Thursday, November 14, 2013

መቋጫ ያጠው የወገኖቻችን ስቃይ እና ሞት በሳውዲ አረቢያ ፡አሁንም ቀጥሏል !

ትላንት አመሻሹ ላይ ሪያድ ከተማ በተለምዶ መንፍሃ እየተባለ የሚጠራ አካባቢ በሚገኙ ኢትዮጵያውያን አገርሽቶ በዋለው ተቃውሞ የተጓዳ የሞተ ባይኖርም ኢትዮጵያውያኑ ድምጻቸውን ከፍ አድረገው አንድነን አንድነን … መብታችን ይከበር ….እኛም ሃገር አለን ወዘተ… በሚል መፈክር ታጅበው ብሷታቸውን ሲያሰሙ መዋላቸውን የሚገልጹ የአይን እማኞች የሳውዲ የጸጥታ ሃይሎች ተቃውሞውን ለመብተን በከፈቱት ቶክስ ይሰማ በነብረው የጥይት ድምጽ አካባቢውን ወደ ጦርነት አውድማ ለውጦት ማምሸቱን የገልጻሉ። 
ይህንንም ተከትሎ በ10 ሺህ የሚቆጠሩ አውቶማቲክ የጦር መሳሪያ የታጠቁ ተጨማሪ ልዩ ፈጥኖ ደራሽ፡ ኮማንዶዎች ቦታው በመድረስ ተቃውሞውን መግታት ተችሎል ብለዋል ። እንዚህ ምንጮች ትላንት ተቀስቅሷ በነበረው ሁከት ጥቂት ተሽከርካሪዎች ላይ ጉዳት መደሱን ገልጸዋል። ሰምኑን የሳውዲ አረቢያ መንግስት በውጭ፡ሃገር ነዋሪዎች ላይ ያወጣው ህግ የግዜ ገደብ መጠናቀቁን ተከትሎ የሳውዲ ጸጥታ ሃይሎች በኢትዮጵያውያኑ ላይ እየወስዱ ባሉት የተናጥል እርምጃ አያሌ ወገኖቻችን ወደ ሃገሩ ለመምለስ ከየመኖሪያ ቤቱ ነቅሎ አደባባይ ቢወጣም ወደ ሃገር መግባት የሚያስችሉት ነግሮች በመንግስ በኩል ባለመኖሩ ከእልቂት ተርፈው ወደ እስርቤት የተጓጓዙ ከ 20 ሺህ የሚበልጡ ወገኖቻችን በምግብ ወሃ እና የመጸዳጃ ቦታ እጦት እይተሰቃዩ እንደሚገኙ ተግልጾል።
በአንድ ማጎሪያ 4 ቀናቸውን እንዳስቆጠረ የሚነገርለትን ኢትዮጵያዊ እና ሪያድ መንፍሃ ጅዳ እና መካ እስከነ ልጆቻቸው በየመገዱ ፈሶ ቁም ስቅሉን እያየ ያለውን በመቶሺህ የሚቆጠር ወገን ብሷት ለማድመጥም ሆነ ለማየት የመጣ የመግስት ባለስልጣን አለመኖሩ ተገልጾል። ይህ በዚህ እንዳለ ዛሬ ጅዳ በተለምዶ መስፈላ እይተባለ የሚጠራ አካባቢ በሳውዲ የጸጥታ ሃይሎች እና በኢትዮጵያውያን መሃከል በተነሳ ግጭጥ 76 ሰዎች መቁሰላቸውን የሚገልጹት ምንጮች በዛ ቀውጢ የቶክስ እሩምታ በጥይት ተደብድቦ የተገደለ ኢትዮጵያዊ ሊኖር እንደሚችል ግምታቸውን አስቀምጠዋል።
ተቀማጭነታቸው ሪያድ እና ጃዳ ከተማ በሆኑት በሳውዲ አረቢያ የኢትዮጵያው አምባሳደር እና የቆንስላው ጽ/ቤት ዲፕሎማቶች ላይ ተስፋ የቆረጠው ኢትዮጵያዊ ሰድተኛ እስካሁን በመግስት ወደ ሳውዲ አረቢያ ተጉዘዋል ያለው ለኡካን ቡድን ምንም አይነት የሚጨበጥ፡ነገር ባለምስራታቸው ኢትዮጵያውያኑ ለከፋ አልቂት በመዳረግ ላይ መሆናቸው ታውቋል።ሰሞኑን የውጭ፡ጉዳይ ሚንስቴር ቃል አቀባይ ክቡር አምባሳደር ዲናሞ ሙፍቲህ ኢትዮጵያውያኑ በሳውዲ አረቢያ እየተፈጸምባቸው ነው የሚባለው የጅምላ ግፍ እና በደል ይሄን ያህል የሚጋግነን እና ቦታ የሚሰጠው አለመሆኑን መግለጻቸው ይታወሳል። ይህ በእንዲህ እንዳለ ትላንት ምሽት መንፉአ አካባቢ በተቀሰቀሰው ተቃውሞ ከ 17 በሚበልጥ አውቶብስ ተጭነው የተወሰዱ ቁጥራቸው በውል የማይታወቅ ህጻናት ሴቶች አረጋውያን ጨምሮ አያሌ ወገኖቻችን ከሪያድ የ6 ሰአታት ጉዞ በሃላ ያልታወቀ መድረ በዳ የሆነ አካባቢ እንዲወርዱ መገደዳቸውን እና የኢትዮጵያውያኑ እስካሁን ያሉበት ሁኔታ በውል እንደማይታወቅ ተገልጾል።
Ethiopian Hagere ከጅዳ በዋዲ

ኢትዮዽያዊያን በዋሽንግተን ዲሲ የሳዑዲ አንባሳደር ያስጨነቁበት ቪዲዮ ኮራንባቹ DC


ከምርጫ 97 ወዲህ በዋሽንግተን ዲሲ እንዲህ ያለ ሕዝብ ሰላማዊ ሰልፍ ሲወጣ ይህ የመጀመሪያው ነው። ኢትዮጵያውያኑ በሳዑዲ ኢምባሲ ደጃፍ ባደረጉት ሰላማዊ ሰልፍ ላይ ሲላቀሱ፤ ብሶታቸውን ሲያሰሙ፤ ወገኖቻቸው መፍትሄ እንዲያገኙ ሲጠይቁ ውለዋል –። በሰልፉ ዙሪያ የሚደርሱንን መረጃዎች ይዘን እስከምንቀርብ ፎቶዎችን ይመልከቱ።

Wednesday, November 13, 2013

የእህታችን አሳዛኝ የቪድዮ መልዕክት ከሳዑዲ አረቢያ/A Very Sad Message from Saudi Arabia [Must Watch]



A Very Sad Message from Saudi Arabia [Must Watch] የእህታችን አሳዛኝ መ

http://www.youtube.com/watch?v=K26vG8MkFbQ

የ 19 አመት ኢትዮጵያዊ በሳውዲ ወረበሎች የመደፈርዋ አሳዛኝ ታሪክ


እንዲሉ ኢትዬጵያኖች እራሳችን የተውነውን መብታችንን ሌሎች እንዲያከብሩልን መፈለጋችን ላም አለኝ በሰማይ አይነት ነው የሆነብን ።የ አገራችን ችግር ምን እንደሆነ ለማወቅ የሚፈልግም እውቀቱ ያአለውም ያለ እስከማይመስል ድረስ የመክራ መአት በዜጐች ላይ እየደረስ ይገኛል።
መንግስት ነኝ ባዩ ቡድን ዜጐች ከሃገራቸው በስራ ሲወጡ የሚያስፈልገውን ደንብ እና ስርዐት ተክትለው መውጣት ሲገባቸው ኤጀንሲ ነን በሚሉ ወሮበሎች ዜጎች ሲሽጡ በግልጽ እየታየ አንድም ሃላፊነት የሚሰማው የአገር ተቆርቆቋሪ ባለስልጣን እንዴት አገራችን አጣች ? እንዴት በንግዱ እና በፓለቲካው መስክ የ እረጅም ግንኙነት የነበራት አገር እና ሕዝቦቿ በኢትዮጵያዊያን ዜጎች ላይ ይሄን አይነት እርምጃ ሊወስዱ ቻሉ ?እነዚህን እና ሌሎች ጥያቂወች ጠይቄ መልስ ለማግኘት በጣም በመጨነቅ ምንም እንደማይጣ ስለተረዳሁ ጥያቄዎቸን አቁሜ ከሳውዲ አካባቢ የስማሁትን እንደወረደ ላካፍላችሁ ወደድሁ ምን አልባት ስተነፍስው ይቀለኝ ይሆናል በማለት ታሪኩን እነሆ፦
በሰሞኑ የዜጎቻችን ለቅሶ ያላሳዘነው እና ያልተቆጨ መችም የለም ይሄ ግን ጨርቅን አስጥሎ ያስኬዳል ነገሩ እንዲህ ነው
አባት፥ጎረምሳ ወንድ ልጅ እናት እና የ 19 አመት ልጅአገረድ ሴት ልጅ አንድ አፓርትመንት ውስጥ እንዳሉ ቤታቸው በ6 የሳውዲ ጎረምሶች በሩ ተሰብሮ አባት ፥እናት እና ጎረምሳ ወንድም እያየ የ 19 አመት ልጅአገረድ ልጃቸው እና እህቱ ለ 6 ስትደፈር እያዩ ምንም ማድረግ አለመቻል እናት ስታነባ ማየት የ ልጃቸውን ደም እና ህመም የ እህቱን ስቃይ እያየ ምንም ማድረግ ያልቻለ ወንድም ይሄን ሁሉ ስቆቃ እየሰማ ዝም ያለ መንግስት የሌሎች አገር መንግስቶች እና መገናኛ ብዙሀኖች ስምተው ጥያቄ ሲጠየቊ ህገ ወጦች ናቸው ብለው የሚመልሱ የውጭ ጉዳይ ሚኒስቴር ቃል አቀባይ ማየት እና መስማት በ ልጆቹ እና በወገኖቹ ላይ የሚደርሰው መከራ የማያሳስበው ሕዝብ ማየት እረ ሰዎች ምን ነካን እዚች እህታችን እና ቤተሰቧ ጋ የደረሰው የ እኛ እህት ላይ አይደለም የደረሰው እኛ ልጅ ላይ አይደለም የደረሰው እስኪ ሁላችንም እራሳችንን በቦታው ላይ እንዳለን እናስብ እራሱ ዲና ሙፍቲ ተብየውም የ እራሱን ልጅ 6 አረቦች አይኑ እያየ እንደ እንደ እንስሳ ሲደፍሩአት ምን ይሰማዋል;አንገት የተፈጠረው አዙሮ ለማየት ነው::ከዚህ በላይ ለመቀጠል የሞራል ብቃት ስላጣሁ ፍርዱን ለ አገሬ ሰዎች እተዋለሁ።
እግዚአብሄር የኢትዮጵያውያን እንባ ያብስ።
Samuel Ali
SOURCE: freedom4ethiopian

Saturday, November 9, 2013

እነ ጀማነሽ ድብደባ እየተፈፀመብን ነው አሉ

ፕ/ር ይስማውና ሌሎች አባላት ክስ ተመስርቶባቸዋል
“የማህበረ ስላሴ ዘደቂቀ ኤልያስ” ማህበር አባላት፤ በተናጥል እና በጋራ በምናራምደው እምነት ምክንያት ህገመንግስቱ የሰጠን መብት ተጥሶ ድብደባ፣ ወከባና እንግልት እየተፈፀመብን ነው፤በአባላቶቻችን ላይም ክስ እየተመሰረተ ነው ሲሉ አማረሩ፡፡ አርቲስት ጀማነሽ ሠለሞን አባል የሆነችበት ማህበረ ስላሴ ዘደቂቀ ኤልያስ “ኤልያስ መጥቷል፣ ሰንበት ቅዳሜ ነው፣ አርማችን ቀስተደመና ነው” የሚሉና መሠል ሃይማኖታዊ ሃሳቦችን የሚያራምድ ሲሆን አባላቱ ሃይማኖታዊ አስተምህሮአቸውን በተለያዩ መንገዶች ለሰዎች ለማስተማር ሲሞክሩ ለህይወታቸው አስጊ የሆኑ ጥቃቶች እየተፈፀሙባቸው እንደሆነና በአቃቤ ህግ ክስ እንደቀረበባቸው ለአዲስ አድማስ ገልፀዋል፡፡ ከአዲስ አበባ 65 ኪ.ሜትር ርቀት ላይ በምትገኘው አሌልቱ ከተማ አቡነ ተክለሃይማኖት ፅላልሽ ገዳም አጥቢያ ነዋሪና የገዳሙ አገልጋይ እንደሆኑ የገለፁት ወ/ሮ ቀለመወርቅ ጀማነህ፤ የማህበረ ስላሴ አባልና አገልጋይ በመሆናቸው ብቻ በቤተሰቦቻቸው ላይ ውክቢያ፣ እንግልትና ድብደባ እንደተፈፀመባቸው ተናግረዋል፡፡
ግለሰቧ እንደሚሉት መስከረም 24 ቀን 2006 ዓ.ም የገዳሙ የሃይማኖት አባቶች፤ ቤተሰቦቻቸውን ሰብስበው “ልጃችሁ ሃይማኖታችንን እያጠፋች ነው” በሚል እንዳነጋገሯቸውና ከዚህ ድርጊት እንድትታቀብ አድርጉ የሚል ማሳሰቢያ እንደተሰጠ ገልፀዋል፡፡ የማህበረ ስላሴ አባላትን ወደ ገዳሙ ለበረከት ሐምሌ 30ቀን 2005 መጋበዛቸውን የሚገልፁት ወ/ሮ ቀለመወርቅ፤ ይህን በመፈፀማቸው “ሃይማኖታችንን የሚያጠፋ ተግባር ፈጽመሻል” ማለት፣ እንደበድብሻለን የሚል ዛቻ እንደደረሰባቸው አስታውሰው፤ ጥቅምት 17 ቀን 2006 ዓ.ም ዛቻው በቤተሰባቸው አባላት ላይ እንደተፈፀመ ለአዲስ አድማስ ተናግረዋል፡፡
በእለቱ በወላጅ እናታቸው ቤት በተዘጋጀ የመታሰቢያ ዝክር ላይ ተከፍለው ወደመጡበት ሲመለሱ መንገድ ላይ ድብደባ የተፈፀመባቸው የቤተሰባቸው አባላት፤ በአካባቢው ማህበረሰብ እርዳታ እና በፖሊስ ትብብር ወደ ፖሊስ ጣቢያ በመሄድ ክስ ማቅረባቸውንና ጉዳዩም በህግ እየታየ መሆኑን ወ/ሮ ቀለመወርቅ ገልፀዋል፡፡ ከድብደባው ጋር በተያያዘም በድርጊቱ ተሣትፈዋል ተብለው የተጠረጠሩ የሃይማኖት አባቶችም ታስረው መለቀቃቸውን እኚሁ ቅሬታ አቅራቢ አክለው ተናግረዋል፡፡ በጉዳዩ ዙሪያ የገዳሙን የስራ ሃላፊዎች በስልክ ለማነጋገር ያደረግነው ተደጋጋሚ ሙከራ ባይሳካም ጉዳዩን የያዙት የወረዳው ፖሊስ ባልደረባ አቶ ገዙ ወርቁ፤ የተፈፀመው ድርጊት ገና በምርመራ ሂደት ላይ መሆኑን ገልፀውልናል፡፡ የማህበሩ አመራር አባላት ለዝግጅት ክፍላችን ባቀረቡዋቸው የክስ ዝርዝር ሰነዶች እንደተመለከተው፤ ከማህበሩ አመራሮች አንዱ የሆኑት ፕሮፌሰር ይስማቸው አለሙን ጨምሮ በባህርዳር እና በደብረ ብርሃን የሚገኙ አባላቶች አስተምህሮውን በመስበካቸው የወንጀል አንቀጽ ተጠቅሶባቸው ክስ እንደተመሠረተባቸው ተመልክቷል፡፡
የአዲስ አበባ ዩኒቨርሲቲ መምህር በሆኑት ፕ/ር ይስማው ላይ የተመሠረተባቸው ክስ እንደሚያስረዳው፤ ተከሳሹ በ28/07/2005 ዓ.ም ከሌሊቱ 10.00 ሰዓት በቦሌ ክፍለ ከተማ ወረዳ 01 ክልል፤ ልዩ ቦታው ቦሌ ሚካኤል ቤተክርስትያን ውስጥ የቅዳሴ ስነ ሥርዓት እየተካሄደ እያለ ወደ ቤተመቅደስ በመግባት “ኤልያስ መጥቷል የተዋህዶን ነገር በደንብ መናገር አለብኝ፤ እናንተ በከንቱ ነው የምትደክሙት፤ ኦርቶዶክስ ትክክለኛ ሃይማኖት አይደለም፤ በውስጡ ቅባትና ዘጠኝ መለኮት የሚገለጽበት ነው፡፡
እውነተኛ እና ትክክለኛ ሃይማኖት ተዋህዶ ብቻ ነው፤ ይሄንን እውነታ ለህብረተሰቡ አስተምራለሁ እሰብካለሁ” በማለት ሃይማኖታዊ ስነሥርዓቱ እንዲታወክ እና ረብሻ እንዲፈጠር ያደረገ በመሆኑ፤ በፈፀመው ሃይማኖታዊ ሠላምና ስሜት መንካት ወንጀል ተከሷል ይላል፡፡ በባህርዳር ዙሪያ ወረዳ ጽ/ቤት በአቃቤ ህግ ክስ የተመሠረተባቸው አቶ ጌጤ ሣህሉ ንጋት የተባሉ የማህበሩ አባል በቤተክርስቲያን ላይ የንግግር ወንጀል ፈጽመዋል የሚል ክስ የቀረበባቸው ሲሆን በደብረ ብርሃን ለባሶና ወራና ወረዳ ፍ/ቤትም አቶ አበበ ነጋሽ የተባሉ ግለሰብ፤ የኦርቶዶክስ ተዋህዶ ሃይማኖትን በማሽሟጠጥና በማራከስ እንዲሁም የተለያዩ በራሪ ወረቀቶችን በመበተን ፈፀሙ በተባሉት ሃይማኖታዊ ሠላምና ስሜት መንካት ወንጀል መከሰሳቸው ታውቋል፡፡