Monday, February 17, 2014

የፌዴራል ፖሊስ ዋና ዳይሬክተር ጄኔራል ፍርድ ቤት ቀረቡ


-ጥፋት ፈጽመዋል የተባሉትን ፖሊሶች መለየት እንዳልቻሉ ተናግረዋል
በቅርቡ የቀድሞውን የፌዴራል ፖሊስ ዋና ዳይሬክተር ጄነራል አቶ ወርቅነህ ገበየሁን የተኩት የፌዴራል ፖሊስ ዋና ዳይሬክተር ጄነራል አቶ አሰፋ በዩ፣ ችሎት በመድፈር ወንጀል በተጠረጠሩ የፌዴራል ፖሊስ አባላት ምክንያት ፍርድ ቤት ቀረቡ፡፡
በጥር ወር መጀመሪያ ሳምንት አካባቢ በፌዴራል ከፍተኛ ፍርድ ቤት ልደታ ምድብ ቅጥር ግቢ ውስጥ በጥበቃ ሥራ ላይ ሆነው፣ የፌዴራል የመጀመሪያ ደረጃ ፍርድ ቤት ዘጠነኛ ፍትሐ ብሔርን ችሎት በመድፈርና ዳኛን በማመነጫጨቅ ወንጀል፣ የስድስት ወራት የእስራት ቅጣት ተወስኖባቸው ከነበሩት ኢንስፔክተር ሀብታሙ አሰፋ ሐጎስ ጋር የነበሩ፣ ነገር ግን በወቅቱ ሳይቀርቡ የቀሩ የፌዴራል ፖሊስ አባላትን፣ ተቋሙ እንዲያቀርብ ፍርድ ቤቱ ትዕዛዝ ሰጥቶ እንደነበር መዘገባችን ይታወሳል፡፡
ፍርድ ቤቱ በሰጠው ቀጠሮ መሠረት የፌዴራል ፖሊስ ነገረ ፈጅ ኮማንደር ደረጄ ወንድሙ የቀረቡ ቢሆንም፣ ችሎት በመድፈር ወንጀል ከተጠረጠሩ የፖሊስ አባላት መካከል የትኛው ተጠርጣሪ ድርጊቱን እንደፈጸመ መለየት አለመቻሉን አስረድተዋል፡፡
ፖሊሶቹ 15 ሲሆኑ የችሎት መድፈር ተግባር ፈጽመዋል በተባለበት ዕለት የስፖርት ዜና እየተከታተሉ እንደነበር ኮማንደሩ ለችሎቱ አስረድተው፣ አንዱ በሕመም ምክንያት ያልቀረበ ቢሆንም 14 አባላትን ማቅረባቸውንም አክለዋል፡፡ ‹‹ነበሩ የተባሉትን ሁሉ ስላቀረብን ፍርድ ቤቱ አጣርቶ ዕርምጃ ይውሰድ ወይም ይቅርታ ያድርግልን፤›› በማለትም ኮማንደር ደረጄ ለፍርድ ቤቱ አመልክተዋል፡፡
የፌዴራል ፍርድ ቤቶች ሥልጣን ሕግ መተርጎምና ዳኝነት መስጠት መሆኑን ያስረዳው ፍርድ ቤቱ፣ ወንጀልን የመመርመር ሥልጣን በአዋጅ የተሰጠው ለፌዴራል ፖሊስ በመሆኑ፣ ሥልጣኑን በመጠቀም ተጠርጣሪውን መርምሮ ማወቅና ማቅረብ እንዳለበት አስረድቷል፡፡ አንድን ውስብስብ የወንጀል ድርጊት ሕጉን ተከትሎ በመመርመርና በማጣራት ወደ ሕግ ማቅረብ እንደሚችል የታመነበት የፌዴራል ፖሊስ ኮሚሽን፣ ፍርድ ቤቱን እንዲጠብቁ ከተላኩ የፖሊስ አባላት መካከል የተጠረጠረን አባል መለየት እንዳልቻለና ፍርድ ቤቱ እንዲያጣራ መጠየቁ አግባብ አለመሆኑን ፍርድ ቤቱ ገልጿል፡፡
ለፍርድ ቤት የተሰጠው ሥልጣን ሕግ መተርጎምና የዳኝነት ሥራ መሥራት እንደሆነም ጠቁሟል፡፡ ችሎት በመድፈር ወንጀል ተጠርጥሮ በሚቀርብ ማንኛውም አካል ላይ ፍርድ ቤቱ ተገቢውን የሕግ ትርጉም በመስጠት ተገቢውን ቅጣት መጣል እንጂ፣ ይቅርታ የሚያደርግ ተቋም አለመሆኑንም አስረድቷል፡፡ በተጨማሪም አጥፊው ሳይለይ በጅምላ ይቅርታ መጠየቅም ሆነ ይቅርታ ማድረግ እንደማይቻልም አክሏል፡፡
የፌዴራል ፖሊስ ችሎት በመድፈር ወንጀል የተጠረጠረውን አባል መለየት አለመቻሉን በማሳወቁ፣ ፍርድ ቤቱ የመጨረሻ እልባት ለመስጠት የፌዴራል ፖሊስ ዋና ዳይሬክተር ጄነራል አቶ አሰፋ በዩ ችሎት ቀርበው እንዲያስረዱ ባዘዘው መሠረት ቀርበው አስረድተዋል፡፡
ዳይሬክተር ጄነራሉ አቶ አሰፋ ችሎት በመድፈር የተጠረጠሩ ፖሊሶችን መለየት ስላለመቻሉ ሲያስረዱ፣ ችሎቱ ትዕዛዝ ካስተላለፈበት ቀን ጀምሮ ለማጣራትና ለመለየት የሞከሩ ቢሆንም፣ ‹‹ከ15 የፖሊስ አባላት መካከል የትኛው አባል ድርጊቱን እንደፈጸመ ማወቅ አልተቻለም፤›› ብለዋል፡፡ በመሆኑም ፍርድ ቤቱ ጉዳዩን ወደ ተቋሙ (ፌዴራል ፖሊስ) መልሶት አስፈላጊው ዕርምጃ እንዲወሰድ ወይም ፍርድ ቤቱ የራሱን ውሳኔ እንዲሰጥ አቶ አሰፋ ለችሎቱ አስረድተዋል፡፡ ፍርድ ቤቱ የመጨረሻ እልባት ለመስጠት በመቅጠር ዋና ዳይሬክተር ጄነራሉን ከምሥጋና ጋር አሰናብቷል፡፡

የኢትዮጵያ አውሮፕላን በገዛ ረዳቱ ጠለፋ ተደረገበት… ለምን… ?


5265540-3x2-940x627የኢትዮጵያ አውሮፕላን በገዛ ረዳቱ ጠለፋ ተደረገበት… ለምን…  ?
ዛሬ ወደ ሮም ሲበር የነበረ የኢትዮጵያ አየር መንገድ አውሮፕላን መጠለፉን ሰማን። ማነው እንዲህ የደፈረን ብለን አቶ ሬደዋንን ብንሰማቸው ጊዜ “አውሮፕላኑ ሱዳን ላይ አርፎ ነበር ምናልባት ጠላፊዎቹ ያኔ ይሆናል የገቡት” ብለው ተናገሩ።  ኋላ ላይ ሲጣራ ግን ጠላፊው የአውሮፕላን አብራሪው ረዳት  መሆኑ ተሰማ፤  ረዳቱ ጠለፋውን የፈፀመው ዋናው አብራሪ በአውሮፕላኑ መፀዳጄ ቤት ጎራ ባለበት ሰዓት ነው።
ይህ እንዴት ሊሆን ቻለ…
መላ ምት አንድ፤
ዋና አውሮፕላን አብራሪው ፓይለት በሰላም እየበረረ ሳለ መንገድ ላይ የመፀዳዳት አምሮቱ መጣበት እና ረዳቱን፤ “በሰማይ የሰጠውህን በሰማይ እቀበልሃለሁ” በሚል፤ አደራ በሎት መፀዳጃ ቤት ወገቡን ሊፈትሽ ገባ። ይሄን ጊዜ ረዳቱ ሆዬ “ይሄ ሰውዬ ከመፀዳጃ ቤቱ ሲመለስ ሮም አድርሶ ከዛምም ወደ ፍትህ አልባዋ ሀገሬ ከሚመልሰኝ አሁን መሪውን እንደጨበጠኩ የራሴን እድል በራሴ ለምን አልወስንም” አለ እና … መሪውን አለቅም አለ። ሰዊስ ጄኔቭ ላይም ጥገኝነት ትሰጡኝ እንደሆን ስጡኝ ብሎ አሳረፈው።
መላ ምት ሁለት፤
ዋና አብራሪው እና ረዳቱ ቀድሞውኑ ተነጋግረው ነበረም ይሆናል። (ምንም እንኳ ይቺ ዋና አብራሪውን የምታስፎግር መላ ምት ብትሆንም ከጠረጠርን ጠረጠርን ነውና እንናገራለን)
ገና ከኢትዮጵያ ሰማይ ላይም ሳይወጡ፤ ረዳቱ እና ዋናው ኢትዮጵያ መሬት ላይ እያሉ ምሬቶቻችውን ሲያወጉ ነበር አሉ። በተለይ ረዳቱ የደረሰበትን አስተዳደራዊ በደል ሁሉ ዘረዝሮ ለዋናው አብራሪ በነገረው ጊዜ ዋና አብራሪውም በረዳቱ የደረሱ በደሎች በሙሉ በሱም እንደ ደረሱ ነግሮት ስቀሰቅ ብለው ተላቀሱ። ከዛም ረዳቱ አለው፤ “ላንተ እና ለሀገሬ እግዜር መላ እንዲያበጅላችሁ እፀልያለሁ ለእኔ ግን አንድ መላ አብጅቻለሁ” አለው። ቀጠለናም አንተ የምትተባበረኝ አንድ ነገር ብቻ ነው… ሲል ነገረው። “አንተ የሁነልህ እንጂ ችግር የለም ምን ለተባበርህ…” አለው ዋናው አብራሪ… በነገው በረራ የሆነው ቦታ ላይ መፀዳጃ ቤት ገብተህ ትንሽ ቆይታ አድርግ…! አለው አደረገም የሆነው ሁሉም ሆነ።
ከዚህ  ምን እንገነዘባለን፤
አንድ ወዳጃችን በፌስ ቡክ ገፁ “ነገ ከነገ ወዲያ ደግሞ ጠቅላይ ሚኒስትር ሃይለማርያም ደሳለኝ አውሮፕላን ጠለፈው ጥገኝነት ጠየቁ  የሚል ዜና መስማታችን አይቀርም” ብሎ እንደጠረጠረው በኢትዮጵያ ሰማይ ስር የደላው ማንም እንደሌለ በቅጡ  እንረዳለን። ከአውሮፕላን ረዳት እስከ ታክሲ ረዳት እና ቤተሰብ ረዳት በሙሉ በፍትህ እጦት “የተማረረበት ሁኔታ ነው ያለው”
በመጨረሻም፤
ያማንማረርባት እና የማንባረርባት ኢትዮጰያ ትመጣ ዘንድ እንፀልያለን።

Saturday, February 15, 2014

ወያኔን ካላጠፋነዉ ዘረኝነቱና ዉርደቱ ይቀጥላል

2665272d78511e341383257989
ዘረኞቹ የወያኔ መሪዎች በራሳቸዉ እጅ የጻፉት ማኒፌስቶ በግልጽ እንደሚያሳየን እነዚህ ዘረኞች ጫካ ገብተዉ የትጥቅ ትግል እንዲጀምሩ ያነሳሳቸዉ በአማራ ህዝብ ላይ ያላቸዉ ጥላቻና መሰረተ ቢስ ቂም በቀል ነዉ። ይህ ጥላቻቸዉ ደግሞ አማራዉን በመግደልና ግዛቱን ሲያሻቸዉ ከራሳቸዉ ክልል ጋር በመቀላቀል አለዚያም ለጎረቤት አገሮች በመሸለም ብቻ ሊቆም ወይም ሊገታ አልቻለም። እነሆ የአማራው ህዝብ የወያኔ ዘረኞች ዋነኛ ዒላማ ሆኖ የአገዛዙን የግፍ ፅዋ ያለማቋረጥ መጋት ከጀመረ ድፍን 23 አመታት ተቆጠሩ። ፋሽስቱ ወያኔ የኢትዮጵያን ህዝብ ብሔራዊ ስሜት በማምከን ፣ የዘመናት ተገዥነቱን ለማረጋገጥ በቅድሚያ የአማራን ሕዝብ ማንነት ማጥፋት ፣ የአማራን ሕዝብ ስነ ልቦናዊ ጥንካሬ መስለብ እና አንገቱን ማስደፋት አስፈላጊ መሆኑን በጽናት ያምናል። ይህ በመሆኑም ፣ በአማራ ህዝብ ላይ በወያኔ የሚፈፀመው ግፍ እና በደል ከጊዜ ወደ ጊዜ እየተባባሰ ስር እየሰደደና እየከፋ በግልፅም በስውርም በተቀነባበረ መንገድ ቀጥሏል።
ወያኔ የኢትዮጵያን ህዝብ ብሔራዊ ስሜት በማዳከም፣ ለዘመናት ሥልጣን ላይ ለመቆየት ያገለግለኛል ብሎ ዘመቻ ከከፈተባቸው ብሄረሰቦች አንዱና ዋንኛው የሆነው የአማራ ህዝብ በራሱ ማንነት እንዲያፍርና ብሄራዊ ኩራቱ እንዲሟሽሽ ላለፉት 23 አመታት በግብር ከፋዩ ህዝባችን ገንዘብ በሚተዳደሩ የመንግሥት መገናኛዎች ሳይቀር ከፍተኛ የስነ ልቦና ዘመቻ ተካሂዶበታል። በአማራ ሥም አማራውን የወያኔ አገር የማፍረስ አጀንዳ አስፈጻሚ ለማድረግ የተሾሙበት ተላላኪዎች በህወሃት አለቆቻቸው የተሰጣቸውን ተልዕኮ ለመፈጸም በተለያዩ አጋጣሚዎች አማራውን የሚያዋርድና የሚዘልፍ አስተያየት በአደባባይ ሲሰጡ ሰምተናል አይተናል። ይህ ተግባራቸው ለአማራ ህዝብ ቅንጣት ታህል ክብርና ፍቅር ያልነበረው ዘረኛው አለቃቸው መለስ ዜናዊ ከዚህች አለም በሞት ከተሰናበተ ቦኋላም ተጠናክሮ ቀጥሎአል።
የህወሃት መሪዎች አማራው ላይ ያላቸው ጥላቻ ወደሥልጣን ከመጡ ቦኋላ የተፈጠረ ሳይሆን ገና በጫካ ትግል ላይ በነበሩበት ወቅት በጻፉት የድርጅታቸው የፖለቲካ መረሃግብር በግልጽ እንደተቀመጠው ለትግል ያነሳሳቸውም አማራ ብለው የሚጠሩት ብሄረሰብ እንወክለዋለን በሚሉት ብሄረሰብ ላይ አድርሰዋል በሚሉት የፈጠራ በደልና ቂም እንደሆነ አረጋግጠዋል። ላለፉት 23 አመታት አማራው ከሚኖርበት የራሱ ክልሉ ሳይቀር እንዲፈናቀል ተደርጎ እየደረሰበት ያለው በደል የዚህ የቆየ የወያኔ ቂም በቀል ውጤት መሆኑ ግልጽ ነው።
ሰሞኑን አለምነው መኮነን የተባለ ሆድ አደር የባንዳነት ተግባሩን በመፈጸም በአለቆቹ ፊት ግርማ ሞገስ ለማግኘት እመራዋለሁ የሚለውን የአማራ ህዝብ እጅግ በወረደና ጸያፍ በሆነ ቃላት ያን ያህል ሲዘባበትበት መደመጡ አማራውን ብቻ ሳይሆን መላውን የአገራችንን ህዝብ አስቆጥቶአል።
በእርግጥ አለምነው መኮንን አማራን በማዋረድ የመጀማሪያው የወያኔ ተላላኪ አይደለም። የህወሃቶቹን ቁንጮዎች ስድብና ዘለፋ ወደ ጎን ትተን በወያኔ የዘር ፖለቲካ አማራውን እወክለዋለው የሚለው ብአዴን ከፍተኛ አመራር እነ እነታምራት ላይኔ ተፈራ ዋልዋና በረከት ስሞን በተለያየ ወቅት ንቀትና ስድባቸውን አሰምተውናል። አለምነህ መኮንን እንደዚያ በወረደ ቃላት አማራውን ሲያዋርድ በስብሰባው አዳራሽ የነበሩ ህወሃት የፈጠራቸው የብአዴን ልጆች በሳቅ ካካታ ሲያጅቡት እንደነበረ እድሜ ለኢትዮጵያ ሳታላይት ቴለቪዥን ከአዳራሹ ሾልኮ ለህዝብ ጀሮ የደረሰው የኦዲዮ ድምጽ አጋልጦአል።
ሁላችንም፤ እንደምንገነዘበው ወያኔ የገዛ ብሄረሰባቸውን ረግጠው በመግዛት የጥፋት አላማውን እንዲያስፈጽሙለት በራሱ አምሳል ከፈጠራቸው ድርጅቶች አንዱ የሆነው ብአዴን በታሪኩ አንድም ለህዝቡ የቆመ መሪ አፍርቶ አያውቅም። ለራሳቸውና ከአብራኩ ለተገኙት ህዝብ ምንም አይነት ክብር የሌላቸው የብአዴን መሪዎች ጣሊያን አገራችንን በወረረችበት ወቅት ለሆዳቸው ሲሉ ከባዕድ ጋር ተሻርከው ህዝባቸውን ካስጨፈጨፉት ባንዳዎች የከፋ ተግባር በህዝባቸው ላይ እየፈጸሙ ነው።
ወያኔ ለም የሆነውን የአማራ ግዛት እንዳለ የኔ ነው ወደሚለው የትግራይ ከልል ሲወስድ፤ በአማር ክልል ወስጥ በቀሩት ለም ቦታዎች የህወሃት ታማኝ ካድሬዎችን ከያሉበት እያጓጉዘ ሲያሰፍር፤ የአገሬውን አርሶ አደር እያፈናቀለ ለራሱ ታማኞች ለም መሬት እየሸነሸነ ለሰፋፊ እርሻ አገልግሎት ሲያድል አማራውን እወክለዋለው የሚለው ብአዴን አንድም የተቃውሞ ድምጽ አሰምቶ አያውቅም። የብአዴን መሪዎች የወያኔን ተልዕኮ ከማስፈጸም አልፈው በሟቹ አለቃቸው በመለስ ዜናዊ ሥም እየማሉ በአገራችን ኢትዮጵያና በሚያስተዳድሩት የአማራ ህዝብና ክልል የሚፈጽሙት በደል ብዙ ነው። ልክ እንደ ብአዴን የዘረኛውን ወያኔ የጥፋት ፖሊሲ ለማስፈጸም ከሚተጉት አንዳንዶቹ አማራውን ከክልላቸው ለማጽዳት በቤኒሻንጉል፤ በቤንች ማጅና ጉራፈርዳ ወረዳ እርምጃ ሲወስዱና ንብረታቸውን ቀምተው ባዶ እጃቸውን ሲያባርሩዋቸው ብአዴን ቁጭ ብሎ ተመልካች ነበር። ከአማራ ክልል ጋር የሚዋሰነው ዳር ድንበራችን ላይ በተነሳው የባለቤትነት ጥያቄም ላይ የወሰደው አቋም በህዝብና በታሪክ ፊት ውሎ አድሮ የሚያስጠይቀው ነው።
እያንዳንዱ ኢትዮጵያዊ እንደሚገነዘበው ፋሽስቱ ወያኔ በአገራችንና በህዝባችን ላይ እየፈጸመው ያለው አንዱን ዘር ከሌላው ጋር የማጋጨትና በተናጠል ደግሞ እያንዳንዱን ለይቶ የማዋረድና የማጥፋት ተግባር አሁን የተጀመረ ክስተት አይደለም። የቆየና ወያኔ ህዝባችንን ከፋፍሎ ለመግዛት ከመነሻው ሲጠቀምበት የነበረ ስልት ነው። ስለዚህ ወያኔ በራሱና በተላላኪዎቹ አማካይነት ላለፉት 23 አመታት በህዝባችን ላይ እየፈጸመ ያለውና የፈጸመው ግፍ፤ ውርደትና መከራ እንዲያበቃ ሁላችንም እጅ ለ እጅ ተያይዘን መነሳት ይኖርብናል። በወያኔ ከፋፋይ አጀንዳ እርስ በርስ እየተናቆርን የጥቃት ሰለባ የመሆናችንን እንቆቅልሽ ለማስቀረት ከኛ በላይ ሃይል ያለው አይኖርም።
በተለይ ግንባር ቀደም የወያኔ ሰለባ የሆነው የአማራ ህዝብ ወጣት በጫንቃው ላይ ተፈናጠጠው የወያኔን የጥላቻና የበቀል እርምጃ የሚያስፈጽሙትን ከአብራኩ የተገኙ ባንዳዎች ላይ የጥቃት ክንዱን መሰንዘርና ለክብሩ መቆሙን ማሳየት ያለበት ጊዜው አሁን ነው።
በብአዴን ሥር የተሰባሰቡ የአማራ ተወላጆች፤ በመከላኪያ ሠራዊቱ፤ በፖሊስና በደህንነት፤ በወጣት ማህበር፤ በሠራተኛ ማህበርና በተለያየ ሙያ ማህበር ብአዴን ራሱ ያደራጃቸው ሁሉ ለክብራቸውና ለኢትዮጵያዊ ማንነታቸው ሲሉ ከትግሉ ጎን በመሰለፍ የወያኔን ዕድሜ ለማሳጠር ግንቦት 7 የፍትህ የነጻነትና የዲሞክራሲ ንቅናቄ የሚያካሂደውን ትግል እንዲቀላቀሉ ንቅናቄው ጥሪውን ያቀርባል።
ድል ለኢትዮጵያ ህዝብ!!!

ኢትዮቴሌኮም: “የምትታለብ ላም” – አብርሃ ደስታ


7c196-1001168_485348238212789_1719160956_n
አዎ! የኢህአዴግ መንግስት የቴሌኮሙኒኬሽን አገልግሎት በMonopoly መቆጣጠሩ ይታወቃል። ለዚህም ምክንያት አለው። በህወሓት/ኢህአዴግ የፖለቲካ ኢኮኖሚ ፍልስፍና መሰረት ስልጣን የሁሉም ነገር መሳርያ ነው። ስለዚህ ስልጣንን መቆጣጠር ግድ ነው። ስልጣን ለመቆጣጠር ደግሞ ኢኮኖሚውን መቆጣጠር ያስፈልጋል። ለዚህም ነው ስልጣን ለመቆጣጠር ሲሉ ኢኮኖሚውን የሚቆጣጠሩት።
ኢኮኖሚውን ለመቆጣጠር ትርፋማ የሆኑ ሴክተሮችና የኢኮኖሚን እንቅስቃሴ የሚቆጣጠሩ ተቋማት በmonopoly መያዝ ያስፈለገው። ትርፋማ ከሆኑ ሴክተሮች ኢትዮቴለኮምና የኢትዮጵያ አየር መንገድ ድርጅት ይገኙባቸዋል። የኢኮኖሚ እንቅስቃሴ የሚቆጣጠር ተቋም ደግሞ ባንክ ነው። ባንክ፣ ኢትዮቴሌኮምና አየር መንገድ በኢህአዴግ ቁጥጥር ስር ናቸው። ለምን? ምክንያቱም የኢኮኖሚ ምንጭ ናቸው።
ትርፋማ የኢኮኖሚ ሴክተሮች በመንግስት እጅ ሲወድቁ (በተለይ ደግሞ በሞኖፖሊ ሲሆን) ለሀገር ኢኮኖሚ ጎጂ ነው። ምክንያቱም (አንድ) የመንግስት ቢሮክራሲ የግሉን ዘርፍ ያህል efficient and effective ስላልሆነ የተፈለገውን ትርፍ ላይገኝ ይችላል። የመንግስትና የግል ዘርፎች በተመሳሳይ ፍጥነት አይጓዙም። ምክንያቱም የመንግስትና የግል ዘርፉ ዓላማዎች ይለያያሉ። (ሁለት) ሙሰኛ መንግስት የኢኮኖሚ ዘርፍን በሞኖፖል ሲቆጣጠር ኢኮኖሚውን ክፉኛ ይጎዳዋል። በኢኮኖሚ እንቅስቃሴ ሙስና ካለ ኢኮኖሚው ይሽመደመዳል። ምክንያቱም በሞኖፖል ምክንያት የተሰበሰበው ትርፍ በሙስና ምክንያት የግል ባለስልጣናት ሲሳይ ሲሆን የሀገሪቱ ኢኮኖሚ ይጎዳል።
(ሦስት) የኢኮኖሚ ዘርፍን በሞኖፖል መያዝ በራሱ የኢኮኖሚ ዉድቀትን ያመጣል። ሞኖፖሊ ሕብረተሰብን (ተገልጋዮችን) በጣም ይጎዳል። ባለሞኖፖሊው ደግሞ ያከብራል። ምክንያቱም ሞኖፖሊ ካለ ዉድድር አይኖርም። ውድድር ከሌለ የአገልግሎት ጥራት ሊቀንስ በተቃራኒው ደግሞ የአገልግሎቱ ዋጋ ሊጨምር ይችላል። ተገልጋዩ ሌላ አማራጭ ስለሌለው የዘርፉ ባለቤት ባዘዘው ዋጋ ይሽምታል፤ የአገልግሎት ጥራቱ ቢቀንስም ሌላ የምሄድበት አማራጭ የለውም። የኢትዮቴሌኮም ጉዳይ የሚገለፀው በዚሁ መልክ ነው።
የኢትዮቴሌኮም አገልግሎት የወረደ ነው። አሁን አሁንማ አገልግሎት እየሰጠ አይደለም ማለት ይቻላል። ጥሩ አገልግሎት ባይሰጥም ግን ያው እኛ ተገልጋዮች ሌላ አማራጭ እስከሌለን ድረስ የኢትዮቴሌኮም ተጠቃሚዎች መሆናችን አይቀርም። ኢትዮቴሌኮም ጥራት ያለው አገልግሎት ሳይሰጠን ገንዘብ ግን ይበላል። እንደዉጤቱም ተገልጋዩ ደንበኛ ይጎዳል። ህዝቡ ጥሩ የቴሌኮሙኒኬሽን አገልግሎት ባለማግኘቱ የኢኮኖሚ እንስቅስቃሴው ይሽመደመዳል። ምክንያቱም ቢዝነስ ለመስራት የስልክ ኮሙኒኬሽን አስፈላጊ ነው። ማህበራዊ ህይወታችንም ይቆራረጣል። ባጠቃላይ የህዝብ ደህንነት ይጎዳል።
አማራጭ የቴሌኮሙኒካሽን አገልግሎት ሰጪ ተቋም ቢኖር ኑሮ ግን ይህን ያህል ባልተጎዳን ነበር። ምክንያቱም (አንድ) ኢትዮቴሌኮም ሲበላሽ ሌላ አማራጭ እንጠቀማለን። የኢኮኖሚና ማሕበራዊ አገልግሎቶች እናገኛለን። በዚህ መሰረት ኢኮኖሚያችን አይጎዳም፣ ማህበራዊ ህይወታችንም አይበጣጠስም። (ሁለት) ሌላ አማራጭ የቴሌኮሙኒኬሽን አገልግሎት ሰጪ አካል ካለ ኢትዮቴሌኮም ከውድድር እንዳይወጣ በመስጋት ጥራት ያለው አገልግሎት መስጠቱ አይቀርም (ጨው ለራስ ህ ስትል … ይሆናል)። በውድድር ምክንያት የቴሌ ዋጋም ይቀንሳል። ዉድድር ሲኖር የአገልግሎት ጥራት ይጨምራል፣ የአገልግሎት ዋጋ ይቀንሳል። ሁለቱም ሁኔታዎች ለተገልጋዩ ደንበኛ ጥሩ መልሶች ናቸው። በዚህ ሁኔታ ህዝቡ ተጠቃሚ ይሆናል።
አንድ ዘርፍ በሞኖፖል ከተያዘ ተጠቃሚው ባለ ሞኖፖሉ ነው። ባለሞኖፖሉ መንግስት ሲሆን ደግሞ ብዙ ገንዘብ ቢሰበስብ እንኳ የተፈለገውን ያህል ትርፋማ አይሆንም። ምክንያቱም ለግልና ለመንግስት ስንሰራ የመስራት መንፈሳችን ይለያያል። ባለሞኖፖሉ መንግስት ሙሰኛ ሲሆን ደግሞ የባሰ ኪሳራ ነው የሚሆነው። ምክንያቱም (አንድ) ህዝብ ጥራት ያለው አገልግሎት አላገኘም። (ሁለት) ህዝብ ብዙ ገንዘብ ይከፍላል፣ ህዝብ ይከስራል፣ ላልተገለገለበትም ይከፍላል፣ አገልግሎትም አላገኘም። እናም የኢኮኖሚ ኪሳራ ይደርስበታል። (ሦስት) ያለ አግባብ ከህዝብ የተሰበሰበውን ገንዘብ ግለሰቦችን በሙስና ይወስዱታል። ገንዘቡ በሙስና ሲወሰድ ለሀገርም ለህዝብም ጎጂ ነው። ስለዚህ አጠቃላይ የህዝብም የሀገርም ኪሳራ ይሆናል።
ሙሰኛው መንግስት በሞኖፖል የያዛቸው ኢትዮቴሌኮምና የኢትዮጵያ አየር መንገድ ድርጅት ያልተመጣጠነ ዋጋ በተገልጋዩ ላይ በመጫን ትርፋማ ነን ይሉናል። በተለይ ኢትዮቴሌኮምን በሞኖፖል መያዝ አዋጪ መሆኑ ፀሃዩ መንግስታችን በተደጋጋሚ ያስረዳናል። አቶ በረከት ስምዖን፣ አቶ ሀይለማርያም ደሳለኝ እንዲሆም ዶ/ር ደብረፅዮን ገብረሚካኤል በተደጋጋሚ እንደገለፁት “ኢትዮቴሌኮም የምትታለብ ላም ነች” ትርፋማ ነች። አዎ! “የምትታለብ ላም ነች”። ምክንያቱም በመንግስት በሞኖፖል ተይዛለች። በሞኖፖል የተያዘ ሁሉ ትርፋማ ነው፤ የሚታለብ ላም ነው። የሚሰጠው አገልግሎት ወሳኝ እስከሆነ ድረስ።
ኢትዮቴሌኮም የምትታለብ ላም መሆኗ እኔም እመሰክራለሁ። መንግስትም እንደ ግለሰብ ትልቁ የአገልግሎት ተቋምን በሞኖፖል በመያዝ ህዝብን አለአግባብ ማለቡ ግን ያስተዛዝባል። መንግስት ስለሚሰበስበው ገንዘብ እንጂ ስለሚሰጠው አገልግሎት የሚጨነቅ አይመስለኝም። ምክንያቱም ኢትዮቴሌኮም እየሰጠን ያለው አገልግሎት እናውቀዋለን፤ ለደካማ አገልግሎቱ የምንከፍለው ገንዘብ እንዲሁ እናውቀዋለን። መንግስት እንዲህ በግልፅ “ኪራይ ሰብሳቢ” መሆኑ ሲነግረን መልካም ነው። እንዲህ ግልፅነት ልመዱ ነው የምንለው።
“ኢትዮቴሌኮም የምትታለብ ላም ስለሆነች ለሌላ አሳልፈን አንሰጥም” እያሉን ነው። መንግስት ቢጠቀም ችግር አልነበረውም። ምክንያቱም መንግስት ገንዘብ ሲያገኝ ህዝብን የሚጠቅም ስራ ይሰራበታል ነው የሚባለው። ገራሚው ነገር ግን በኢትዮጵያ ለህዝብ የሚያስብ መንግስት አለመኖሩ ነው። አሁን በኢትዮጵያ መንግስት አለ ለማለት ያስቸግራል። አስተዳደር ሳይሆን ገዢነት ነው ያለው፤ በመንግስት እየተገለገልን ሳይሆን እየተገዛን ነን ያለነው። አሁን እየተዳደርን ያለነው በገዢው ፓርቲ እንጂ በመንግስት አይደለም። ስለዚህ በመንግስት ስም የሚሰበሰብ ገንዘብ ለህዝብ ጥቅም እንዲውል ህዝባዊ መንግስትን ሊረከበው ይገባል እንጂ የአንድ ፓርቲ ንብረት መሆን የለበትም። የመንግስት ሃብት የአንድ ፓርቲ ንብረት ከሆነ ገንዘቡ ህዝብን ለመጥቀም ሳይሆን ህዝብን ለመጨቆን ይውላል። እያየን ያለነውም ይሄ ነው።
የኢትዮቴሌኮም ወተት የተመቸው ፀሃዩ መንግስታችን የምትታለብ ላሟን ለግል ዘርፉ አሳልፎ እንደማይሰጥ ደጋግሞ እየነገረን ነው። ባለስልጣኖቻችን ለዚሁ ምክንያት ሲያቀርቡ ደግሞ ኢትዮቴሌኮም ወደ ግል ዘርፍ ከተሻገረ የቴሌኮም አገልግሎት ወደ ገጠሪቱ ኢትዮጵያ ላይዘረጋ ይችላል የሚል ነው። የሚያቀርቡት ምክንያትም የቴሌኮም አገልግሎት በገጠር አከባቢ መዘርጋት ለግል ዘርፉ አዋጪ ስላልሆነ የግል ባለሃብቶች ወደ ገጠር አከባቢ ላያስፋፉት ይችላሉ። መንግስት ግን ወደ ገጠርም የማስፋፋት ተልእኮ አለው የሚል ነው።
ጥሩ የህዝብ (የገጠር) አሳቢነት ነው። ነገር ግን “የቴሌኮም የገጠር ዝርጋታ ለግል ዘርፉ አዋጪ አይደለም” በሚለው ሐሳብ አልስማማም። ምክንያቱም የግል ዘርፍ የትርፍ የማግኘት ዓላማ ስለያዘ ለትርፉ ሲል ወደ ገጠርም መግባቱ አይቀርም። በገጠርም ቢሆን የስልክ ተጠቃሚዎች አሉ። ምናልባት ገጠሩ ለግል ሴክተሩ አዋጪ ካልሆነ መንግስት የግል ዘርፉን ለማበራራታት በገጠሩ አከባቢ መሰረተ ልማት ማፋጠን ይችላል። መንግስት በገጠር አከባቢ የተሟላ መሰረት ልማት ከገነባ ለግል ዘርፉ አበራታች የማይሆንበት ምክንያት አይኖርም።
ምናልባት መንግስት ቴሌኮምን ወደ ግል ካዛወረና የግል ዘርፉ ደግሞ በገጠሪቱ ኢትዮጵያ የቴሌኮሚኒኬሽን አገልግሎት ላይዘረጋ ይችላል ብሎ ከሰጋ ከጅምሩ (ዝውውሩ ሲፈፀም ወይም ጨረታው ሲወጣ) አሸናፊው ሴክተር ወደ ገጠር እንዲገባና መስመሮች እንዲዘረጋ ስምምነት መፈራረም ይቻላል።
መንግስት የግል ዘርፉ ወደ ገጠር አከባቢ ላይንቀሳቀስ ይችላል፤ የገጠር ህዝብ የቴሌኮሙኒኬሽን አገልግሎት ላያገኝ ይችላል ብሎ ከሰጋ ደግሞ ኢትዮቴሌኮምን በእጁ ይዞ ሞኖፖሉ ግን ማስቀረት (liberalize ማድረግ) ይችላል። ከሞኖፖል ወደ ዉድድር መሸጋገር ይችላል (There must be a shift from Monopoly to Competitive Approach) ። ይህ ማለት መንግስት ኢትዮቴሌኮምን ለግል ባለሃብቶችን ከመሸጥ (Privatize ከማድረግ) ይልቅ ዘርፉ ለሌሎችም ክፍት ማድረግ (Deregulate ማድረግ) ይችላል። (Focus on the Difference Between Privatization and Deregulation).
የቴሌኮሙኒኬሽን ዘርፍ Privatize ከማድረግ (ዘርፉ ወደ ግል ከማዛወር ወይ ከመሸጥ) ይልቅ ሌሎች የግል ባለሃብቶች እንዲሳተፉ መፍቀድ (Deregulate ማድረግ) ጥሩ ይመስለኛል። ምክንያቱም መንግስት ኢትዮቴሌኮምን በእጁ ስላለ የግል ዘርፉ በማይስቡ አከባቢዎች (ግን የቴሌ አገልግሎት የሚያስፈልጋቸው ህዝቦች በሚኖሩበት አከባቢ) መዘርጋት ይችላል። በሌላ በኩል ደግሞ ሌሎች የግል ባለሃብቶች በቴሌ አገልግሎት ሰጪነት ከተሰማሩ ለህዝብ አማራጭ የቴሌኮሙኒኬሽን አገልግሎት ይሰጣሉ። የኢትዮቴሌኮምን የጥራት ችግር ሲገጥመን ሌላኛው ቴሌ እንጠቀማለን። ኢትዮቴሌኮምም በውድድር ላለምሸነፍ ሲል አገልግሎቱ ጥራት ይኖረዋል፣ ዋጋም እንደፈለገ አይጭንብንም። ምክንያቱም ዋጋ የሚጭንብን ከሆነ ሌላኛው ቴሌ እንጠቀማለን። ዉድድር ስለሆነ የሚሰጡት አገልግሎት ጥራቱ ይጨምራል፣ የሚያስከፍሉት ዋጋ ይቀንሳል። በዚሁ ሂደት ህዝቡ ተጠቃሚ ይሆናል።
መንግስት ኢትዮቴሌኮምን በሞኖፖል መቆጣጠሩ ግን ለማንም አይጠቅምም፤ ከገዢው ፓርቲ ዉጭ። ህዝብ በሚከፍለው ገንዘብ ህዝብ መገልገል አለበት። ህዝብ በሚከፍለው የገዢው ፓርቲ ሰዎች የሚጠቀሚ ከሆነ ግን ችግር ነው። ገዢው ፓርቲ በህዝብ ገንዘብ እየቀለደ ያለ ይመስለኛል። መፍትሔ ማፈላለግ አለብን። ምክንያቱም እኛ ገንዘብ የምንከፍለው ህዝብና ሀገር ለማገልገል እንጂ ለገዢው ፓርቲ አባላት የሃብት ምንጭ ለመሆን አይደለም።
በአንድ ሀገር የኢኮኖሚ ለውጥ (ዕድገት) ለማምጣት ዜጎች መሳተፍ አለባቸው። ዜጎች በኢኮኖሚ ሙሉ ተሳትፎ በማድረግ ለውጥ እንዲያመጡ ነፃነት ሊኖራቸው ይገባል። በኢኮኖሚው ነፃ ዉድድር መኖር አለበት። የዜጎች ነፃ ዉድድር እንዲኖር ነፃነት የሚፈቅድ ፍትሐዊ ህዝባዊ መንግስት መኖር አለበት። ህዝባዊ መንግስት ዜጎችን ተወዳድረው ለውጥ የሚያመጡበት የኢኮኖሚ ስርዓት ይዘረጋል እንጂ ራሱ ከግለሰቦች ጋር የሚወዳደር መሆን የለበትም። ትርፋማ ሴክተሮችን እየተቆጣጠረ ለግል ባለሃብቶች ዕንቅፋት የሚሆን መንግስት አያስፈልግም። መንግስት ዜጎችን ማበረታታት እንጂ መቆጣጠር የለበትም። መንግስት ተቆጣጣሪ ከሆነ ትርጉም ያለው ለውጥ ልናመጣ አንችልምና።
ስለዚህ ህዝባዊ (ለህዝብ ደህንነት የሚሰራ) መንግስት ይኑረን። ህዝብን እንደ ላም የሚያልብ መንግስት ሳይሆን ህዝብን የሚያገለግል መንግስት ነው የምንፈልገው። መንግስት አገልጋይ እንጂ ተገልጋይ መሆን የለበትም።

Thursday, February 13, 2014

‹‹ከኢትዮጵያ ጋር መታረቅ ስለሚባለው ባልሰማውና ባላስበው እመርጣለሁ›› ፕሬዚዳንት ኢሳያስ አፈወርቂ

‹‹ከኢትዮጵያ ጋር መታረቅ ስለሚባለው ባልሰማውና ባላስበው እመርጣለሁ›› ፕሬዚዳንት ኢሳያስ አፈወርቂዋና ዜና

Форум вебмастеровየቀድሞው የኢትዮጵያ ፕሬዚዳንት አቶ ግርማ ወልደ ጊዮርጊስ የሥልጣን ዘመናቸውን ከጨረሱ በኋላ፣ የኢትዮጵያና የኤርትራ መንግሥታትን ማስታረቅ እንደሚፈልጉ የመንግሥት የቴሌቪዥን ጣቢያ በሆነው ኢቴቪ በይፋ ገልጸው መስመር የያዘላቸው መሆኑንም አሳውቀው ነበር፡፡

በቅርቡ ከኤርትራ ቴሌቪዥን ጋር ሰፊ ቃለ ምልልስ ያደረጉት ፕሬዚዳንት ኢሳያስ አፈወርቂ ግን ምንም ዓይነት የዕርቅ ፍላጐት እንደሌላቸው የኢትዮጵያ መንግሥት በፕሮፓጋንዳ ብልጫ እየተጠቀመበት እንደሆነ ተናግረዋል፡፡ ፕሬዚዳንቱ ኢትዮጵያን በተመለከተ ለቀረቡላቸው ጥያቄ የሰጧቸው ምላሾች እንደሚከተለው ቀርበዋል፡፡  
‹‹የሕዝብ ግንኙነት ብልጫ ለማግኘት ነው››
ሁለት የኤርትራ የመንግሥት ቴሌቪዥን ጋዜጠኞች አንዳንድ የአገር ውስጥና የአካባቢ ፖለቲካዊና ዲፕሎማሲያዊ ጥያቄዎችን ለፕሬዚዳንት ኢሳያስ አንስተውላቸዋል፡፡ ፕሬዚዳንቱ በኢትዮጵያና በኤርትራ ግንኙነት ላይ የሰጡት አስተያየት አነጋጋሪ ነው፡፡ 
በመግለጫው ከተገኙ የመንግሥት ጋዜጠኞች መካከል አንዱ እንዲህ ብሎ ፕሬዚዳንቱን ይጠይቃቸዋል፤ ‹‹ኤርትራና ኢትዮጵያን ለማስታረቅ አንዳንድ ሙከራዎች እየተደረጉ እንደሆነ በሚዲያዎች እየተነገረ ነው፡፡ ይኼ የሚወራው ነገር እውነት ነው ወይ?›› ይላቸዋል፡፡
ፕሬዚዳንት ኢሳያስ ለጥያቄው መልስ መስጠት ሲጀምሩ ፊታቸውን ጨለም አድርገዋል፡፡ የሆነ ከውስጥ የሚሰማ የቁጣ ስሜት እንዳለ ያሳብቅባቸዋል፡፡ መልስ መስጠት ቀጠሉ፡፡ ‹‹ከምኡ ዝበሃል ነገር የለን›› [እንደዚያ ብሎ ነገር የለም] በሚል በእምቢተኝነትና በእልኸኝነት ውስጥ ሆነው ንግግራቸውን ቀጠሉ፡፡ 
‹‹እንደዚያ ብሎ ነገር የለም፡፡ ወያኔ እስኪጠፋ ዕለት እንደዚህ ብሎ ማውራቱ ይቀጥላል፡፡ ዓላማውም የሕዝብ ግንኙነት (PR) ብልጫ ለማግኘት ብቻ ነው፡፡ እንደዚያ በማድረጉ የፕሮፓጋንዳ ትርፍ ያገኝ ይሆናል፡፡ ወያኔ ያላንኳኳው በር የለም፡፡ የልጆች ሥራ ነው የሚመስለው፣›› ኢሳያስ ምላሻቸው በዚህ አላበቃም፡፡ 
‹‹ምናልባት ቀደም ሲል እንዲህ ተባለ እንዲህ ሆነ እያሉ ሊያታልሉን ሞክረው ይሆናል፡፡ እኔ የሚገርመኝ ጊዜያቸውን በዚህ ለምን እንደሚያጠፉ ነው፡፡ የአዞ እምባ ነው፡፡ እኛን ለማሰይጠን እነሱን መልዓክ ለማስመሰል፡፡ ምንም ባልሰማውና ባላስበው እመርጣለሁ፡፡ በአገር ውስጥም በውጭም ያለው የኤርትራ ሕዝብ ፈጽሞ ስለዚህ ማሰብ የለበትም፤›› ብለዋል፡፡ ፕሬዚዳንቱ በዚሁ ምላሻቸው እየተባለ ያለው የዕርቅ ጥያቄ የውሸት መሆኑን፣ የኢትዮጵያ መንግሥት የፈጠራ ወሬ መሆኑንና ኤርትራዊያንን ለማሞኘት መሆኑን ይናገራሉ፡፡ 
ፕሬዚዳንት ኢሳያስ በሰጡት መግለጫ የኢትዮጵያ መንግሥት ዕርቅ ለመፍጠር ‹‹ያላንኳኳው በር የለም›› ካሉ በኋላ ዓላማው እውነት ዕርቅ ፍለጋ ሳይሆን ለዓለም አቀፉ ማኅበረሰብ ሰላም ወዳድ መስሎ ለመታየት ነው የሚል አስተያየት ሰጥተዋል፡፡ ከዚሁ ቀጥሎ የቀረበላቸው ተከታይ ጥያቄም ከዚሁ ጉዳይ ጋር ቅርበት ያለው ነው፡፡
‹‹ከዚህ ጋር በተያያዘ [የቀድሞው የአሜሪካ የውጭ ጉዳይ መሥሪያ ቤት የአፍሪካ ጉዳይ ምክትል ኃላፊ የነበሩት] ኸርማን ኮኸን የኢትዮጵያንና የኤርትራን ግንኙነት ወደነበረበት መመለስ አለበት በሚል የመፍትሔ ሐሳብ አቅርበዋል፡፡ ይኼና ሌሎች ጽሑፎች የአሜሪካ መንግሥት አቋም ናቸው ብሎ መውሰድ ይቻል ይሆን?›› የሚል ነበር፡፡ የፕሬዚዳንት ኢሳያስ ምላሾች በአብዛኛው በንቀት የተሞሉ የሚመስሉ ነበሩ፡፡ ‹‹አምባሳደሩ ኤርትራን ከብርድ እንታደጋታለን ነው የሚሉት፡፡ የምን ብርድ ነው እኛ ዘንድ ያለው ኤርትራ ገዳም ወጥታለችና ወደ ቤቷ እንመልሳት ነው እኮ የሚሉት፤›› የሚል ምላሽ ፕሬዚዳንቱ ሲሰጡ የቁጭት ስሜት ይነበብባቸዋል፡፡ 
አምባሳደር ኸርማን ኮኸን የቀድሞ የአሜሪካ ውጭ ጉዳይ ሚኒስቴር የአፍሪካ ጉዳዮች ምክትል ኃላፊ ሲሆኑ፣ በምሥራቅ አፍሪካ ጉዳዮች የአሜሪካን መንግሥት በውጭ ፖሊሲ ከሚያማክሩ መካከል ናቸው፡፡ ‹‹ኤርትራን መታደግ አሁን ነው›› በሚል በቅርቡ ለተባበሩት መንግሥታት ድርጅት (ተመድ) በጻፉት የመፍትሔ ሐሳብ፤ ኢትዮጵያ አወዛጋቢውን የባድመ ግዛት ለኤርትራ እንድትሰጥ፣ በሁለቱም አገሮች መካከል ዕርቅ እንዲወርድ፣ ይኼም በአንድ ገለልተኛ የአውሮፓ አገር [ማን እንደሆነ ያልተገለጸ] አነሳሽነት እንዲጀመር የሚሉ ናቸው፡፡ የእሳቸው የዕርቅ ሐሳብ መነሻ ሁለቱም መንግሥታት (ኢትዮጵያና ኤርትራ) በድንበር አካባቢ ባለው ሰላምና ጦርነት አልባ ሁኔታ ተሰላችተዋል፡፡ ሁለቱም መንግሥታት የዕርቅ ፍላጎት አሳይተዋል የሚል ነው፡፡ ለዚህም ጠቅላይ ሚኒስትር ኃይለ ማርያምና ፕሬዚዳንት ኢሳያስ በተለያዩ ሚዲያዎች የሰጡዋቸው የተለሳለሱ አስተያየቶችን መታዘባቸውን መሠረት ያደረገ ነው፡፡ 
ኸርማን ኮኸን፣ በተጨማሪ ያነሱት ጉዳይ ኤርትራ በሶማሊያ በምታደርገው አፍራሽ እንቅስቃሴ ምክንያት በፀጥታው ምክር ቤት የተጣለው ማዕቀብ እንዲነሳ የሚል ነው፡፡ ለዚህም እ.ኤ.አ. ከ2009 ዓ.ም. ጀምሮ ኤርትራ አደብ መግዛቷንና አልሸባብን ስለመደገፏ አንድም ማስረጃ አልተገኘም የሚል ነበር፡፡ አምባሳደሩ ጽሑፋቸውን ባወጡበት ወቅት ይኼ አስተያየት ተመድና የአሜሪካ መንግሥት ካቀረቧቸው ሪፖርቶች ጋር የሚቃረን መሆኑ ተገልጿል፡፡ 
‹‹ከብርድ ሊገላግሉን ነው?›› በሚል ፌዝ መሰል ንግግር የጀመሩት ፕሬዚዳንቱ የአምባሳደሩን ሐሳብ አጣጥለዋል፡፡ 
‹‹በ[ሸባብ] ምክንያት በኤርትራ ሕዝብ ላይ ከሳሽ ራሳቸው ፈራጅ ራሳቸው ሆነው ቀጥተውናል፡፡ በፈጠራ ታሪክ ነበር ማዕቀብ ያስጣሉብን፡፡ አሁን ደግሞ ከ2009 ጀምሮ ምንም የሉበትም ይላሉ፤›› በማለት ቀደም ሲል ከ2009 በኋላ በኤርትራ ላይ የፀጥታው ምክር ቤት የጣለው ማዕቀብ ድሮም፣ በተፈበረከ ውንጀላ ነው የሚለውን ንግግራቸውን አምባሳደሩ ያረጋገጡላቸው በሚመስል ስሜት ምላሽ ሰጥተዋል፡፡
‹‹ፕሬዚዳንት ኢሳያስ የኤርትራ ዕጣ ፈንታ ከኢትዮጵያ ጋር የተያያዘ ነው ብሎኛል፤›› በማለት አምባሳደሩ ያቀረቡትን አስተያየት ያጣጣሉት ፕሬዚዳንት ኢሳያስ፣ ‹‹ቆይ ከየት የመጣ ነገር ነው? መቼ የት ነው እንዲህ ያልኩት?›› የሚሉ ጥያቄዎች አቅርበው፣ ‹‹ይኼ ማለት’ኮ ኤርትራ ያለ ኢትዮጵያ የለችም እንደማለት ነው፤›› ብለዋል፡፡ 
በአጠቃላይ የኸርማን ኮኸን የዕርቅ ሐሳብ በተመለከተ ግን ሌላ ቀደም ሲል የተገመተ መላምት ሰጥተዋል፡፡ የኤርትራና የአሜሪካ ግንኙነትን ለማዳስ ያለመ እንደሆነ በመግለጽ፡፡ ‹‹ሐሳቡ የቀረበበትን ጊዜ፣ ይዘቱን፣ ቋንቋውንና አቀራረቡን ስትመለከተው ይኼው ነው፡፡ ኤርትራ ግን አትፈልገውም፡፡ ከአሜሪካ ጋር የሚሻሻል ዝምድና ምንድን ነው? መጀመሪያ ራሳቸው በራሳቸው በፈጠሩት ውሸት የኤርትራን ሕዝብ ለመቅጣት ከጀሉ፡፡ ‹‹እናዳክማቸዋለን፣ እንቀጣቸዋለን፤›› በማለት ምላሻቸውን ይቀጥላሉ፡፡ አሜሪካውያን ስለኤርትራ ሕዝብ መወሰንም አለመወሰንም መብት እንደሌላቸው በማተኮር፡፡
የወያኔ ሴራ በሚለው ተደጋጋሚ አገላለጻቸው፣ ‹‹በኤርትራ ሕዝብ ላይ ከፍተኛ ጥፋት ከፈጸሙ በኋላ የኤርትራ ወጣቶች ከአገር እንዲኮበልሉ ካደረጉ በኋላ አሁን የምን ዕርቅ ነው?›› የሚል ሐሳብ አቅርበዋል፡፡ 
ፕሬዚዳንት ኢሳያስ በቅርቡ በሱዳን ፕሬዚዳንት አማካይነት ለጠቅላይ ሚኒስትር ኃይለ ማርያም ደሳለኝ የዕርቅ ሐሳብ የያዘ ደብዳቤ መላካቸውን አንዳንድ ሚዲያዎች ዲፕሎማቶችን ዋቢ በማድረግ የዘገቡ ሲሆን፣ ፕሬዚዳንቱ ግን የዕርቅ ጥያቄው ከኢትዮጵያ መንግሥት የሚቀርብ መሆኑን፣ እሱም ቢሆን እውነትነት እንደሌለው ነው በዚሁ ቃለ ምልልሳቸው የተናገሩት፡፡
ጠቅላይ ሚኒስትር ኃይለ ማርያም ደሳለኝ ባለፈው ሰኞ ለጋዜጠኞች በሰጡት መግለጫ፣ በፕሬዚዳንት ኢሳያስ ቃለ ምልልስ ላይ አስተያየት የሰጡ ሲሆን፣ የተባለው ከእሳቸው የማይጠበቅ መሆኑንና በፕሬዚዳንት ኢሳያስ የሚመራው መንግሥት አስመራ እስካለ ድረስ ምንም አዲስ ነገር እንደማይጠብቁ ተናግረዋል፡፡
ፕሬዚዳንት ኢሳያስ አፈወርቂ በአሁኑ ንግግራቸው በመስከረም ወር አካባቢ የሰጡትን ቃለ ምልልስ ሙልጭ አድርገው የካዱት ይመስላሉ፡፡ ኤርትራ ውስጥ ያለው የልማት እንቅስቃሴና ሌሎች የመንግሥት አውታሮች በተለይ በኤሌክትሪክ ኃይል ዕጦት ምክንያት መቆሙን፣ እንዲሁም የአሰብ ወደብ ምንም ጥቅም እየሰጠ እንዳልሆነ ጠቅሰው፣ ከኢትዮጵያ የኤሌክትሪክ ኃይል ለመግዛት፣ ወደቡም ዓለም አቀፍ ደረጃውን በጠበቀ ሁኔታ በማዘጋጀው ለኢትዮጵያ የማቅረብ ዕቅድ እንዳላቸው ተናግረው ነበር፡፡ 
ይህም በሁለቱም አገሮች መካከል ለሚዲያ ይፋ ያልሆነ የዕርቅ ጥረት ስለመኖሩ፣ እንዲሁም እንደ አምባሳደር ኸርማን ኮኸን የመሳሰሉ ሰዎች ፕሬዚዳንቱ ዕርቅ ማድረግ ይፈልጋሉ የሚል አመለካከት እንዲኖራቸው ሳያደርግ አልቀረም፡፡ የአሁኑ የኢሳያስ አስተያየት ግን የዚህ ተቃራኒ ነው፡፡    
በአሁኑ ንግግራቸው ግን የኤሌክትሪክ ኃይል ከኢትዮጵያ በመግዛት ላይ ከምትገኘው ከሱዳን እንገዛለን ብለዋል፡፡ ይህ የብዙ ኢትዮጵያዊያንን ቀልብ የሳበ ቢሆንም፤ ምን ማለት እንደሆነ ለብዙዎች ጥያቄ ሆኗል፡፡ ቀደም ሲል በጂቡቲ በኩል ወደ ኤርትራ በሚገቡ የቡናና የጤፍ ምርቶች ምክንያት ኤርትራ በዓለም አቀፍ ደረጃ ካሉ ቡና አቅራቢዎች ግንባር ቀደም አድርጓት እንደነበር አንዳንዶች ያስታውሳሉ፡፡
ፕሬዚዳንት ኢሳያስ ከአገር ውስጥ ጉዳዮች በተጨማሪ በምሥራቅ አፍሪካ ፖለቲካ እ.ኤ.አ. በ2014 ምን ዕቅድ እንዳላቸው ጥያቄ የቀረበላቸው ሲሆን፣ ‹‹አሁን አላወራውም እንጂ በክልሉ ጉዳዮች ቀጥተኛ ተሳታፊ ለመሆን ዕቅድ አለን፤›› ብለዋል፡፡ በአካባቢው እየመጣ ያለው ለውጥ የኤርትራን ቀጥተኛ ተሳታፊነት እንደሚጠይቅ የገለጹት ኢሳያስ፣ በአካባቢው ፖለቲካዊ ጉዳዮች ከዚህ በፊት በተለየ ሁኔታ ለለውጦች ምላሽ መስጠት ሳይሆን፣ ቀድሞ ዕርምጃ በመውሰድ የለውጡ አካል ለመሆን የኤርትራ መንግሥት ዝግጅቱን አጠናቋል ብለዋል፡፡ የፕሬዚዳንቱ ንግግር ወዴት እንደሚያመራ ግን አመላካች የለም፡፡ ከዚህ በፊት ጎረቤት አገሮችን በመውረርና በመተንኮስ እንዲሁም በሶማሊያ ጣልቃ በመግባት የሚታወቁት ፕሬዚዳንት ኢሳያስ በተያዘው አዲሱ የአውሮፓውያን ዓመት ግን ሊገልጹ ያልፈለጉት ጉዳይ እንዳለ ጠቁመዋል፡፡
ምንጭ – ሪፖርተር

‹‹ከኢትዮጵያ ጋር መታረቅ ስለሚባለው ባልሰማውና ባላስበው እመርጣለሁ›› ፕሬዚዳንት ኢሳያስ አፈወርቂ

‹‹ከኢትዮጵያ ጋር መታረቅ ስለሚባለው ባልሰማውና ባላስበው እመርጣለሁ›› ፕሬዚዳንት ኢሳያስ አፈወርቂዋና ዜና

የቀድሞው የኢትዮጵያ ፕሬዚዳንት አቶ ግርማ ወልደ ጊዮርጊስ የሥልጣን ዘመናቸውን ከጨረሱ በኋላ፣ የኢትዮጵያና የኤርትራ መንግሥታትን ማስታረቅ እንደሚፈልጉ የመንግሥት የቴሌቪዥን ጣቢያ በሆነው ኢቴቪ በይፋ ገልጸው መስመር የያዘላቸው መሆኑንም አሳውቀው ነበር፡፡
በቅርቡ ከኤርትራ ቴሌቪዥን ጋር ሰፊ ቃለ ምልልስ ያደረጉት ፕሬዚዳንት ኢሳያስ አፈወርቂ ግን ምንም ዓይነት የዕርቅ ፍላጐት እንደሌላቸው የኢትዮጵያ መንግሥት በፕሮፓጋንዳ ብልጫ እየተጠቀመበት እንደሆነ ተናግረዋል፡፡ ፕሬዚዳንቱ ኢትዮጵያን በተመለከተ ለቀረቡላቸው ጥያቄ የሰጧቸው ምላሾች እንደሚከተለው ቀርበዋል፡፡  
‹‹የሕዝብ ግንኙነት ብልጫ ለማግኘት ነው››
ሁለት የኤርትራ የመንግሥት ቴሌቪዥን ጋዜጠኞች አንዳንድ የአገር ውስጥና የአካባቢ ፖለቲካዊና ዲፕሎማሲያዊ ጥያቄዎችን ለፕሬዚዳንት ኢሳያስ አንስተውላቸዋል፡፡ ፕሬዚዳንቱ በኢትዮጵያና በኤርትራ ግንኙነት ላይ የሰጡት አስተያየት አነጋጋሪ ነው፡፡ 
በመግለጫው ከተገኙ የመንግሥት ጋዜጠኞች መካከል አንዱ እንዲህ ብሎ ፕሬዚዳንቱን ይጠይቃቸዋል፤ ‹‹ኤርትራና ኢትዮጵያን ለማስታረቅ አንዳንድ ሙከራዎች እየተደረጉ እንደሆነ በሚዲያዎች እየተነገረ ነው፡፡ ይኼ የሚወራው ነገር እውነት ነው ወይ?›› ይላቸዋል፡፡
ፕሬዚዳንት ኢሳያስ ለጥያቄው መልስ መስጠት ሲጀምሩ ፊታቸውን ጨለም አድርገዋል፡፡ የሆነ ከውስጥ የሚሰማ የቁጣ ስሜት እንዳለ ያሳብቅባቸዋል፡፡ መልስ መስጠት ቀጠሉ፡፡ ‹‹ከምኡ ዝበሃል ነገር የለን›› [እንደዚያ ብሎ ነገር የለም] በሚል በእምቢተኝነትና በእልኸኝነት ውስጥ ሆነው ንግግራቸውን ቀጠሉ፡፡ 
‹‹እንደዚያ ብሎ ነገር የለም፡፡ ወያኔ እስኪጠፋ ዕለት እንደዚህ ብሎ ማውራቱ ይቀጥላል፡፡ ዓላማውም የሕዝብ ግንኙነት (PR) ብልጫ ለማግኘት ብቻ ነው፡፡ እንደዚያ በማድረጉ የፕሮፓጋንዳ ትርፍ ያገኝ ይሆናል፡፡ ወያኔ ያላንኳኳው በር የለም፡፡ የልጆች ሥራ ነው የሚመስለው፣›› ኢሳያስ ምላሻቸው በዚህ አላበቃም፡፡ 
‹‹ምናልባት ቀደም ሲል እንዲህ ተባለ እንዲህ ሆነ እያሉ ሊያታልሉን ሞክረው ይሆናል፡፡ እኔ የሚገርመኝ ጊዜያቸውን በዚህ ለምን እንደሚያጠፉ ነው፡፡ የአዞ እምባ ነው፡፡ እኛን ለማሰይጠን እነሱን መልዓክ ለማስመሰል፡፡ ምንም ባልሰማውና ባላስበው እመርጣለሁ፡፡ በአገር ውስጥም በውጭም ያለው የኤርትራ ሕዝብ ፈጽሞ ስለዚህ ማሰብ የለበትም፤›› ብለዋል፡፡ ፕሬዚዳንቱ በዚሁ ምላሻቸው እየተባለ ያለው የዕርቅ ጥያቄ የውሸት መሆኑን፣ የኢትዮጵያ መንግሥት የፈጠራ ወሬ መሆኑንና ኤርትራዊያንን ለማሞኘት መሆኑን ይናገራሉ፡፡ 
ፕሬዚዳንት ኢሳያስ በሰጡት መግለጫ የኢትዮጵያ መንግሥት ዕርቅ ለመፍጠር ‹‹ያላንኳኳው በር የለም›› ካሉ በኋላ ዓላማው እውነት ዕርቅ ፍለጋ ሳይሆን ለዓለም አቀፉ ማኅበረሰብ ሰላም ወዳድ መስሎ ለመታየት ነው የሚል አስተያየት ሰጥተዋል፡፡ ከዚሁ ቀጥሎ የቀረበላቸው ተከታይ ጥያቄም ከዚሁ ጉዳይ ጋር ቅርበት ያለው ነው፡፡
‹‹ከዚህ ጋር በተያያዘ [የቀድሞው የአሜሪካ የውጭ ጉዳይ መሥሪያ ቤት የአፍሪካ ጉዳይ ምክትል ኃላፊ የነበሩት] ኸርማን ኮኸን የኢትዮጵያንና የኤርትራን ግንኙነት ወደነበረበት መመለስ አለበት በሚል የመፍትሔ ሐሳብ አቅርበዋል፡፡ ይኼና ሌሎች ጽሑፎች የአሜሪካ መንግሥት አቋም ናቸው ብሎ መውሰድ ይቻል ይሆን?›› የሚል ነበር፡፡ የፕሬዚዳንት ኢሳያስ ምላሾች በአብዛኛው በንቀት የተሞሉ የሚመስሉ ነበሩ፡፡ ‹‹አምባሳደሩ ኤርትራን ከብርድ እንታደጋታለን ነው የሚሉት፡፡ የምን ብርድ ነው እኛ ዘንድ ያለው ኤርትራ ገዳም ወጥታለችና ወደ ቤቷ እንመልሳት ነው እኮ የሚሉት፤›› የሚል ምላሽ ፕሬዚዳንቱ ሲሰጡ የቁጭት ስሜት ይነበብባቸዋል፡፡ 
አምባሳደር ኸርማን ኮኸን የቀድሞ የአሜሪካ ውጭ ጉዳይ ሚኒስቴር የአፍሪካ ጉዳዮች ምክትል ኃላፊ ሲሆኑ፣ በምሥራቅ አፍሪካ ጉዳዮች የአሜሪካን መንግሥት በውጭ ፖሊሲ ከሚያማክሩ መካከል ናቸው፡፡ ‹‹ኤርትራን መታደግ አሁን ነው›› በሚል በቅርቡ ለተባበሩት መንግሥታት ድርጅት (ተመድ) በጻፉት የመፍትሔ ሐሳብ፤ ኢትዮጵያ አወዛጋቢውን የባድመ ግዛት ለኤርትራ እንድትሰጥ፣ በሁለቱም አገሮች መካከል ዕርቅ እንዲወርድ፣ ይኼም በአንድ ገለልተኛ የአውሮፓ አገር [ማን እንደሆነ ያልተገለጸ] አነሳሽነት እንዲጀመር የሚሉ ናቸው፡፡ የእሳቸው የዕርቅ ሐሳብ መነሻ ሁለቱም መንግሥታት (ኢትዮጵያና ኤርትራ) በድንበር አካባቢ ባለው ሰላምና ጦርነት አልባ ሁኔታ ተሰላችተዋል፡፡ ሁለቱም መንግሥታት የዕርቅ ፍላጎት አሳይተዋል የሚል ነው፡፡ ለዚህም ጠቅላይ ሚኒስትር ኃይለ ማርያምና ፕሬዚዳንት ኢሳያስ በተለያዩ ሚዲያዎች የሰጡዋቸው የተለሳለሱ አስተያየቶችን መታዘባቸውን መሠረት ያደረገ ነው፡፡ 
ኸርማን ኮኸን፣ በተጨማሪ ያነሱት ጉዳይ ኤርትራ በሶማሊያ በምታደርገው አፍራሽ እንቅስቃሴ ምክንያት በፀጥታው ምክር ቤት የተጣለው ማዕቀብ እንዲነሳ የሚል ነው፡፡ ለዚህም እ.ኤ.አ. ከ2009 ዓ.ም. ጀምሮ ኤርትራ አደብ መግዛቷንና አልሸባብን ስለመደገፏ አንድም ማስረጃ አልተገኘም የሚል ነበር፡፡ አምባሳደሩ ጽሑፋቸውን ባወጡበት ወቅት ይኼ አስተያየት ተመድና የአሜሪካ መንግሥት ካቀረቧቸው ሪፖርቶች ጋር የሚቃረን መሆኑ ተገልጿል፡፡ 
‹‹ከብርድ ሊገላግሉን ነው?›› በሚል ፌዝ መሰል ንግግር የጀመሩት ፕሬዚዳንቱ የአምባሳደሩን ሐሳብ አጣጥለዋል፡፡ 
‹‹በ[ሸባብ] ምክንያት በኤርትራ ሕዝብ ላይ ከሳሽ ራሳቸው ፈራጅ ራሳቸው ሆነው ቀጥተውናል፡፡ በፈጠራ ታሪክ ነበር ማዕቀብ ያስጣሉብን፡፡ አሁን ደግሞ ከ2009 ጀምሮ ምንም የሉበትም ይላሉ፤›› በማለት ቀደም ሲል ከ2009 በኋላ በኤርትራ ላይ የፀጥታው ምክር ቤት የጣለው ማዕቀብ ድሮም፣ በተፈበረከ ውንጀላ ነው የሚለውን ንግግራቸውን አምባሳደሩ ያረጋገጡላቸው በሚመስል ስሜት ምላሽ ሰጥተዋል፡፡
‹‹ፕሬዚዳንት ኢሳያስ የኤርትራ ዕጣ ፈንታ ከኢትዮጵያ ጋር የተያያዘ ነው ብሎኛል፤›› በማለት አምባሳደሩ ያቀረቡትን አስተያየት ያጣጣሉት ፕሬዚዳንት ኢሳያስ፣ ‹‹ቆይ ከየት የመጣ ነገር ነው? መቼ የት ነው እንዲህ ያልኩት?›› የሚሉ ጥያቄዎች አቅርበው፣ ‹‹ይኼ ማለት’ኮ ኤርትራ ያለ ኢትዮጵያ የለችም እንደማለት ነው፤›› ብለዋል፡፡ 
በአጠቃላይ የኸርማን ኮኸን የዕርቅ ሐሳብ በተመለከተ ግን ሌላ ቀደም ሲል የተገመተ መላምት ሰጥተዋል፡፡ የኤርትራና የአሜሪካ ግንኙነትን ለማዳስ ያለመ እንደሆነ በመግለጽ፡፡ ‹‹ሐሳቡ የቀረበበትን ጊዜ፣ ይዘቱን፣ ቋንቋውንና አቀራረቡን ስትመለከተው ይኼው ነው፡፡ ኤርትራ ግን አትፈልገውም፡፡ ከአሜሪካ ጋር የሚሻሻል ዝምድና ምንድን ነው? መጀመሪያ ራሳቸው በራሳቸው በፈጠሩት ውሸት የኤርትራን ሕዝብ ለመቅጣት ከጀሉ፡፡ ‹‹እናዳክማቸዋለን፣ እንቀጣቸዋለን፤›› በማለት ምላሻቸውን ይቀጥላሉ፡፡ አሜሪካውያን ስለኤርትራ ሕዝብ መወሰንም አለመወሰንም መብት እንደሌላቸው በማተኮር፡፡
የወያኔ ሴራ በሚለው ተደጋጋሚ አገላለጻቸው፣ ‹‹በኤርትራ ሕዝብ ላይ ከፍተኛ ጥፋት ከፈጸሙ በኋላ የኤርትራ ወጣቶች ከአገር እንዲኮበልሉ ካደረጉ በኋላ አሁን የምን ዕርቅ ነው?›› የሚል ሐሳብ አቅርበዋል፡፡ 
ፕሬዚዳንት ኢሳያስ በቅርቡ በሱዳን ፕሬዚዳንት አማካይነት ለጠቅላይ ሚኒስትር ኃይለ ማርያም ደሳለኝ የዕርቅ ሐሳብ የያዘ ደብዳቤ መላካቸውን አንዳንድ ሚዲያዎች ዲፕሎማቶችን ዋቢ በማድረግ የዘገቡ ሲሆን፣ ፕሬዚዳንቱ ግን የዕርቅ ጥያቄው ከኢትዮጵያ መንግሥት የሚቀርብ መሆኑን፣ እሱም ቢሆን እውነትነት እንደሌለው ነው በዚሁ ቃለ ምልልሳቸው የተናገሩት፡፡
ጠቅላይ ሚኒስትር ኃይለ ማርያም ደሳለኝ ባለፈው ሰኞ ለጋዜጠኞች በሰጡት መግለጫ፣ በፕሬዚዳንት ኢሳያስ ቃለ ምልልስ ላይ አስተያየት የሰጡ ሲሆን፣ የተባለው ከእሳቸው የማይጠበቅ መሆኑንና በፕሬዚዳንት ኢሳያስ የሚመራው መንግሥት አስመራ እስካለ ድረስ ምንም አዲስ ነገር እንደማይጠብቁ ተናግረዋል፡፡
ፕሬዚዳንት ኢሳያስ አፈወርቂ በአሁኑ ንግግራቸው በመስከረም ወር አካባቢ የሰጡትን ቃለ ምልልስ ሙልጭ አድርገው የካዱት ይመስላሉ፡፡ ኤርትራ ውስጥ ያለው የልማት እንቅስቃሴና ሌሎች የመንግሥት አውታሮች በተለይ በኤሌክትሪክ ኃይል ዕጦት ምክንያት መቆሙን፣ እንዲሁም የአሰብ ወደብ ምንም ጥቅም እየሰጠ እንዳልሆነ ጠቅሰው፣ ከኢትዮጵያ የኤሌክትሪክ ኃይል ለመግዛት፣ ወደቡም ዓለም አቀፍ ደረጃውን በጠበቀ ሁኔታ በማዘጋጀው ለኢትዮጵያ የማቅረብ ዕቅድ እንዳላቸው ተናግረው ነበር፡፡ 
ይህም በሁለቱም አገሮች መካከል ለሚዲያ ይፋ ያልሆነ የዕርቅ ጥረት ስለመኖሩ፣ እንዲሁም እንደ አምባሳደር ኸርማን ኮኸን የመሳሰሉ ሰዎች ፕሬዚዳንቱ ዕርቅ ማድረግ ይፈልጋሉ የሚል አመለካከት እንዲኖራቸው ሳያደርግ አልቀረም፡፡ የአሁኑ የኢሳያስ አስተያየት ግን የዚህ ተቃራኒ ነው፡፡    
በአሁኑ ንግግራቸው ግን የኤሌክትሪክ ኃይል ከኢትዮጵያ በመግዛት ላይ ከምትገኘው ከሱዳን እንገዛለን ብለዋል፡፡ ይህ የብዙ ኢትዮጵያዊያንን ቀልብ የሳበ ቢሆንም፤ ምን ማለት እንደሆነ ለብዙዎች ጥያቄ ሆኗል፡፡ ቀደም ሲል በጂቡቲ በኩል ወደ ኤርትራ በሚገቡ የቡናና የጤፍ ምርቶች ምክንያት ኤርትራ በዓለም አቀፍ ደረጃ ካሉ ቡና አቅራቢዎች ግንባር ቀደም አድርጓት እንደነበር አንዳንዶች ያስታውሳሉ፡፡
ፕሬዚዳንት ኢሳያስ ከአገር ውስጥ ጉዳዮች በተጨማሪ በምሥራቅ አፍሪካ ፖለቲካ እ.ኤ.አ. በ2014 ምን ዕቅድ እንዳላቸው ጥያቄ የቀረበላቸው ሲሆን፣ ‹‹አሁን አላወራውም እንጂ በክልሉ ጉዳዮች ቀጥተኛ ተሳታፊ ለመሆን ዕቅድ አለን፤›› ብለዋል፡፡ በአካባቢው እየመጣ ያለው ለውጥ የኤርትራን ቀጥተኛ ተሳታፊነት እንደሚጠይቅ የገለጹት ኢሳያስ፣ በአካባቢው ፖለቲካዊ ጉዳዮች ከዚህ በፊት በተለየ ሁኔታ ለለውጦች ምላሽ መስጠት ሳይሆን፣ ቀድሞ ዕርምጃ በመውሰድ የለውጡ አካል ለመሆን የኤርትራ መንግሥት ዝግጅቱን አጠናቋል ብለዋል፡፡ የፕሬዚዳንቱ ንግግር ወዴት እንደሚያመራ ግን አመላካች የለም፡፡ ከዚህ በፊት ጎረቤት አገሮችን በመውረርና በመተንኮስ እንዲሁም በሶማሊያ ጣልቃ በመግባት የሚታወቁት ፕሬዚዳንት ኢሳያስ በተያዘው አዲሱ የአውሮፓውያን ዓመት ግን ሊገልጹ ያልፈለጉት ጉዳይ እንዳለ ጠቁመዋል፡፡ 

http://ethiopianreporter.com/index.php/politics/item/5038-%E2%80%B9%E2%80%B9%E1%8A%A8%E1%8A%A2%E1%89%B5%E1%8B%AE%E1%8C%B5%E1%8B%AB-%E1%8C%8B%E1%88%AD-%E1%88%98%E1%89%B3%E1%88%A8%E1%89%85-%E1%88%B5%E1%88%88%E1%88%9A%E1%89%A3%E1%88%88%E1%8B%8D-%E1%89%A3%E1%88%8D%E1%88%B0%E1%88%9B%E1%8B%8D%E1%8A%93-%E1%89%A3%E1%88%8B%E1%88%B5%E1%89%A0%E1%8B%8D-%E1%8A%A5%E1%88%98%E1%88%AD%E1%8C%A3%E1%88%88%E1%88%81%E2%80%BA%E2%80%BA-%E1%8D%95%E1%88%AC%E1%8B%9A%E1%8B%B3%E1%8A%95%E1%89%B5-%E1%8A%A2%E1%88%B3%E1%8B%AB%E1%88%B5-%E1%8A%A0%E1%8D%88%E1%8B%88%E1%88%AD%E1%89%82

የግብፅ ሚኒስትር የግድቡ ግንባታ እንዲቆም በመጠየቃቸው ውይይቱ ተቋረጠ



የግብፅ የውኃና መስኖ ሚኒስትር መሐመድ አብዱል ሙታሊብ ከኢትዮጵያ አቻቸው ጋር የሁለትዮሽ ውይይት ለማድረግ በጠየቁት መሠረት ባለፈው ሰኞ አዲስ አበባ ቢገቡም፣ የታላቁ ህዳሴ ግድብ ግንባታ እንዲቆም በመጠየቃቸው ውይይቱ በሰዓታት ውስጥ ተቋረጠ፡፡
የግብፅ ሚኒስትር ከኢትዮጵያ አቻቸው አቶ አለማየሁ ተገኑና ከባልደረቦቻቸው፣ እንዲሁም ከውጭ ጉዳይ ሚኒስቴር ከተወከሉ ባለሙያዎች ጋር ባለፈው ሰኞ መገናኘታቸውን ለማወቅ ተችሏል፡፡
በታላቁ የኢትዮጵያ ህዳሴ ግድብና ተያያዥ የፖለቲካ ጉዳዮች ላይ የመንግሥት ኮሙዩኒኬሽን ጉዳዮች ጽሕፈት ቤት ከጋዜጠኞች ጋር ለመወያየት ባዘጋጀው መድረክ ላይ የተገኙት አቶ አለማየሁ ተገኑ፣ የግብፅ አቻቸው ሁለት አጀንዳዎችን ይዘው መቅረባቸውን ተናግረዋል፡፡
የግብፅ ሚኒስትር በስልክ ደውለው ወደ አዲስ አበባ ለመምጣትና ለመወያየት ባቀረቡት ጥያቄ መሠረት መገኘታቸውንና ይዘው የመጡዋቸው አጀንዳዎችም ከዚህ ቀደም ተቀባይነት ሊያገኝ ያልቻለውን የዓለም አቀፍ ባለሙያዎች ቡድን ተጨማሪ ጥናት እንዲያከናውን የሚጠይቅ፣ እንዲሁም በግንባታው ላይ መተማመንን ማጐልበት የሚሉ ጉዳዮች መሆናቸውን ጠቁመዋል፡፡
የዓለም አቀፍ ባለሙያዎች ቡድንን በተመለከተ ኢትዮጵያና ሱዳን እንደማይቀበሉት ከዚህ ቀደም መገለጹንና አሁንም ይህንን አቋም በድጋሚ እንዲገነዘቡት መደረጉን አቶ አለማየሁ አስረድተዋል፡፡
በግድቡ ግንባታ ላይ መተማመንን ማጐልበት በሚል በግብፅ በኩል በቀረበው ሐሳብ ውስጥ የቀድሞው የግብፅ የውኃ መጠን እንደማይቀንስ ኢትዮጵያ እንድታረጋግጥ የሚጠይቅ መሆኑን ሪፖርተር ያገኛቸው መረጃዎች ያመለክታሉ፡፡ ይህንን በተመለከተ በሰኞው ስብሰባ የግብፁ ሚኒስትር በድጋሚ አንስተው ኢትዮጵያ እንደማትቀበለው ግልጽ እንደተደረገላቸው አቶ አለማየሁ በውይይት መድረኩ ላይ ለተገኙ ጋዜጠኞች ገልጸዋል፡፡
ይህንን የኢትዮጵያ አቋመ ጽኑነት የተረዱት የግብፅ የውኃ ሀብት ሚኒስትር ዓለም አቀፍ ውይይቱን ለመቀጠልና ከሦስቱ አገሮች በሚወከሉ ባለሙያዎች የቀድሞዎቹ ባለሙያዎች ያቀረቧቸው ምክረ ሐሳቦች ተግባራዊ እንዲደረጉ፣ የግድቡ ግንባታ ይቁም ብለው መጠየቃቸውን አቶ አለማየሁ አስረድተዋል፡፡
‹‹ያነሷቸው ጥያቄዎች በጭራሽ በኢትዮጵያ በኩል ተቀባይነት እንደማይኖራቸውና የግድቡ ግንባታም ለሰከንዶች እንደማይቆም ካስረዳናቸው በኋላ ምሳ ጋብዘናቸው በሦስት ሰዓታት ውስጥ ተለያይተናል፤›› ሲሉ አቶ አለማየሁ ገልጸዋል፡፡
በዚህ ውይይት ላይ ግብፆች በዓባይ ወንዝ ፖለቲካና በግድቡ ላይ እየፈጠሩ ያለውን ጫና በተመለከተ ከጋዜጠኞች ለተሰነዘሩ ጥያቄዎች በሰጡት ምላሽ፣ ከሁለት ዓመታት በፊት ግንባታው ሊጀመር ለነበረው የጨሞጋ የዳ የኃይል ማመንጫ ግድብ ቻይና የፈቀደችውን ብድር ግብፆች ማስከልከላቸውን ሚኒስትሩ ገልጸዋል፡፡
በመቀጠልም የህዳሴው ግድብ ከተጠናቀቀ በኋላ ለኃይል ማስተላለፊያ ፕሮጀክት የሚውል 1.2 ቢሊዮን ዶላር ብድር ለኢትዮጵያ በቅርቡ በቻይና መንግሥት መፈቀዱን ተከትሎ፣ ተጨማሪ ጫና በማድረግ ግብፆች ብድሩ እንዳይለቀቅ ጥረት ቢያደርጉም ሳይሳካ መቅረቱን ተናግረዋል፡፡ ‹‹ግብፆች ጩኸታቸውንና በር ማንኳኳታቸውን ይቀጥሉ፡፡ እኛ ሥራችንን እንቀጥላለን፤›› ሲሉ ሚኒስትሩ የሚደረገውን ጥረት ውጤት አልባነት ገልጸዋል፡፡
አሁን በመገንባት ላይ የሚገኘው የጊቤ ሦስት ኃይል ማመንጫ ፕሮጀክት የብድር ጥያቄ ለአፍሪካ ልማት ባንክና ለዓለም ባንክ ቀርቦ እንደነበር፣ ነገር ግን በተለያዩ አካላት ተፅዕኖ ባንኮቹ ውሳኔ መስጠት መቸገራቸውን ሚኒስትሩ አስታውሰዋል፡፡ ይህ መጓተትና የተፅዕኖው መብዛት ምክንያቱ የገባቸው የቀድሞው ጠቅላይ ሚኒስትር መለስ ዜናዊ የብድር ጥያቄው እንዲቋረጥ አድርገው፣ በአገሪቱ አቅም እንዲገነባ መወሰናቸው ተፅዕኖ ለመፍጠር የሞከሩትን ወገኖች እንዳሸበረ ገልጸዋል፡፡ ይህንን ሁኔታ በማስታወስም ‹‹የህዳሴውን ግድብ ጠላቶች መምታት የሚቻለው በራሳችን አቅም ላይ ስንተማመንና ስንተባበር ነው፤›› ብለዋል፡፡
የግድቡ ግንባታ በግብፅ ላይ የሚፈጥረው ጉዳት የለም ወይ በሚል ለቀረቡ ጥያቄዎች ምላሽ የሰጡት በውኃ መስኖና ኢነርጂ ሚኒስቴር የወሰንና ወሰን ተሻጋሪ ወንዞች ዳይሬክቶሬት ዳይሬክተር አቶ ፈቅአህመድ ነጋሽ፣ ‹‹ጉዳት አለው›› ብለዋል፡፡ ‹‹ዋናው ነገር ጉዳቱ ጉልህ ነው አይደለም የሚለው ነው መመለስ ያለበት፤›› የሚሉት አቶ ፈቅአህመድ፣ የአስዋን ግድብ አሁን ከ200 ሜጋ ዋት በላይ እንደሚያመነጭና የህዳሴው ግድብ እውን ሲሆን ግን በስድስት በመቶ ሊቀንስ እንደሚችል፣ ይህ ማለት ደግሞ ጉልህ ጉዳት እንዳልሆነ አስረድተዋል፡፡