Monday, June 10, 2013

አዲስ አበባ ረክሳለች! ለጋ ህጻናትን ለባለስልጣናትና ባለሃብቶች ማቅረብ “ትርፋማ” ሆኗል


kids for sale


ትውልድ አምካኝ ቤቶችን፣ ትውልድ አምካኝ ደላሎችን፣ በህጻናት የወሲብ ንግድ ገንዘብ የሚሰበስቡትን፣ ማጥፋት ቀላል ነው። ግን ተጠቃሚዎቹ ህግ አስከባሪዎቹ፣ ህግ አወጪዎቹና ዋናዎቹ “የአገሪቱ ህዳሴ ባለቤቶች” የሚባሉት በመሆናቸው አይታሰብም። አንዳንድ ዝግ ቤቶች በሲቪል ጠባቂዎች የሚጠበቁ ናቸው። አንዳንዴ ቤተመንግስቱንና ሟቹን የቤተመንግስት ነዋሪ ይጠብቁ የነበሩት በፈረቃ ይታደሙባቸዋል።
ሃኪሞች፣ የህግ ባለሙያዎች፣ አገር የሚመሩት፣ ህግ የሚያስከብሩት፣ የመከላከያ ከፍተኛ መኮንኖች፣ አውራ ባለስልጣናት፣ ህዝብ ፊት ቀርበው በልማት ስም የሚምሉት ሃብታም ተብዬዎች፣ የፖሊስ የበላይ አመራሮች፣ የስለላ አውራ ሰዎች፣ አጫፋሪዎች፣ የአቻ ፓርቲ አመራሮችና መካከል ጥቂት የማይባሉ ከዳር እስከዳር መመሸጊያቸው ዝግ ቤቶች ናቸው። አንዳንዴም ከዝግ ቤቶች ፍራሽ ላይ ሆነው የፖለቲካ መመሪያ የሚሰጥበት አጋጣሚ አለ። ይህን አስደንጋጭ እውነት “መርከስ” ነው። አዲስ አበባ ይፋ አደረገችው እንጂ በየክልሉ ከተሞች የሚደረገው ተመሳሳይ ነው።
የሺሻና የጫት በጀት የሚመድቡ ባለስልጣናት አሉ። አስቤዛ ሲደረግ “ሙአሰል” ከህጻናት ዳይፐርና የዱቄት ወተት እኩል የሚመድቡ አሉ። ህጻናትን በመመልመል ሳውና በማስገባት፣ በማሰልጠን፣ ዘመናዊ ልብስ በማልበስ ለገበያ የሚያቀርቡ ብዙ ናቸው። እገሌ ለሚባል አየር መንገድ አስተናጋጅ እንቀጥራለን በሚል ታዳጊዎችን እያንጋጉ በወሲብ የሚነዱና የሚያነዱ ይህን ተግባራቸውን የሚፈጽሙት ማስታወቂያ እያስነገሩ ነው።

ግብረሰዶም የሚያስፋፉ በየሆቴሉ ድሆችን በማደን ማበላሸት ከጀመሩ ቆይተዋል። አሁን አሁን በየጎዳናው ታዳጊዎችን በማታለል ህሊና የሚያስት ኬሚካልና እጽ በመጠቀም ህሊናቸውንና አካላቸውን መስበር ተለምዷል። ከሁሉም በላይ የሚያሳዝነው በዚህ የግብረሰዶም ወረራ ውስጥ ተጠቃሚ በመሆን ወንድሞቻቸውን የሚደልሉ መበራከታቸው ነው።
ህጻናትን ለወሲብ የሚያቀርቡ ነፍሰ በላዎች ኢኮኖሚያቸው አድጎ ባለ ዘመናዊ መኪናና ህንጻ መሆናቸው ነው። አዲስ አበባ ባሉ ዝግ ቤቶች ወሲብንና ግብረ ሰዶምን የሚያሻቅጡ ህሊና ቢሶች ጉዳይ ያሳሰበው ቀጭኑ ዘ-ቄራ የሚባለው የአዲስ አበባው አምደኛችን ከወራት በፊት “የሚዘጋባቸው ህጻናት” በሚል ርዕስ የጉዳዩን አሳሳቢነት ጠቁሞ ነበር። (ዕድሜ ለኢንሳና አፈናው ብዕሩ ማዕቀብ ተደርጎበት በተከታታይ ጽሁፎችን ሳያስነብብ ቢቆይም እንዲሁ እንደጠፋ ግን አይቀርም፡፡)
የከበረውን ትዳራቸውንና ያብራካቸውን ፍሬዎች ቤት ጥለው፤ ባይወልዷቸውም ልጆቻቸው ከሚሆኑት ጋር የሚዳሩትና፣ የውሽሞች ቀን እያከበሩ አረቄ የሚራጩት ሃብታሞች ጠለቅ ያለ ምርመራ ቢደረግባቸው እስከ ዱባይ የዘለቀው የግፍ ገመናቸው ይገለጥ ነበር። ዳሩ የወንጀሉ ዋና ተባባሪዎች ተቆጣጣሪዎቹና ህግ አስከባሪዎቹ በመሆናቸው አስቀድሞ እንደተባለው አይታሰብም።
አዲስ አበባ መርከሷን ጥር 11 ቀን 2013 በአዲስ አበባ አስተዳደር ይፋ የተደረገው ጥናት፤ የቀንና የማታ ጭፈራ ቤቶችን፣ የእርቃን ዳንስ ቤቶችን፣ የማሳጅ፣ የቪዲዮ፣ የአደንዛዥ ዕጽ መጠቀሚያ፣ የግብረሰዶማውያን ማዘውተሪያ ቤቶችንና የመኪና ላይ ወሲብ መፈፀሚያና ጫት መቃሚያ ቦታዎችን በሚገባ በመቃኘት ተሰብስቦ በተሰራው ጥናት መረጋገጡን መረጃውን ይፋ ባደረገው አዲስ አድማስ ጋዜጣ በኩል ሰምተናል። ዘገባው ትኩረት የሚያሻውና በሚሊዮን በሚቆጠሩት ታዳጊዎች ህይወት ላይ ያነጣጠረ ስለሆነ እንዳለ አትመነዋል።

ግብረሰዶም ከሚገመተው በላይ በከፍተኛ መጠን እየተስፋፋ ነው፣ አብዛኞቹ የከተማዋ ማሳጅ ቤቶች የወሲብ ንግድ እንደሚያጧጡፉ ታውቋል፣ ከ3600 በላይ ህገወጥ ልማዶችና የወሲብ ድርጊቶች የሚፈፀምባቸው ቤቶች አሉ፣ ከፍተኛ የመንግስት ባለስልጣናት፣ ፖሊሶችና ነጋዴዎች የአነቃቂ እፆች ተጠቃሚ ናቸው፣ በእርቃን ጭፈራ ቤቶች ደጃፍ ከሚቆሙ መኪኖች አብዛኛዎቹ የመንግስትና የንግድ ታርጋ የለጠፉ ናቸው፡፡
በአዲስ አበባ ህገወጥ ተግባራት የሚከናወኑባቸው ቤቶች በከፍተኛ መጠን እየጨመሩ መምጣታቸውንና ከተማዋ አደጋ ላይ እንደሆነች ሰሞኑን ይፋ የተደረገ ጥናት አረጋገጠ፡፡
በአዲስ አበባ ከተማ አስተዳደር በትናንትናው ዕለት ይፋ የተደረገው ጥናት “መጤ ባህሎችና ልማዳዊ ድርጊቶች በአዲስ አበባ ከተማ ነዋሪዎች በተለይም በወጣቶችና ሴቶች ላይ እያስከተሉት ያለው አሉታዊ ተጽእኖ” በሚል ርዕስ የተካሄደ ሲሆን ከ3600 በላይ ህገወጥ የወሲብ ድርጊት የሚፈፀምባቸው ቤቶች እንዳሉ ጠቁሟል፡፡
ወደ 3 ሚሊዮን ከሚጠጋው የአዲስ አበባ ከተማ ነዋሪ ህዝብ ውስጥ 52.4 በመቶ የሚሆኑት ሴቶች ሲሆኑ ከአንድ ሚሊዮን በላይ የሚሆኑት ደግሞ ወጣቶች እንደሆኑ ያመለከተው ጥናቱ፣ አብዛኞቹ ሴቶችና ወጣቶች ላልተገቡ መጤ ባህሎችና ልማዳዊ ድርጊቶች እየተጋለጡ እንደሆነ ጠቁሟል፡፡ የከተማዋ ሴቶችና ወጣቶች ለሱስ አስያዥ እፆችና ለአልኮል መጠጦች እንዲሁም ለመጤ ባህል ወረርሽኞች ተጋላጭ ሆነዋልም ብሏል፡፡
ለዚህ እንደዋና ምክንያትነት የቀረበው በከተማዋ የቀንና የሌሊት ጭፈራ ቤቶች፣ የራቁት ዳንስ ቤቶች፣ የግብረሰዶም ወሲብ መፈፀሚያ ቦታዎች፣ የሺሻና የጫት ቤቶች፣ የቁማር ቤትና ህገወጥ የቪዲዮ ቤቶች ቁጥር በከፍተኛ መጠን እያደገ መምጣቱ እንደሆነ ተጠቁሟል፡፡
(ምስል: አዲስ አድማስ)
በአሥሩም ክፍለ ከተሞች በሚገኙ የፖሊስ መምሪያዎች የተሰበሰበ መረጃ እንዳመለከተው፣ 3691 ቤቶች ለእነዚሁ ተግባራት ተከፍተው በከተማዋ ውስጥ አገልግሎት እየሰጡ ይገኛሉ፡፡
በእነዚህ ቤቶች መበራከትና በስፋት መሰራጨት ሳቢያም በርካታ ወጣቶች ለወንጀል ተግባራት፣ ለአደገኛ እፆች ሱሰኝነት፣ ለዝርፊያ፣ ለስደት ለጐዳና ተዳዳሪነት፣ ለኤችአይቪና ተያያዥ በሽታዎች እንዲሁም ላልተፈለገ እርግዝና ተዳርገዋል፡፡
ትናንት ይፋ የተደረገው ጥናት፤ የቀንና የማታ ጭፈራ ቤቶችን፣ የእርቃን ዳንስ ቤቶችን፣ የማሳጅ፣ የቪዲዮ፣ የአደንዛዥ ዕጽ መጠቀሚያ፣ የግብረሰዶማውያን ማዘውተሪያ ቤቶችንና የመኪና ላይ ወሲብ መፈፀሚያና ጫት መቃሚያ ቦታዎችን በሚገባ በመቃኘት በተሰበሰበ መረጃ የተሰራ መሆኑም ተገልጿል፡፡
የጥናቱ መረጃ እንደሚያመለክተው፤ የተመሳሳይ ፆታ የወሲብ ግንኙነት ማንኛውም የከተማዋ ነዋሪ ከሚገምተውና ከሚያስበው እጅግ በበለጠ መልኩ ተስፋፍቷል፡፡ በአሁኑ ወቅት ድርጊቱ እየተስፋፋ በማህበረሰቡ ላይ የስነልቡና፣ የማህበራዊ ግንኙነት፣ የትምህርት ማቋረጥና፣ የጤና ችግር እያስከተለ ነው ተብሏል፡፡
ዕድሜያቸው ከ15 ዓመት በታች የሆኑ ህፃናት፣ የ2ኛ ደረጃና የከፍተኛ ተቋማት ተማሪዎች፣ በወሲብ ንግድ ሥራ ላይ የተሰማሩ ሰዎች፣ እንዲሁም በማረሚያ ቤት የሚገኙ የህግ ታራሚዎች የችግሩ ከፍተኛ ተጠቂዎች እንደሆኑ ጥናቱ አመልክቷል፡፡ ከተመሳሳይ ፆታ ጋር በመሄድ በወሲብ ንግድ ሥራ የሚተዳደሩ ሰዎች ቁጥርም እየተበራከተ መሆኑንና ድርጊቱ በሚያስደነግጥ ፍጥነት እየተስፋፋ እንደሆነ ታውቋል፡፡
አዲስ አበባ የጭፈራ ቤቶችና የራቁት ዳንስ ቤቶች ከቀን ወደቀን እየጨመረ የሚሄድባት ከተማ መሆኗን የጠቆመው ጥናቱ፤ በተለይ ከማህበረሰቡ ወግና የአኗኗር ዘይቤ የወጡ፣ ግለሰባዊ ክብርን የሚፈታተኑ፤ የኢትዮጵያዊነት እሴቶችን የሚያጠፉ የእርቃን ጭፈራ ቤቶች እየተስፋፉ መምጣታቸውን አመልክቷል፡፡
በእነዚህ የእርቃን ዳንስ ቤቶች በራፍ ላይ ከሚቆሙ መኪናዎች ውስጥ አብዛኛዎቹ የመንግስት ታርጋ የለጠፉ መሆናቸውን ይፋ ያደረገው ጥናቱ፤ የግልና የንግድ ታርጋዎችን የለጠፉ መኪኖች በብዛት እንደሚታዩና የተወሰኑ የዲፕሎማትና የእርዳታ ድርጅቶች መኪኖችም እንደሚገኙበት ጠቁሟል፡፡
ከእርቃን ዳንስ ቤቶች ጠባቂዎችና ከእርቃን ደናሾቹ ጋር በተደረገ ኢ-መደባዊ ውይይት በቦታው መጥተው የሚገለገሉም ሆነ በየቤታቸው በግል በማስጠራት አገልግሎት ከሚያገኙት ደንበኞች መካከል የተለያዩ የመንግስት የሥራ ኃላፊዎች፣ ታዋቂ ግለሰቦች፣ የመንግስት ሠራተኞች፣ የውጭ ዲፕሎማቶችና በንግድ ሥራ ላይ የተሰማሩ ግለሰቦች እንደሚገኙበት የጥናቱ መረጃ ይፋ አድርጓል፡፡
የእርቃን ደናሾቹ ወርሃዊ ገቢ የተለያዩ ጥቅማጥቅሞችን ሳይጨምር ከ3ሺ-14ሺ ብር እንደሚደርስ የሚጠቁመው ጥናቱ፤ ለዚህ ሥራ የሚመለመሉት ወጣት ሴቶች የኢኮኖሚ አቅማቸው ዝቅ ያለ፤ መልካም የሰውነት አቋም ያላቸው፤ የኮሌጅና የዩኒቨርሲቲ ተማሪዎችና ከሞዴሊንግ ማሰልጠኛ ተቋማት የሚመረቁ ወጣቶች እንደሆኑም ያመለክታል፡፡
በአሁኑ ወቅት ወሲብና ወሲብ ነክ ጉዳዮች የሚፈፀሙባቸው ማሳጅ (መታሻ) ቤቶችን መጠቀም እየተለመደ መምጣቱን ይፋ ያደረገው መረጃው፤ ከመታሻ ቤቶቹ አብዛኛዎቹ ደረጃቸውን በጠበቁ ትላልቅ የመኖሪያ ቤቶችና በትላልቅ የንግድ ህንፃዎች ላይ እንደሚገኙና የ24 ሰዓት አገልግሎት የሚሰጡ እንደሆኑ ጠቁሟል፡፡ በእነዚህ ቤቶች በሚሰጠው የመታሸት አገልግሎት ሥር በተለየ ሁኔታ ለምርጫ የሚቀርቡት ድርጊቶች ህብረተሰቡን ከባህልና ሥነምግባር ውጪ ለሆነ ባህርያት እየዳረጉት እንደሆነና የማሳጅ አገልግሎት መስጫ ቤቶቹም ከቀን ወደ ቀን ቁጥራቸው እየጨመረ መሄዱ በጥናቱ ላይ ተጠቁሟል፡፡
የጥናቱ አዲስ ግኝት ሆኖ የተገለፀው ሌላው ጉዳይ በመኪና ውስጥ የሚፈፀሙ ጫት የመቃምና የወሲብ ድርጊቶች መስፋፋት ነው፡፡ በከተማዋ የተለያዩ አካባቢዎች በተለይም በቦሌ በሚገኙ ትላልቅ ህንፃዎች፣ ባሮችና ሬስቶራንቶች ሥር፣ በመንገዶች ግራና ቀኝ እንዲሁም በመኪና ማቆሚያ ቦታዎች ላይ በመኪና ውስጥ በተናጥል እና በጥንድ በመሆን ጫት መቃም፣ ወሲብ መፈፀምና ሌሎች ያልተገቡ ተግባራትን መከወን በስፋት እየታየ መሆኑን ጥናቱ ያመለክታል፡፡
ይሄም ተግባር ከተማዋን እጅግ አደገኛ ወደሆነ አደጋ ውስጥ እየከተታት እንደሆነ የጠቆመው ጥናቱ፤ በአገሪቱ የሬዲዮ ፕሮግራሞች በቀጥታ የሚተላለፉ ፕሮግራሞች ለእንዲህ ያሉት ድርጊቶች ከፍተኛ ድርሻ እንዳላቸው ገልጿል፡፡
በሬዲዮ የሚቀርቡና በወሲብ ዙሪያ የሚያጠነጥኑ የቀጥታ ውይይት ስርጭቶች ከአስተማሪነታቸው ይልቅ ወጣቶችንና ህፃናትን ለወሲብ ተግባር የሚገፋፉና ያዳመጡትን በተግባር ላይ ለማዋል ከቤት ወይም ከጐረቤት ጀምረው ወደሴተኛ አዳሪዎች እስከመሄድ እያደረሳቸው እንደሆነ የጥናቱ ውጤት ይፋ አድርጓል፡፡
ሱስ አስያዥ እፆችን መጠቀም፣ ሀሺሽ፣ ሺሻ፣ ሄሮይን እና የአልኮል መጠጦች ለዚህ ተግባር ሰፊ ድርሻ እንዳላቸው የጠቆመው መረጃው፤ ዕድሜያቸው ከ25-30 አልፎ አልፎም በአስራዎቹ ዕድሜ ክልል ውስጥ የሚገኙ ህፃናት የማሪዋና ወይንም የካናቢስ ተጠቃሚዎች እየሆኑ መምጣታቸውን ገልጿል፡፡
በመረጃው መሠረት፤ በተለያየ የመንግስት ኃላፊነት ላይ የሚገኙ ግለሰቦች፣ በማህበረሰቡ ውስጥ ከፍተኛ ማህበራዊ ደረጃ የሚሰጣቸው ግለሰቦችና በኢኮኖሚው ዘርፍ ትልቅ አስተዋጽኦ ሊያበረክቱ የሚችሉ ባለሙያዎችና የንግድ ሰዎች በዚህ መጤና ያልተገባ ልማድ በከፍተኛ ሁኔታ ተጠቂ ሆነዋል፡፡
የእነዚህ ግለሰቦች በዚህ ያልተገባ ተግባር መጠመድ አርአያ ሊሆኑለት ለሚገባው ህብረተሰብ የሚያስተላልፈው አፍራሽ መልዕክት ከፍተኛ ነው ያለው ጥናቱ፤ በአገሪቱ እድገትና የልማት እንቅስቃሴ ላይ ከፍተኛ የዝቅጠት አደጋ እያደረሰ መሆኑን አመልክቷል፡፡
ለህገወጥ ተግባራቱ መስፋፋት በአገሪቱ ያለው ህግ እርስ በርሱ የሚጣረስ መሆኑን ጥናቱ እንደምክንያት አቅርቧል፡፡ “መንግስት በአንድ በኩል ለቪዲዮ ቤቶች ፍቃድ ይሰጣል፤ በሌላ በኩል ደግሞ ጐጂነቱን ያወራል፤ በየጊዜው ሺሻ ቤቶችን የማጥፋት ዘመቻ ያካሂዳል፣ ሺሻ ማጨሻውን እየሰበሰበ ያቃጥላል፤ ነገር ግን ይህንን ሥራ የሚከለክልና የሚቀጣ ህግ ስለሌለ ዕቃውን መልሰው በመግዛት ሥራውን ይጀምራሉ፡፡” ያለው የጥናቱ ሪፖርት፤ ከዚህ በተጨማሪም አገልግሎት ሰጪ ተቋማት ፈቃድ ባገኙበት የሥራ ዘርፍ ስለመሰማራታቸው የሚከታተልና ከመስመር ሲወጡም የሚቀጣ የህግ አግባብ አለመኖሩ ለህገወጥ ተግባራቱ መስፋፋት ምክንያት ሆኗል ተብሏል፡፡

የአባይ ኢትዮ-ግብጽ ጦርነት ወይንስ የነፃነት ትግላችን!

(ግርማ ሞገስ)
nile_basin_countries

አምባገነኖች ስልጣናቸውን ለማጠባበቅ አጋጣሚውን ሁሉ ይጠቀማሉ። ሰሞኑን የአባይን ግድብ አስታከው አምባገነኖቹ ህውሃት/ኢህአዴግ እና የግብጽ መንግስት መምታት የጀመሩት የጦርነት ከበሮም ከዚህ የተለየ አይደለም። የህዝባቸውን ብሄራዊ ክብር ስሜት ተቆጣጥረው የዲሞክራሲ ኃይሎችን ለማዳከም እና ስልጣናቸውን ለመጠጋገን የሚያደርጉት ድራማ ነው። ኢትዮ-ግብጽ ጦርነት አይቀሬ አይደለም። የግብጽ ዴሞክራሲ ኃይሎች ወደ ጦርነት አይሄዱም። የኢትዮጵያ ሰላማዊ ትግል ወታደር አይኑን ከነፃነት ትግሉ መንቀል የለበትም።
የአባይ ወንዝ የሚጓዝበትን ሽምጥ ሸለቋማ ክፍል የአዲሱ ግድብ አካል ቢደረግ ግድቡ ሰፊ ቦታ እንዳይዝ፣ ውሃው ለጸሐይ ብዙ ተጋልጦ እንዳይተን እና መጠኑ እንዳይቀንስ ይረዳል። የግድብ ግንባታ ወጪም ይቀንሳል። ይኽን ተፈጻሚ ለማድረግ ደግሞ የአባይን ወንዝ ለጊዜው አቅጣጫውን ማስቀየር ያስፈልጋል። ይኽ የግድብ ግንባታ ምህንድስና ሀ ሁ ነው። በዚህ እርምጃም የመጀመሪያዋ ተጠቃሚ ግብጽ እንጂ ኢትዮጵያ አይደለችም። ይኼን ሃቅ የግብጽ መሃንዲሶች ያውቁታል። አክራሪው የሞርሲ መንግስት ሳይቀር በልቦናው ያውቀዋል። ግብጽ የምትጠቀመው ከኢትዮጵያ ጋር ከመወዳጀት እንጂ ጸበኛ በመሆን እንዳልሆነ አለም ያውቀዋል። በቅርብ አልባራዳይ በአደባባይ ወጥቶ የግብጽ መንግስት ኢትዮጵያን ይቅርታ ሊጠይቅ ይገባል ያለውም ለዚኽ ነው። ኢትዮ-ግብጽ ጦርነት የለም። የኢትዮጵያ የዴሞክራሲ ሰራዊት ከነፃነት ትግሉ መዘናጋት የለበትም።
የውሃው መጠንም አይቀንስም። ላብራራ። ከውሃ ኃይል (Energy) የኤሊክትሪክ ኃይል (Energy) ማመንጨት ቴክኖሎጂ ጥንታዊ በመሆኑ በሰፊው የሚታወቅ ጉዳይ ነው። ከአባይ ወንዝ ውሃ ኃይል (Energy) 5ሺ አራት መቶ ሜጋዋት ኤሊክትሪክ ኃይል (Energy) ማመንጨትም ውስብስብነት የለውም። ግብጽም ከአስዋን ግድብ የምታመነጨው 2 ሺ አንድ መቶ ሜጋዋትም የሚጠቀመው ዘዴ ተመሳሳይ ነው። በግድብ ሲሰበሰብ በውስጡ የታመቀ የውሃ ኃይል (Energy) ይገነባል። ውሃው ከግድቡ ሲለቀቅ ደግሞ አምቆት በነበረው ኃይል መዘውሮችን እየመታ የኤሌክትሪክ ኃይል ይሰጣል። መዘውሮችን የመታው ውሃ የት ሄደ? ወደ ሱዳን ከዚያ ወደ ግብጽ። የውሃው መጠን አይቀንስም። ይኼን ቴክኖሎጂ የግብጽ መሃንዲሶች እና ሳይንስትስቶች ያውቁታል። ይኽን ሃቅ የሙባረክን መንግስት በሰላማዊ ትግል ከስልጣን ካስወገዱ በኋላ በገፍ ኢትዮጵያን የጎበኙት የግብጽ ዴሞክራሲ ኃይሎችም ያውቁታል። ይኼን ቴክኖሎጂ የተባበሩት መንግስታት ያውቀዋል። የአፍሪካ ህብረት ያውቀዋል። የሞርሲ መንግስት እና የግብጽ አክራሪዎች ሁካታ መፍትሄው ዲፕሎማሲ ነው። ኢትዮ-ግብጽ ጦርነት የለም። የኢትዮጵያ ሰላማዊ ትግል ሰራዊት በህውሃት ጦርነት ድራማ መዘናጋት የለበትም። ለነፃነት የሚያደርገውን ትግል በጽናት አጠናክሮ መቀጠል አለበት።
ስለየትኛው ‘ውል’ ነው የምታወራው? ትምህርት የቀመሰው የኢትዮጵያ የዛሬ እና የነገ ትውልድ እንደማይቀበለው የግብጽ ፕሬዚዳንት ሳይቀር ልቦናው ያውቀዋል። የ‘ውሉ’ ሰነድ ይተጻፈው በኢንግሊዝ ሲሆን ግቡ የግብጽን እና የሱዳን ህዝብ እንዳይጠማ ማድረግ ሳይሆን በዚያን ዘመን በኢንግሊዝ አገር ተስፋፍቶ የነበረው የጨርቃ ጨርቅ ኢንዱስትሪ በጥጥ እጥረት እንዳይጠማ ማድረግ ነበር። እንግሊዝ በቅኝ ገዢነት በምታስተዳድራቸው ግብጽ እና ሱዳን ሰፊ የጥጥ እርሻ ነበራት። ቅኝ አገዛዝ ለዘላለም የሚኖር መስሏት የጥጥ እርሻዋ እንዳይጠማ የጻፈችው ሰነድ ነበር። የዛሬው አለም መሪ ነኝ ባይዋ  አሜሪካም ብትሆን የውሉን መናኛነት ታውቀዋለች። ሁለቱ በአፍሪካ ቁልፍ ሸሪኮቿ በአባይ ወንዝ የተነሳ ጦርነት እንዲሄዱ እና በአፍሪካ ቀንድ ሽብርተኛነት እንዲያገረሽ አትሻም አሜሪካ። ኢትዮ-ግብጽ ጦርነት የለም። የኢትዮጵያ ነፃነት ሰራዊት በህውሃት የጦርነት ከበሮ መታለል የለበትም።
ግርማ ሞገስ
የህውሃት/ኢህአዴግ መንግስት የህዝብ ድጋፍ እና ክብር ማግኘት ከፈለገ የጦርነት ከበሮ ከመምታት ፈንታ እሁድ ግንቦት 25 ቀን 2005 ዓመተ ምህረት ሰማያዊ ፓርቲ በጠራው ሰላማዊ ሰልፍ የተገኘው የኢትዮጵያ ዴሞክራሲ ኃይል ለጠየቃቸው ጥያቄዎች አዎንታዊ መልስ መስጠት አለበት። ዐርብ ዐርብ ሳያሰልሱ ከአንድ አመት በላይ መብታቸው እንዲከበር ለሚጠይቁት ሙስሊም ወንድሞቻችን እና እህቶቻችን አዎንታዊ መልስ መስጠት አለበት። በማን አልብኝነት የዘጋቸውን ፍኖተ ነፃነት፣ ፍትህ እና ሌሎች ጋዜጦች እንዲታተሙማድረግ አለበት። ከሬድዋን እና ሽመልስ ከማል ከመሳሰሉ ተራ አድርባዮች እራሱን ማጽዳት አለበት። ነፃ ምክር ነው!
የኢትዮ-ግብጽ ጦርነት አይቀሬ ነው ቢባል እንኳን የመለስ ዜናዊ ራዕይ ጠባቂው ህወሃት/ኢህአዴግ እምነት ተጥሎበት ጦርነቱን ብቻውን እንዲመራ መፈቀድ የለብንም። አድነት ፓርቲ፣ ሰማያዊ ፓርቲ፣ መኢአድ፣ የቀሩት የመድረክ አባል ድርጅቶች እና የቀድሞ ታዋቂ አገር ወዳድ የጦር መኮንኖች ከመንግስት ጋር በእኩልነት በጣምራ የሚመሩት የኢትዮ-ግብጽ ጦርነት ኮምሽን ማቋቋም የሚያስፈልግ ይመስለኛል። ህወሃት ተዓማኒ አይደለም።

Sunday, June 9, 2013

ESAT Weekly -. News June 9 2013 Ethiopia


የሳምንቱ አጫጭር ዜናዎች**

ኢትዮዽያውያን በየመን
በአመት 500ሺ የሚጠጉ ኢትዮጲያውያን አገራቸውን ጥለው ወደ አረብ አገራት እየተሰደዱ እንደሆነ አምባገነኑ መንግስት አመነ። ኢህአዴግ አገራችን አድጋለች ልማት ላይ ነች እያለ 24 ሰአት ቢለፈልፍም እውነታው እንደሚያስረዳው ወጣቱ በሃገሩ ውስጥ ለመኖርም ሆነ ለመስራት በርካታ ችግሮች ያለበት በመሆኑ ስደትን እንደ ዋንኛ መፍትሄ ይዞታል። በህጋዊ መንገድ ብቻ በቀን 1500 ኢትዮጲያዋያን እየተሰደዱ እንደሆነ በስደት ላይ የሚያተኩር ስብሰባ ላይ የተጠቆመ ሲሆን በደቡብ ኢትዮጲያ የሚገኙ ወላጆች ልጆቻቸውን ሲመርቁ “ደቡብ አፍሪካ ያስገባህ!” እንደሚሉም ተነስቶአል። በዚሁ ጉዳይ ላይ በገጠሩ ውስጥ የሚገኙ ወጣቶችም ሳይቀር ትምህርታቸውን እያቋረጡ ስደትን የመረጡ ሲሆን በገጠሩ ክፍል የወጣቶች ቁጥር እጅግ በሚያሰጋ መልኩ እየቀነሰ እንደሆነ ታውቋል። ወደ ውጪ ከሚካሄደው ስደት በተጨማሪ ወደ ከተሞች የሚተመው ወጣት ጉዳይ መላ ካልተባለ ወደፊት የእርሻ ስራዎችን የሚሰራ ሰው እጥረት አጋጥሞ የግብርና ምርት ውድቀት እንደሚከሰት እየተነገረ ነው።
———
በአባይ ጉዳይ ከግብጽ ጋር ግጭት ውስጥ የገባው አምባገነኑ ኢህአዴግ አጋጣሚውን በመጠቀም ሃገር ወዳድ ለመምሰል እየተሯሯጠ ይገኛል። ኤርትራን እያጨበጨበ ያስገነጠለው እና በኋላም ከሻቢያ ጋር በተደረገ ውጊያ በርካቶች የሞቱለትን ባድመን አሳልፎ የሰጠው አምባገነኑ ቡድን አሁን የሌ የጦርነት ከበሮ እየደለቀ ድጋፍ ለማግኘት እየጣረ ይገኛል። የሰው መብት እየተጣሰ፣ ህዝቦች በዘራቸው ምክንያት ለአመታት ከኖሩበት እየተፈናቀሉ ልማት ብላችሁ አትድረሱብን በሚል ከዲያስፖራው ሰሚ ያላገነው አምባገነኑ ኢህአዴግ ይችን ግጭት ተጠቅሞ ገንዘብ ለመሰብሰብ እየተዘጋጀ ነው። እንደሚታወቀው የግድቡን ሲሚንቶ የወያኔው መሰቦ ካለ ተወዳዳሪ እንዲያቀርብ እንደተደረገ ይታወቃል።
በአመት 500ሺ የሚጠጉ ኢትዮጲያውያን አገራቸውን ጥለው ወደ አረብ አገራት እየተሰደዱ እንደሆነ አምባገነኑ መንግስት አመነ። ኢህአዴግ አገራችን አድጋለች ልማት ላይ ነች እያለ 24 ሰአት ቢለፈልፍም እውነታው እንደሚያስረዳው ወጣቱ በሃገሩ ውስጥ ለመኖርም ሆነ ለመስራት በርካታ ችግሮች ያለበት በመሆኑ ስደትን እንደ ዋንኛ መፍትሄ ይዞታል። በህጋዊ መንገድ ብቻ በቀን 1500 ኢትዮጲያዋያን እየተሰደዱ እንደሆነ በስደት ላይ የሚያተኩር ስብሰባ ላይ የተጠቆመ ሲሆን በደቡብ ኢትዮጲያ የሚገኙ ወላጆች ልጆቻቸውን ሲመርቁ “ደቡብ አፍሪካ ያስገባህ!” እንደሚሉም ተነስቶአል። በዚሁ ጉዳይ ላይ በገጠሩ ውስጥ የሚገኙ ወጣቶችም ሳይቀር ትምህርታቸውን እያቋረጡ ስደትን የመረጡ ሲሆን በገጠሩ ክፍል የወጣቶች ቁጥር እጅግ በሚያሰጋ መልኩ እየቀነሰ እንደሆነ ታውቋል። ወደ ውጪ ከሚካሄደው ስደት በተጨማሪ ወደ ከተሞች የሚተመው ወጣት ጉዳይ መላ ካልተባለ ወደፊት የእርሻ ስራዎችን የሚሰራ ሰው እጥረት አጋጥሞ የግብርና ምርት ውድቀት እንደሚከሰት እየተነገረ ነው።
———
በአባይ ጉዳይ ከግብጽ ጋር ግጭት ውስጥ የገባው አምባገነኑ ኢህአዴግ አጋጣሚውን በመጠቀም ሃገር ወዳድ ለመምሰል እየተሯሯጠ ይገኛል። ኤርትራን እያጨበጨበ ያስገነጠለው እና በኋላም ከሻቢያ ጋር በተደረገ ውጊያ በርካቶች የሞቱለትን ባድመን አሳልፎ የሰጠው አምባገነኑ ቡድን አሁን የሌ የጦርነት ከበሮ እየደለቀ ድጋፍ ለማግኘት እየጣረ ይገኛል። የሰው መብት እየተጣሰ፣ ህዝቦች በዘራቸው ምክንያት ለአመታት ከኖሩበት እየተፈናቀሉ ልማት ብላችሁ አትድረሱብን በሚል ከዲያስፖራው ሰሚ ያላገነው አምባገነኑ ኢህአዴግ ይችን ግጭት ተጠቅሞ ገንዘብ ለመሰብሰብ እየተዘጋጀ ነው። እንደሚታወቀው የግድቡን ሲሚንቶ የወያኔው መሰቦ ካለ ተወዳዳሪ እንዲያቀርብ እንደተደረገ ይታወቃል።
በመረጃ የዳበረ ህዝብ አምባገነኖችን ቀባሪ ነው!!
#ፀረአምባገነን

Saturday, June 8, 2013

ESAT Darge Meshesha 07 June 2013 Ethiopia


የሕዝብ ድሎች ሲመዘገቡ-ሲጣጣሙ፤


በቅድሚያ ድል ሲባል ምን አይነት ድሎች አሉ ብሎ ማስተዋሉ ተገቢ ነው። በመሰረቱ በትእግስት፤በመቻል፤በሰላም፤በዝምታ የሚገኙ ድሎች አሉ። በትእግስት ዝም ብሎ ማስጨረስ ማሸነፍ ማለት ነው። ቀጥሎም ታግለው፤በሁለገብ አይነቱ ማለት ነው፤የሚገኙ ድሎች አሉ። ከዚህም ባሻገር እነዚህ መንገዶች አላስኬድ ሲሉ በግፊት የሚመጡ በጦር የሚገኙ ድሎች አሉ። በየአይነቱም አሽንፎ ማሸነፍ፤ተሸንፎም ማሸነፍ አለ። በተስተካከለ የትግል መስክ ማሸነፍና መሸነፍ፤ድል መንሳትና መነሳት አለ፤ ባልተስተካከለ መስክ ደግሞ አሸንፎ ማሸነፍ ተሸንፎ ማሸነፍም አለ።
እነዚህን መግቢያ ሓሳቦች ካስቀመጥን፤ የኢትዮጵያ ሕዝብ ያለው የት ነው? የትኛው ምእራፍ ለይ ደርሷል? ድሎቹስ ምን ይመስላሉ ብሎ ማስተዋልና መመርመር ለሚቀጥለው እርምጃ የሚበጅ ይሆናል።
የኢትዮጵያ ሕዝብ ታጋሽ ነው ሲባል በተግባር እንዳስመሰከረ የሓያ ሁለት አማታትን ውጣውረድ በትእግስት፤ በመቻል፤ በሰላም በዝምታ መወጣቱና መዝለቁ በቂ ምስክር ነው። ይህን አስተዋይና አዋቂ ሕዝም የተገላቢጦሽ ትእግስቱን እንደ ፍረሀት፤ አስተዋይነቱን እደደሞኝነት፤ ብስለቱን እነደድክመት ቆጥረው ለዘመናት መከራ ሲያዘንቡበት የቆዩትን ስርአት እንዳስቆጠረና አሁንም እየተደገሙ ናቸው። እዚህ ላይ ሕዝቡ ባሳያቸው አስተዋይነትና ትእግስት በታሪክ ምእራፍ ቅድሚያ ቦታ ይዞ መጠቀስ ያለበት አይነተኛ ድል ለመሆኑ አጠያያቂ አይሆንም። ባጭሩ ሕዝቡ በትእግስቱ በሰላማዊነቱና በአስተዋይነቱ ብዙ ድሎችን አስመዝግቧል። በወቅቱ-አሁንም። “እሰኪ እንያቸው” አለ እንጂ-ለዘመናት ተከመሩብን አላለም። አሁን መከራው ትእግስቱን አሟጧታል። ትእግስቱም መጠን ነበረውና። ይቀጥላል…

ድንቁርና የሚድንም የማይድንም ሕመም ሊሆን ይችላል !መስፍን ወልደ ማርያም

መስፍን ወልደ ማርያም
ሰኔ 2005
ከጥቂት ቀናት በፊት አንዳንድ ሰዎች በዓባይ ጉዳይ ቀረርቶና ሽለላ ማሰማት ሲጀምሩ ከባድ የሆነ የመረጃ እጥረት መኖሩን ስለተገነዘብሁ ስለግብጽ የኃይል ሚዛን ደረቅ መረጃ የጦርነትን መጥፎ መልክ ከሚገልጽ አስተያየት ጋር አቀረብሁ፤ የወያኔ ሎሌዎች ወዲያው በእኔ ላይ የተቀናጀ ዘመቻ ከፈቱ፤  ድንቁርናው ከዚህ ይጀምራል፤ ማሪዮ ፊልሞና ብሩኖ ‹‹በአፍራሽአስተሳሰባቸው የሚታወቁት ፕሮፌሰር መስፍን ወልደማርያም ዛሬም የግብጽን ጦር ገና ከሩቁ እንድንገብርለትጉትጎታ ይዘዋል፡፡›› በማለት ውርጅብኙን ይጀምራል፤ አንድም ቦታ እኔ ያቀረብሁትን መረጃም ሆነ አስተያየት አንሥቶ ጉድለትን አላሳየም፤ ዓላማው መረጃው ወይም አስተያየቱ አይደለም፤ ለረጅም ጽሑፉ ዓላማው እኔ ነኝ፤ የአሉላ ሰሎሞን ጆቫኒ የግጥም ዓይነት መልክ ከመያዙ በቀር ያው ነው፡፡
ለእነዚህ ሰዎች መልስ የሚያስፈልጋቸው በእኔ ላይ የሰነዘሩትን ለማረም አይደለም፤ አንዳንድ ሰዎች መልስ አይገባቸውም ይሉኛል፤ እውነት ነው፤ እኔ በሥራዬ እቆማለሁ፤ ወይም በሥራዬ እወድቃለሁ፤ ነገር ግን ንጹሐን ወጣቶችን አዋቂዎች መስለው እንዳይበክሉ መከላከል ግዴታ ነው ብዬ አምናለሁ፤ ድንቁርና እንደተላላፊ በሽታ ነው፤ ይጋባል፡፡
ድንቁርና መጥፎነቱና አደገኛነቱ ከኋላውም ሆነ ከፊቱ የሚያይበት ዘዴ አለመኖሩ ነው፤ ለዛሬ፣ ለሆድ ብቻ መኖርን ዕለታዊ ዓላማው የሚያደርግ ነው፤ አንጎሉ በድንቁርና የተሞላ ለምንም ሌላ ነገር ቦታ የለውም፤ ይህ ድፍን ወይም ፍጹም ድንቁርና ነው፤ ተስፋ-ቢስ ነው፤ አንጎሉ ውስጥ ድንቁርና ያልደረሰበት ትንሽ ቦታም ቢሆን ከአለ የእውቀትን ዘር ለመዝራትና ብርሃን ለመፈንጠቅ ዕድል ይኖራል፤ አለዚያ ድቅድቅ ጨለማ ነው፡፡
ፊልሞን በሚል ስም ራሱን የሚጠራው ከሽፍንፍን መውጣት ያልቻለው ፈሪ ፊደልን ብቻ የተማረ መሀይም ነው፤ ይህንን አንብበህ መልስ ስጥበት ብሎ ያዘዘው ሰው የእኔን ጽሑፍ ካልሰጠው በቀር የእኔ ስም ባለበት ሰሌዳ ደርሶ ከሆነ ሰውዬው የማየት ችግርም አለበት ማለት ነው፤ በሰሌዳው  መጀመሪያ ገጽ ላይ የእኔ መጽሐፎች ሽፋኖች ይታያሉ የሎሌነቱን ተግባር ለመፈጸም የቀባጠረውን በዝምታ ማለፍ እሱን ራሱንም ሆነ በተለይም የአነበቡትን ሰዎች መጉዳት ሰለመሰለኝ ከእውነቱ ጋር እንዲጋፈጥ ማስገደድ ይገባኛል፤ ባንዳውን ምሁር ፕሮፌሰር አፈወርቅ ገብረ ኢየሱስን ማወቁን ሳደንቅለት ኃይለ ሥላሴ ጉግሳንና ጭፍሮቹን እንዳልረሳቸው ተስፋ አለኝ፡፡
 እኔ እስከማውቀው ድረስ አሁን በስልጣን ላይ ያለው መንግስት ከእርሳቸው በበለጠ የጦርነትን ምንነት ጠንቅቆ የሚረዳ እናየጦርነትን አስከፊነት እንደክቡርነታቸው በቴሌቪዥን ሳይሆን በተግባር የሚረዳ ይመስለኛል:: እናም የሃገራችን ጥቅምለማስከበር በሚደረገው ሰላማዊ እና ፍትሃዊ ስራ ከጎን ከመቆም ይልቅ በተንኮላቸው የማይወዱትን አካል ጠልፎ ለመጣልእስከጠቀመ ድረስ የሃገርን ጥቅም ለመሸጥ ጉጉነታቸውን አይቸበታለሁ፡፡
ይህንን ለመጻፍ የሚያስችል ድንቁርና ፍጹም ነው፤ ይህንን ፍጹምነት ሲያጠናክረው፤ –
ሰውየው እኮ ሃገራችን በደም አንባ ስትታጠብ በርሃብ አለንጋ ስትገረፍና ህዝቦቿ በአለም አደባባይ ስንዋረድ የኬንያዊውንየመሃመድ አሚንን ያክል ለሃገራችን ያላበረከቱ ግለሰብ ናቸው:: ዜጎች ያለፍርድ ሲረሸኑ ሲዋረዱ ሃገራችን የጨለማ ዘመንአገዛዘን እያማከሩ ሲሰሩ የነበሩ ሰው ስለሃገር ክብርና ስለሃገር እድገት ብዙም ይገዳችዋል ብሎ መጠበቅ ከሰማይ ደመናንእንደመዝገን ይሆናል::ተማሪወቻቸው እና ከሳቸው በእጅጉ በትምህርት እና በእድሜ የሚያንሱ ወጣቶች ለሃገራቸው እናለህዝባቸው ነጻነት ሲዋደቁ ክቡርነታቸው ግን ለንደን እና ዋሽንግተን እየተንሸራሸሩ በነበረበት ወቅት በርሃብ እና በጦርነትእየነደደ ስለነበረው ህዝባቸው አንዲትም ቃል እንደተነፈሱ ታሪክ የላቸውም ::
የተማሪ ቤት ግቢን የረገጠ ይህንን አይጽፍም፤ አንደአለቆቹ መሸጦ አስተማሪ ቤቱ ድረስ እየሄደ ፊደል ያስቆጠረው ሳይሆን አይቀርም፤ ፊደሉን ማወቁን እንደመጨረሻ ትምህርት ወስዶታል፤ በአንድ በኩል የሚያሳዝን ሰው ነው፤ በሌላ በኩል ግን ድፍረቱ ድንቁርናን የሚያበረታና ለጥቃት የሚዳርግ ነው፤ ለኮሎኔል መንግሥቱ ጂቡቲ ጦርነት ብትከፍት ኢትዮጵያ እንደማታሸንፍ ነግሬው ነበር፤ በተጨማሪም በኢትዮጵያ ቴሌቪዥን የክምችት ክፍል ሄዶ በጓደኞቹ እርዳታ ትንሽ ቢቆፍር በደርግ ዘመን ‹‹ሕዝብና መንግሥት ሆድና ጀርባ ሆነዋል፤›› በማለት የተናገርሁትን ያገኘውና ዓይኑን ይከፍትለት ነበር፤ ምስክሮቹ ሁሉ በሕይወት ባሉበት ጊዜ እንዲህ ያለ ውንጀላ አያዋጣም፤ ወይም እኔን በባንዳነት ከራሱ ጋር ሊያዛምደኝ ፈልጎ ከሆነ ያማ መንገድ አያስሄድም፤ እግዚአብሔር ይመስገንና በዚህም በዚያም ከባንዳ ጋር ንክኪ የለኝም፡፡
እኔ ስለጦርነት የጻፍሁት ለሚያውቁና ማሰብ ለሚችሉ ሰዎች ነበር፤ የሚያውቁ ሰዎች የምላቸው የአሥራ ዘጠነኛውን የመጀመሪያ አጋማሽና የሃያ አንደኛውን ምዕተ-ዓመታት ሁኔታዎች ተገንዝቦ ማመዛዘን የሚችለውን፣ በአሥራ ዘጠነኛው ምዕተ-ዓመት መጨረሻ ላይ ኢትዮጵያ በአድዋ ላይ የተቀዳጀችውን ድል በኩራት እያስታወሰ በሃያኛው ምዕተ-ዓመት ደግሞ በማይጨው ላይ በኢጣልያ ጦር የተሸነፈችበትን ውርደት የሚያውቅና የሚሰማው፣ በዚያው ላይ ኢጣልያ በአድዋ መሸነፍ የተማረች ስትሆን ኢትዮጵያ በአድዋ ድልም ሆነ በማይጨው መሸነፍ ሳትማር መቆየቷን የሚያውቅና የሚቆረቆር፣ ካላወቀም ለማወቅ የሚጓጓ ሰው ነው፤ ከዚያ በኋላ የኢትዮጵያ ጦር ከወያኔ ጀሌ ጋር፣ ከሻቢያ ጀሌ ጋር፣ ከሶማልያ ጋር፣ በቅርቡም ከኤርትራ ጋር፣ በኋላም ከሶማልያ አክራሪዎች ጋር በተደረጉ ጦርነቶች ሁሉ የሚያኮራ ነገር አልታየም፤ ይህንን ሁሉ እውነት አውቆና አመዛዝኖ ለማየት የማሰብ ችሎታን ይጠይቃል፤  ማሪዮ ፊልሞና ለዚህ አልታደለም፤ በቅዠት ዓለም ውስጥ ሆኖ ራሱን አሉላ የሚለው ብሩኖም እንዲሁ ያልታደለ ሎሌ ነው፤ ለሁለቱም ከጉራዕና ከጉንደት በኋላ ታሪክ የለም፤ እዚያ ላይ ቆሟል፤ የደበዘዙ ዓይኖችና የደነዘዙ አንጎሎች በአሥራ ዘጠነኛው ምዕተ-ዓመት የመጀመሪያ አጋማሽ ላይ የሆነውን ይዘው 2005ን ለመደልደል የሚፈልጉ እንደፊልሞንና እንደአሉላ ሶሎሞን ያሉ ምስኪኖች እንዳይታዘንላቸው ትዕቢታቸው አያስቀርብም፤ እንዳይተዋቸው መርዛቸው ብዙ ሰዎችን ሊጎዳ ይችላል፤ ያለው አማራጭ ድንቁርናቸውን ማጋለጥ ብቻ ነው፡፡
የታሪክ ዋናው ዓላማ ጥቅም ዓይኖችን በአለፈው ነገር ላይ ተክሎ ወደኋላ ለማየት ሳይሆን ከፊታችን የተደቀነውን የዛሬውን ችግር ለመወጣት ከአለፈው ስሕተት መማር ነው፤ አንድ ጥያቄ፡– የኢትዮጵያ ድንበር ከዓባይ ጀምሮ ወደሰሜን እየሰለለ የሄደው ለምንድን ነው? እነፊልሞንና እነአሉላ ሶሎሞን ይህንን የማስተዋል ብቃት የላቸውም፤ ቢያስተውሉትም ስለማያስቡ አያሳስባቸውም፤ ማሰብ ቢችሉ የሚደነፉበትንና ግጥም የሚጽፉበትን ወደእፍረት ይለውጥባቸው ነበር፤ በቅርቡም በባድመ ጦርነት ፉከራውና ሽለላው ወደእፍረት ሲለወጥ አይተናል፤ ድንቁርና የሚደነድነው እውነትን፣ ከእውነት ጋርም እውቀትን እያፈነ ነው፡፡
በ1864 ዓ.ም. አካባቢ በጦርና በጋሻ አሸንፈናል፤ ዛሬም በ2005 ዓ.ም. በዚያው ዘዴ እናሸንፋለን ማለት የድንቁርና ዘውድ ነው፤ እኛ እንዳልተለወጥን ሌሎችም አልተለወጡምና በ1988 ዓ.ም. በአድዋ ኢጣልያን ድባቅ መተናል፤ እያልን ስንፎክር በ1928 ተመልሶ ሲመጣ በማይጨው ድባቅ መታን፤ ያን ጊዜ የሆነውን ማን ነው ከታሪክ የተማረው? ዛሬ ኢጣልያ ቢመጣ ፊልሞንና አሉላ ከነጓደኞቻቸው መንገድ መሪዎች መሆናቸው እጅግም አያጠራጥርም፤ ምክንያቱም እኔ የግብጽን ኃይል ለማሳወቅ የፈለግሁት እንዳንዘናጋ ሲሆን የእነማሪ ፊልሞንና አሉላ ጆቫኒ ፍላጎት ደግሞ ለማዘናጋት መሆኑ ነው፤ ዋናው ጥያቄ ግን ለምን እንድንዘናጋ ይፈልጋሉ? የኢትዮጵያ መዘናጋትና ለአደጋ መጋለጥ ምን ይጠቅማቸዋል? የሚለው ነው፤ መልሱ ውስጥ አልገባም፤ ፡፡
ዘመኑ እውቀት የረከሰበት ነው፤ ዛሬ አንድ ሰው የፈለገውን እውቀት ለማግኘት ከስንፍናና ከእኩይ ትዕቢት በቀር የሚያግደው የለም፤ በድንቁርና ከመኩራራት ፈርጠም ብሎ በእውቀት መስተካከልና ለወደፊቱ ማሰብ ቀና ይሆናል፤ ድንቁርናን የሚድን ሕመም እናድርገው፡፡