እንደነበር ይታወሳል፡፡ ነገር ግን ግንቦት 9 ቀን 2005 ዓ.ም. መርማሪ ቡድኑ ‹‹በስህተት አላቀረብናቸውም›› በማለቱ ፍርድ ቤቱ ለሦስተኛ ጊዜ ለግንቦት 12 ቀን 2005 ዓ.ም. እንዲቀርቡ ጥብቅ ትዕዛዝ በመስጠቱ ሊቀርቡ ችለዋል፡፡
ሌሎች በተጠረጠሩበት የሙስና ወንጀል እነሱም ከመጠርጠራቸው በተጨማሪ አስተዳደራዊ ሥራን ሽፋን ያደረገና በኔትወርክ የተሠራ ወንጀል መሆኑንም መርማሪ ቡድኑ ገልጿል፡፡ ጠበቆቻቸው መርማሪ ቡድኑ ያቀረበው የምርመራ ሥራ ከሳምንት በፊት ያቀረበውን መሆኑን በመጥቀስ፣ ተጠርጣሪዎቹ በዓለም አቀፍ ድንጋጌዎችም ሆነ በሕገ መንግሥቱ ዋስትና ስለሚፈቀድላቸው ተከብሮላቸው እንዲለቀቁ ጠይቀዋል፡፡
ዋስትና የሚፈቀደው በልዩ ድንጋጌ መሆኑንና ሲተረጐምም ተጠርጣሪውን በሚጠቅም ሁኔታ በጠባቡ መሆኑን በመጥቀስ፣ የዋስትና መብት እንዲከበርላቸው በተደጋጋሚ ፍርድ ቤቱን ጠይቀዋል፡፡
የአቶ መሐመድ ኢሳ ጠበቃ ለፍርድ ቤቱ የተለየ ማመልከቻ እንዳላቸው በማመልከት፣ ደንበኛቸው ከሌሊቱ ስድስት ሰዓት እስከ ስምንት ሰዓት በመርማሪዎች እየተወሰዱ ከፍተኛ ድብደባ እንደሚፈጸምባቸውና በግዳጅ ቃል እንዲሰጡ እየተገደዱ መሆኑን ተናግረዋል፡፡ ኢሰብዓዊ ድርጊት መፈጸሙ አግባብ አለመሆኑን በመግለጽ፣ በግዳጅ እንዲሰጥ የተደረገው ቃል ውድቅ ተደርጐ፣ ለኮሚሽኑ መርማሪዎች በድጋሚ ቃላቸውን እንዲሰጡ እንዲታዘዝላቸው ጠበቃው ፍርድ ቤቱን ጠይቀዋል፡፡ ሌላው ተጠርጣሪዎቹ ያቀረቡት አቤቱታ ከተጠረጠሩበት ወንጀል ጋር ያልተያያዘ ነገር ግን ሁሉም የጉምሩክ ሥርዓት የተፈጸመባቸውና ወደ አገር ውስጥ መግባት ያለባቸው ዕቃዎች ሰነድ ከሌሎች ሰነዶች ጋር እንደተወሰደ ተናግረው፣ ሰነዱ ለአስመጪዎቹ እንዲሰጣቸው ትዕዛዝ እንዲሰጥላቸው አመልክተዋል፡፡
መርማሪ ቡድኑ ግን የሁሉንም የተጠርጣሪዎች አቤቱታና ማመልከቻ በመቃወም ለቀረው የምርመራ ሥራ 14 ቀናት እንዲፈቀድለት ጠይቋል፡፡
የግራ ቀኙን የቃል ክርክር ሲያዳምጥ የቆየው ፍርድ ቤቱ፣ የኮሚሽኑ መርማሪ ቡድን የጠየቀውን ተጨማሪ 14 ቀናትና ተጠርጣሪዎቹ የጠየቁትን የዋስትና መብት በሚመለከት በሰጠው ትዕዛዝ፣ በመርማሪ ቡድኑ የቀረበው የተጠረጠሩበት የሙስና ወንጀል ውስብስብ መሆኑን ፍርድ ቤቱም እንዳመነበት በመግለጽ የ14 ቀናት ጊዜውን መፍቀዱን ገልጿል፡፡
በተጠርጣሪዎች ላይ ደርሷል ስለተባለው በግዳጅ ቃል እንዲሰጡ የማድረግና የድብደባ ድርጊት ኮሚሽኑ አጣርቶ ሪፖርት እንዲያደርግ፣ ከቤተሰብና ከሕግ አማካሪዎች ጋር ማገናኘት ሕገ መንግሥታዊ መብት በመሆኑ ኮሚሽኑ እንዲያስፈጽም ትዕዛዝ በመስጠት፣ ሁሉም ተጠርጣሪዎች ግንቦት 19 ቀን 2005 ዓ.ም. እንዲቀርቡ ተለዋጭ ቀጠሮ ሰጥቷል፡፡ በእነ መልካሙ እንድሪያስ መዝገብ የቀረቡት አራት ተጠርጣሪዎች ግን ግንቦት 23 ቀን 2005 ዓ.ም. እንዲቀርቡ አዟል፡፡
በአጠቃላይ የፌዴራል የሥነ ምግባርና የፀረ ሙስና ኮሚሽን መርማሪ ቡድን በቁጥጥር ሥር አውሎ ፍርድ ቤት ያቀረባቸው ተጠርጣሪዎች፣ በእነ አቶ መላኩ ፈንታ የምርመራ መዝገብ 7፣ በእነ አቶ ገብረዋህድ ወልደ ጊዮርጊስ መዝገብ 12፣ በእነ መሐመድ ኢሳ መዝገብ 6፣ በእነ አቶ ዳዊት ኢትዮጵያ መዝገብ 7፣ በእነ አቶ አምባውሰገድ አብርሃ መዝገብ 11፣ በእነ አቶ ተመስገን ሥዩም መዝገብ 7 እና በእነ አቶ መልካሙ እንድሪያስ የምርመራ መዝገብ 4 በድምሩ 54 ተጠርጣሪዎች ናቸው፡

ሰበር ዜና፤ ሰማያዊ ፓርቲ የጠራው ሰልፍ በአዲሳባ ከንቲባ ጽ/ቤት እውቅና ተሰጠው! (ብራቮ ከንቲባ ብራቮ ሰማያዊ!!!)

http://www.abetokichaw.com/wp-content/uploads/2013/05/968802_418767841554502_16363769_n.jpg